انا مستجد ياطويل العمر وماعندي خبرة في اندونيسيا
لكن متاكد بعون الله من احد الفطاحل هنا في المنتدى سيعطيك اجوبة شافية
لان يقولون ان فيه ناس هنا في هذا المنتدى ناس يعرفون اندونسيا دار-دار .شقة -شقة . فيلة -فيلة
الله يرحمه ويغفر له ذنوبه كان جدا ممتع صاحب هل المقولة المشهورة

حياك الله أبو ياسر ورحلة موفقة بإذن اللة ..
الفلل بالجبل لا توجد بها خدمات فندقية فهي غالبا
فلل لأشخاص تؤجر ومن رأيي تبحث عن المناسب لك من خلال البحث مع السائق وتشوف ما يناسبك
وهذه هي الطريقة الوحيدة تقريبا ..
لو تسكن في فندق سيروني 2&3 في البداية وبعدها تبحث عن فيلا يكون أفضل ..
باندونق تمتاز بالفنادق والمنتجعات وأرشح لك فندق
سينسا في البداية لموقعه وقربه من الأسواق ..
توجد فيلا ولكن بعيدة في منطقة داقو بكر وكبيرة
بالنسبة لعددكم وسعرها مرتفع شوي وإذا تريدها
أضع لك الرابط في بوكنق ..

السؤال يقول
الفلل في بونشاك كثيرة جدا , و المطلوب فليلة حليوة أو فلة تصلح للعوائل
لأن فيه ناس عندهم عادي يسكنون في مجمع فيه
( ردح و اغاني و سكار )
وانا لا اريد ان اكون جار لهذه الفلل وانا كذلك اريد زيك وتكون قريبه من الخدمات لانها السفره الاولي لي ولعائلتي

اخي الفاضل رحله سعيدة ان شاء الله ..
و اتفق مع مشرفنا AL-MosBah في ترشيح فندق سيروني ,
يعطيه العافيه اختيارته دائماً راقية و مميزه في السكن ..
خاصةً و ان فندق سيروني ممكن تاخذون فيه غرفتين ب باب في الوسط ..
رحله موفقة مره ثانية ..
.

شكراً لك أم عبدالعزيز وهذا من ذوقك الراقي والجميل بارك الله فيك ..
أخي الكريم أبو عبدالرحمن لا يوجد شيء أسمه فلل للعوائل وفلل للشباب لذلك لا يمكن
تحديد فيلا بعينها !! والطريقة الوحيدة هي البحث بواسطة السائق واختيار المناسب لك
أو تريح بالك وتسكن في فندق سيروني 2&3 ..

1. جار خدمات ماذا تقصد به لنجيبك اخوي ؟


2. فلة سعرها مناسب


3. ==================


4. هذي خارطته كوتا بونقا مبين فيها موقع مداخل المنتجع

فلة سعرها مناسب و نظيفة ( يعني اقل من الفندقية تمشي )
كم السعر المناسب برايك ؟
لأن فيه ناس عندهم عادي يسكنون في مجمع فيه
( ردح و اغاني و سكار )
مجمعات الردح والاغاني وصلت الي كوتا بونقا الهاديء وقت السيزن والاجازات البلد اصبحت مزارا لكل من هب ودب
مجمعات الشباب بمنطقه سيسرواه كجياكرتا وقولف وبريتا وشيكروا والفا ريسورت هذي غير مناسبه للعوائل
يوجد فلل قريبه من هلمناطق لكن لاتضمن عدم سماع صوت اغاني مثلا ليلا
وانا لا اريد ان اكون جار لهذه الفلل وانا كذلك اريد زيك وتكون قريبه من الخدمات لانها السفره الاولي لي ولعائلتي

جار خدمات ماذا تقصد به لنجيبك اخوي ؟

اذا تقصد صرف وبقاله فالان الخدمات وصلت الي شيباناس هناك بقاله بندر وبقالتين عربيه غيرها عند مدخل كوتا بونقا وهناك صراف ايضا ببقاله بندر وهناك مكتب حجوزات داخلها + زرائب ذبايح وبقيه الخدمات الموجوده بقرب البقاله السعوديه متوفره في شيباناس الان
عموما طلبك موجود بمنطقه سيسرواه ذا تبي تكون قريب من هلمنطقه ولا تبي تبعد بقرب الخدمات والمنطقه المعروفه لكن تحتاج الي ارخاء الجيب وفرد الكاش وهذا ماينطبق علي طلبك تحديدا في هذه الكلمه

