وعليكم السلام ورحمة الله وبركاته
أخوي بو هزاع ..لوممكن تذكر لنا محطة الوصول والمغادرة في اي مدينة ؟؟

مرحبا يا اخوي
خط السير بيكون : دبي - زيورخ - دبي
بنزل في زيورخ وعلى طول بروح انترلاكن وعقبها بروح زيلامسي وعقبها برجع على زيورخ
يا ريت لو تفيدني بالاماكن السياحية اللي لازم ازورها
وهل كل الاماكن بتكون مفتوحة خلال الفترة من 30/3/2013 ولغاية 11/4/2013 ولا في اماكن بتكون مغلقه ؟؟
هل في بطاقة خصومات معينة لازم اشتريها علما باني بستأجر سياره من مطار زيورخ
ولك مني جزيل الشكر

هلا اخوي .
.
جمعة مباركة .
والله بالنسبة للتاريخ ..بعض الانشطة في انترلكن خصوصا ما تفتح الا بعد منتصف ابريل .
على العموم ..لو تعطيني بعض الوقت عشان نعرف مواعيد عمل الانشطة.
==
===
مبدئيا هذه روابط ممكن تفيدك ولنا عودة معك باذن الله :
http://www.aboaziz.net/blog/?p=948
توجد استراحة جميلة بالقرب هايدي ..من توصيات العمدة ابو عزيز:
http://www.aboaziz.net/blog/?p=1410
زيورخ - مركز سويسرا المالي https://artravelers.com/p/re/65353
وهذا رابط اخر للانشطة(معلومات سياحية عن زيوريخ http://duwal.com/ar/travelguide/europe/switzerland/Zurich/things-to-do-list)

مشكور يا خوي على مجهودك
ادري ان معظم الانشطه ما تفتح بس للاسف انا مقيد في هالتواريخ بسبب الكلية
في انتظار ردك ان شاء الله ويعطيك العافيه

1. اليوم الثالث :


2. زيارة شلال تروميل باخ + قمة اوروبا الينفيرواخ .

الله يعافيك والشر ما يجيك .
==
( انترلاكن 3 ليالي - زيلامسي 4 ليالي - زيورخ 5 ليالي ).
خلال الفترة من 30/3/2013 ولغاية 11/4/2013
انترلكن من 30 الى 2
زيلاميسي من 2 الى 6
زيورخ من 6 الى 11
===============
===============
ملاحظة ..الرجاء الاستفسار عن النشاط قبل الذهاب اليه ..في استقبال الفندق او في مركز المعلومات السياحية .
اليوم الاول في انترلكن .يوم الوصول من زيورخ ..وهو على حسب موعد الوصول واستلام السيارة ..والوصول الى انترلكن .
اذا كان بدري ..ممكن عمل جولة بحرية في بحيرة ثون ..والتمشي في سنتر انترلكن.
او زيارة كهوف ساينت بيتس.
اليوم الثاني:
زيارة مصنع الشوكولاتة نستله + بحيرة البلاوسيه .
مصنع الشوكولاتة يوجد بجواره مصنع الجبن + قلعة جريير ..اذا اسعفك الوقت انك تروح لها .والا راح تجدول البلاوسيه في يوم ثاني.
Nestlé Suisse SA - Broc46.606998,7.107811زيارة مصنع الشوكولاتة في قرية بروك
Blausee46.532443,7.664595بلاوسيه
Hostellerie LeCastel en Gruyère46.584726,7.084068زيارة قلعة قرية جريير
The House of Gruyères46.582772,7.07266زيارة مصنع الجبن في قرية جريير

اليوم الثالث :

زيارة شلال تروميل باخ + قمة اوروبا الينفيرواخ .

شلال التروميل باخ توصل له من قرية لوتربرونن ..تزور الشلال من الصباح ..ثم بعده تروح لمحطة قطارات لوتربرونن ..وتوقف السيارة ..وتطلع بالقطار الى القمة.الصعود للقمة يستغرق ساعتين ...والعودة ايضا كذلك.هنا تاخذ احتياطاتك للبرد ..وعلى فكرة ..مهم جدا سؤال مركز المعلومات السياحية (tourism information) عن حالة الطقس قبل الصعود ..اذا كان الجو لا يسمح ..بإمكانك التبديل بينه وبين اي نشاط اخر.
6-569719,7.914276شلال تروميل باخJungfraujochقمة اوروبا
6-598395,7.90803Lauterbrunnen
هذه بعض الانشطة الممكن زيارتها في خلال تواجدك:
Schilthorn.
طوال العام مفتوحة ماعدا اوقات الصيانة
.Niederhorn.
طوال العام مفتوحة ماعدا اوقات الصيانة
http://www.niederhorn.ch/en/winter/timetable.html
1/1/2013
قمة النيدرهورن بالقرب من قرية بيتنبيرج.

مشكور يا خوي و جزاك الله خير الصراحه احرجتني
اسمحلي لاني كلفت عليك
بس في نقطه بخصوص زيلامسي ما ذكرت لي أي نشاط فيها ما ادري يجوز انك نسيت ؟؟
تحياتي ومشكور مره ثانيه

السلام عليكم
هلا وغلا الغالي
وحبة راس لخبيرنا ميدو ودوم في الموعد
الغالي عندي مداخله بسيطه اذا تسمح لي ..
ليش مااتخلي الرحله بين انترلاكن وزيوريخ !
لعدة اسباب اهمها المسافه بين انترلاكن وزيلامسي طويله + الطبيعه متقاربه مع افضليه لأنترلاكن ..
عن نفسي زرت الثنتين ..انترلاكن اكبر واشرح وحتى المطاعم الحلال اكثر ..
اخر مره رحنا انترلاكن انا والعيال كان في عيد الفطر وقعدنا 12 يوم فيها
اموفق الغالي والشور لك ..

الله يعافيك اخوي .
بيني وبينك ما نسيتها ..لكن على اساس ان الانشطة الصيفية اللي اعرفها هل ممكن تكون مفتوحة في تاريخ سفرك ولا لأ...قلت ان الشباب في القسم النمساوي يفيدوك اكثر عن الموضوع .
=====
وحبة خشم لك أخوي القطري ...وما نستغني عن خبراتك طال عمرك .

مرحبا اخوي
جزاك الله خير على مجهودك الطيب وانا شاكر لك
وان شاء بتواصل مع الاخوان في القسم النمساوي
مشكور وما قصرت بيض الله ويهك