بسم الله الرحمن الرحيم
السلام عليكم ورحمة الله وبركاتة
صباح / مساء
الخير
مرحبا ياحلوين
اليوم جايب لكم تقرير جديد وحلو ولذيذ وحصري
للعرب المسافرون
مطعم وادك Wadek
نبذة عن مطعم وادك : مطعم شعبي وعالمي في نفس الوقت
يقدم الافطار في جميع الاوقات يعني اللي صاحي متأخر ويبي يفطر كل شيء موجود واحلى شيء انه يفتح بدري من الصباح 6 الى الساعه 1 بالليل
والحين اخليكم مع التقرير
المكان : الرياض
الموقع : شارع عبدالله الحمدان _ بالقرب من مدارس العالميه
وانتوا جايين من التحلية و يصير مجمع لوكاليزر على يمينكم روحوا بالاشارة يمين و سيده و تحصلونه على يمينكم على طول
تلفون : 0114634848 _ 0114629797
والحين اخليكم مع الصور
صحينا متأخرين وقل لأم العيال وش رايك نفطر قالت انت شفت كم الساعه قريب الظهر واغلب المطاعم الحين تقدم وجبة الغداء قلت لها ماعليك انا مشتهي كبده وشكشوكة وفول
قالت لا شكلك مابعد تصحى من النوم ههه
مالكم في الطويله جينا مطعم وادك
وهذا قسم العزاب وجلساته الخارجيه
هذا مدخل العزاب
وهذا قسم العوائل
دخلنا ولقينا زحمة وانتظار والعالم فل شكلهم مثلن توهم صاحين
جولتي داخل المطعم بعد ماخفت الزحمة واخذنا رقم انتظار
احد جلسات الانتظار للعوائل
هذي الطاولات ويوجد ستائر
هذي طاولتنا تفضلوا معنا
المنيو
طلبنا فطور كونتينيتال وعباره
عن اجبان وزيتون ومربى ورهش
هذي البنوتة الله يحفظها تأشر على الزيتون ايش بابا
طلبنا شاي وحليب خارجي
شاي الربيع
رقم الطاولة
شكشوكة
كبدة
كبة مقلية
اكيد خبز
طلبنا فول
وجهز الشطة ياولد
هذا الاخوان العاملين في المطعم وربي اخلاق ومحترمين
وهذا حبيب ومزوح
هذا كنت امازحه واقول تراه يشبهك ههه
الفاتورة تم طباعتها مسبق بعدها طلبنا الول متأخر
وتم تسجيله يدوي بالقلم الازرق
ملاحظتي : مطعم وادك Wadek مطعم شعبي وعالمي يقدم وجبة الافطار في اي وقت
والاحلى انه يفتح بدري الصباح الى منتصف الليل
وكما يقدم الاصناف العالميه والعربيه
الطاقم ماشاء الله محترمين وخلوقين مع انه يجيهم ضغط كبير بسبب الزحمة
اكلهم حلو للأمانه
العيوب : الزحمة وطول الانتظار
مدير المطعم يعامل العمال بشكل متعجرف وغير حضاري
وانا جيت ونصحته وقلت له تراهم بشر وهذا التصرف لم يعجبني
فالنعمة زواله ويحتاج لها الحمد والشكر
وسلامتكم وانتظروني في تقرير جديد من تقارير
اخوكم
https://artravelers.com