فلة سعرها مناسب

اذا كنت شخص وحيد بعائله صغيره مثل حالتك فاسعار هذه الفلل اعتبرها عاليه عليك الا اذا ماهمك السعر مقارنه بالفخامه كماطلبت وهي تناسب شخصين او اكثر لعائله كبيره مع بعض + حجزها مش دوما متوفر
ركز معي وانت طالع مخلي البقاله السعوديه بيسارك متجه لكنتاكي تجيك هللوحه يمينك ادخل من عندها يمين ثم يجيك طلعه بيسطه يسار تدخل معها انت الان بمنطقه مجمع فلل جيده وفخمه وغاليه ومنطقه عوائل اغلبه الفلل لا تسكن الا عوائل فقط هنا

هذا رابط لاحدي الفلل اسمها بنتانق بالمنطقه
https://artravelers.com/p/re/621516
وهذي صور تخصني للفيلا من اخر الزيارات للمنطقه

وهذا رابط لفيلا اخري اسمها رونيلا بالمنطقه وهي عده فلل رونيلا 3 ورونيلا 2
https://artravelers.com/p/re/462150
وهذي صور لمدخل الفيلا من نفس الزياره لانها كانت مستاجره ولم استطع تصويرها من الداخل واكتفيت بالسكن في بنتانق

>> هذا المجمع او المنطقه عائليه اكثر لكن محد يقدر يضمن لك ما تسمع اغاني مثلا وانت بساحه الفيلا ليلا
+ ان منطقه السكن هنا منخفضه شوي يعني المناظر امام الفلل مو واسعه لقربها من الخدمات والطريق العام بينها وبينه مئات الامتار
فيه فلل اخري بالجهه المعاكسه تماما لهذه المنطقه وانت طالع من البقاله السعوديه بيجيك بيسارك لوحه مكتوب عليها الفا ريسورت هذي منطقه شبابيه بحته اذا تعمقت فيها وبداخلها بيجيك مفرق يمين ويسار اليسار يوديك لمنطقه الشباب تقريبا واغلب الفلل هنا شبابيه اليمين يوديك لفلل صغيره وفيلا تكساس
تكساس مقاربه للفلل بالاعلي وهي عده فلل مو واحده وسعرها مقارب للفلل بالاعلي مو بعيد عنهم يعني من 250 دولار وانت طالع
هذا رابط فيلا تكساس
https://artravelers.com/p/re/442018

==================

فيه فلل اخري بداخل كوتا بونقا افخم من الفلل الاعتياديه ببقيه مجمع كوتا بونقا وسعرها مناسب بين 750 و مليون و100 الف في منطقه غير معروفه للكثيرين وبالاخص ممن يدعي معرفه باندونيسيا من العرب داخل كوتا بونقا اسمها كوتا اير او قريه الماء

هذي خارطته كوتا بونقا مبين فيها موقع مداخل المنتجع

ومبين فيها موقع مدينه الالعاب الصغيره ارينا فانتازي داخل المنتجع باللون الاحمر تخليها بيسارك حسب المدخل اللي دخلت منه للمنتجع كوتا بونقا وغالبا بيكون مدخل رقم 1 تلقاه بالخارطه بحرف A وتتجه للمنطقه بحرف B هذي منطقه داخل المنتجع اسمها كوتا اير او قريه الماء بلغتهم فيها فلل خاصه بيدك اليسري للايجار موقعها امام شلال مباشره والشلال منخفض يعني تسمع صوته وتشوفه بالجهه اليسري فقط بدايته ماتشوفه كله وحسب الفيلا اللي بتاخذها بعضها فيها اشجار بحديقتها وبعضها لا كل ماقل الشجركان افضل ليكون المنظر للشلال افضل وامامك حقول ومدرجات رائعه كمنظر افضل
يعيب الفلل هدوئها ليلا يعني الخدمات فيها والحركه اقل ليلا + فرشها لابد تشيك عليه ولا تاخذ لك كم شرشف انظف لك ان كان صاحب الفيلا مو مهتم بالفرش وسعرها بثلث قيمه الفلل اللي اشرنا لك بها في سيسرواه
هذي الخارطه المقصوده لموقع فيلا اير بداخل كوتا بونقا

