أتفق معك .. لكن مثل البانوش ماضنتي بتلقى...عموما جرب أسماك النافوره ممكن يعجبك

مافيه مثل مطاعم الكويت فعلا نفس كلامي الي دايما اقوله ,,والخبر عموما احسن مطاعم من الرياض حتى اللي من نفس السلسه ...

فرق كبير ان اتناول وجبة في مطعم ما ثم أعود للفندق أو أن اتناول نفس الوجبة لأعود إلى بيتي ، من هذا المثال اعتقد ان شهيتنا في السفر تكون مفتوحة لإلتهام ماتكتنزه المطاعم ذات الجودة الأقل دون ان نشعر !!
أعود للموضوع ، في الرياض لا أجد أن مطعما يمتاز بتقديم الوجبات البحرية اللذيذة، فكثيرا ما يقولون انها تجلب من البحر الاحمر والخليج العربي وهي في الواقع من بحار جيزان وتبوك ..
عن تشيليز وفرايديز لا استطيع الحكم لأني لم اجربهما في البحرين والكويت .. تحياتي ^_^

طبعا أوافقك في المطاعم اللي ذكرت تشيليز وفرايدز مستواها ماهو ذاك الزود في الرياض بالمقارنة بتشيلز اللي في الكويت أو حتى القاهرة وفرايدز اللي في الكويت أو البحرين . عن تجربة . لكن الأكلات البحرية أعتقد الربيان الذهبي وأسماك النافورة يعتبر الأميز في الرياض ولا تقارن ببعض مطاعم ينبع كالقرافي وأغلب مطاعم الخبر وجدة .

أوافقك الرأي بس وش نسوي مالنا الا هالمطاعم بالرياض والشكوى لله وبالنسبه لفرايديز اكلت منه بالبحرين وكان اكثر من رائع ومن يوم مارجعت للرياض قلت يالله على طول لفرايديز بس للاسف حاسبت وطلعت فرق فرق بكل شى وماعاد فكرت اكل منه لو بأي فرع

الي الاحظه هنا وخارج المملكه بالنسبه لفرايديز وتشيليز وابل بيز
الخدمه تفرق كثير !
حتى احيانآ احس انهم بيقولون الحساب علينا

كلامكم من جد
أنا جربت تشيليز اللي بمجمع سيتي ستار اللي بالقاهرة بصراحة لذيذ جداً أكلهم ولايهون فرع البحرين بعد
وجربت فرع الرياض و الخبر وفرع جدة لقيت فيه فرق كبير من ناحية الطعم والخدمة وكل شي
أوما الرياض ياربي لك الحمد على النعمة بس فرعهم مخيس مرة من ناحية لذة الطعم اللي يديم النعمة بس
والله من جد مدري ليش فروعنا بالسعودية مش ولابد على قولة اخواناا المصريين

الي الاحظه هنا وخارج المملكه بالنسبه لفرايديز فرق واضح جدا
انا جربته في ماليزيا جنان والخدمه روعه
عكس الرياض والخبر