بسم الله الرحمن الرحيم
هذا يا طويلين الأعمار البارح كنت راجع من الرياض للخبر لأن الدراسه قربت والجامعه تبينا
بس فيه شي بالعاده لازم اسويه كل مارحت للرياض بعطله أو ويك اند .. لكن هالمره نسيته >>> لا تحشونن ذا دريتوا وشو
المهم
قالت لي الوالده وش رايك نروح نتغدى برا .. قلت وش غداه بمشي للشرقيه
لكنها عرفت نقطة ضعفي .. قالت مطعم الرومنسيه فاتح فرع وفيه فسم للعوائل
بدون تفكير قلت يالله مشينا
للي مايعرف مطعم الرومنسيه تروه مطعم شعبي يعني رزوز .. مندي .. مظبي .. يعني هالامور
وأشوف أنهم مزودين على المنيو حقهم مشاوي وسلطات
المهم
تجهزنا
رحت وشغلت السيارة .. والقيت تحية الصباح على أرنبنا
من البرد متغيب تحت السياره يدور الدفا

طبعاً اللي فيه عوائل هو الفرع اللي بشارع سلمان الفارسي (ما أدري إذا فيه فروع ثانيه فيها قسم عوائل)
صوره لمدخل العوائل

جلسنا .. فيه طاولات وجلسات أرضيه .. بس ما ينفع رز وطاوله

رحت طلبت .. وهالصوره وأنا أنتظره يجي .. من الفضاوه

جاء الأكل

حبه مظبي مع نوعين رز .. مندي (بطل) وبشاور (بطل بس مو أبطل من المندي )

جريش (بطلين) وقرصان (للوالده)

الفاتوره .. 41 ريال

تغدينا يالله لك الحمد .. ورحت غسلت

تقيمي للمطعم أنه أفضل مطعم يقدم أكلات شعبية في الرياض .. وياليت يفتح له فرع بالخبر .. شرط يغطي على كل مطاعم الخبر الشعبيه

• |

اسمحولي اشطح شوي .. فيه ناس (همج للأسف) .. سبحان الله تحس مايعجبهم يشوفون شيء جميل ألا ويخربونه
الرجال خادمك وتعبان على الديكور والتعتيق .. وتجي تخربه بشخطة قلم .. عيب

أختم بصوره خارج الموضوع .. القمر بتاريخ 16 ذو الحجه 1431 ه

وبس