بالنسبة للسكن بما انك انت وزوجتك خذ لك غرفة بفندق احسن لك ايش تبقى بشقة غرفتين . من ناحية المطااعم عندك مطعم المجلس العربي بالسد بجانب سنتر بوينت وعندك فينيسيا بالسد بعد. انا أفضل اكل المجلس على فينيسيا بس كلا المطعمين فيهم كباين بستارة .

وعليكم السلام ورحمة الله وبركاته
المطاعم اللي فيها بارتيشن محدوده للاسف اللي يحضرني منها شاطر عباس، رويال تندور مطعم هندي، ديوانية البخاري، المجلس هاي اللي اذكره فيه مطاعم تلاقي فيها قسم للعائلات بس بدون بارتشن .

{ ام عزيز
اشلوون بدون بارتشن يا ام عزيز !!!!!!!!! ونا دايما اروح عندهم

السلام عليكم ورحمة الله وبركاته
مطعم الباتروس لبناني ومقبلاته روعه في فندق البستان خلف المتحف يضع لك حواجز خشبيه
مطعم الاعظميه العراقي في سوق واقف ويفظل تروحله الغدا لان وقت العشاء المنطقه ما تندخل من كثرو الشباب والفسق
مطعم وكوفي هيد يارد في طريق سلوى اكله وايد حلو وخصوصا ام الربيان المشوي ويوجد به جواجز
منطقة المطاعم في وذنان مول كلها كباين والمول للعائلات فقط
مطعم ديوانية البخاري فيه كباين وهو في منطقة الغرافه
مطعم رويال تندور هندي واكله روعه وعنده فرعين في شارع السد وفي سوق واقف واللي في شارع السد اكله احلى
مطعم مازه وهو مطعم هندي واكله رخيص وايد ومميز وهو مقابل اشارات مطار الدوحة الدولي جنب بيتزا هوت

عفوا اخوي مهندس قطري اعتقد انك اسأت الفهم خصوصا اني ماكتب اسامي المطاعم اللي مافيها بارتيشن !المطاعم اللي ذكرتها فيها بارتيشن لكن تبقى مطاعم كثيره مافيها حاجز مثل بخارى اللي في نادي التنس ووشبستان ورويال قاردن والمطاعم الاميركيه بقيينز وفرايديز وطختها وايد مطاعم ياخوي مافيها حاجز .

جوعتيني يا ام عزيز شكلي بروح مطعم بخارى اللي بمجمع التنس