وهذا تقسيم الفلل اللي علي البحيره المائيه الصناعيه والي امام الشلال افضل غالبا

هذي صور للبحيره الصناعيه بمنتصف المنطقه

وهذي صور لاحدي الفلل فيها
هذا مدخلها

وهذي صاله الدخول والتلفاز مفتوحه علي مطبخها

هذا المطبخ مقابل الجلسه للصاله ويتضح بب دوره المياه بالصاله وفيه غرفه نوم رئيسيه باليمين غير واضحه بالصوره مصوره فديو فقط

هذا منظر البلكونه والمطل امام الشلال وتشوف فلل اخري باليسار لها عده ملفات فديو عندي

وهذا منظر اخر للبلكونه وحقول الشاهي امامها

ماسبق الدور الاول
الفيلا واغلب الفلل هنا بنفس النظام عباره عن 3 ادوار
الدور الاول في هذي الفيلا اللي صورها امامك فيه مطبخ وبلكونه ومجلس صاله تلفزيون > غرفه نوم رئيسيه
الدور الاسفل منه تنزل له بدرج فيه غرفتين كل وحده بحمام مستقل غرفه بسرير كبير وغرفه بسريرن صغار
هذا منظر الدرج

وهذا مدخل الغرفه الكبيره بالدور الاسفل وباب ينزلك للدور الارضي

هذي صوره الغرفه بشكل اوسع

هذي صوره الغرفه الثانيه بنفس الدور وبها سريرن صغار مفردين ودوره مياه خاصه اعزك الله والقارئين

وهذا السلم اللي ينزلك للدور الارضي فيه دوره مياه صغيره لسائق مثلا او شغاله وفيها طاوله بلياردوا

طبعا تشوف بالصوره اللي فوق مخرج للحديقه امام الشلال مو مرتبه كثير لان صاحب هذي الفيلا كان ينوي بيعها والحديقه مصوره فديو فقط عندي
ان مريت هنا وقررت تسكن بهذي المنطقه فاختر اول فيلا بالصف لانها الاقرب لمنظر الشلال كانت محجوزه وقت قدومي لها ولها صور فديو ايضا وهي قريبه من تاثيث ونظام هذي الفيلا
هذي المنطقه ما نشرتها من قبل كثيرا حتي لايكون فيه ظغط عالي عليها من السواح لانهم بصراحه يرفعون الاسعار بشكل جنوني لما يقارنون الفلل بفلل اخري اصغر واعلي سعرا الفيلا اللي بين يديك وضعت صورها حجزتها ب750 الف روبيه لليوم ان جيتها بوقت مو زحام فكاسر لالاتتهاون وتقارنالسعر بفلل اخري قريبه من سعرها واقل غرف منها

السلام عليكم .. أخي الكريم أحدثك من واقع خبرة سفر عائلي لأكثر من خمس مرات الى اندونيسيا بغض النظر عن الرحلات الشخصية .. لم أجد في فلل اندونيسيا قاطبة مايسمى بالفلل العائلية إنما في وقت الذروة يلجأ بعض المستثمرين السعوديين هناك الى تخصيص فله او فلتين للعوائل تلبية لرغبة الزبائن وقد يكون احيانا ثلاث فلل متجاورة يخصصونها للعوائل فقط في وقت الذروة لكن فترتك ليست بوقت ذروة .. لذلك اجد في رد مشرفنا المصباح رأي سديد .عند وصولك للجبل اسكن فندق ثم ابحث من الصباح عن فلة على عينك اهم شي ابعد عن منطقة شكرو وماحولها اذا ماتحب تسمع رديح وترى الجبل كبير عريض سوف تجد فوق ماكنت تتمنى .. ذهابك لمنطقة شيباناس المجاورة لكوتا بونقا يفقدك روعة الجو والاطلالات الجميلة ولاتخاف الفله اللي ماتعجبك تقدر بساعه تغيرها والصرف والخدمات التيوس والخبز اصبحت في كل مكان توكل على الله وروح ولاتشغل نفسك وتشد اعصابك تراك راح تنبسط وتكررها كل سنه
تقبل مني هدية ضروري تحرص على زيارتها وهي حديقة كامبونق قاجاه خطيرة وجديده في باندونق
الله يوفقكم ويسهل اموركم