&المــســافــر&
19-10-2022 - 08:19 pm
حبيت اطرح لكم موضوع فيه عن مطاعم الرياض
وبحكم تجربتي لها وشعبيتها لاهل الرياض
وشفت بعض المواضيع لم تكن موجوده هذي المطاعم اللي راح اذكرها
اولاً راح اذكردجاج البرستد والبرجر والشاورما والمشاوي والحمص والخ
الدجاج البرستد
في المرتبه الاولى اكيد ويمكن الكل يعرفه
مطعم وبرستد الافندي
ويوجد له عدة فروع في منطقة الرياض
برستد الكوخ يأتي في المرتبه الثاني او بالاصح ينافس مطعم الافندي
وللاسف له فرع واحد وهو على طريق الملك عبد العزيز وانت متجه شمال
بعد ماتدعدا طريق الملك عبدالله وتخلي صحاري وحياة مول على يسارك بتجيك اشاره تعدها
بتجيك اشاره ثانيه خذ يوتيرن معها شفه على يدك اليمين وبتشوفون الزحمه عندهم جوا كيف ومافيه مكان للعوايل
مطعم الوها
عندهم برستد عال العال والخبز شكله غريب عندهم اذا رحتوا راح تشوفونه كيف جاي
ومكانه على طريق الملك فهد مجمع المطاعم اللي بسواق التميمي مقابل الفيصليه وهو اخر صفة المطاعم
البرجر :
مطعم الوها برجر نعيمي 100 % 100
يعني ااكييد وانت اول ماتذوقه راح تعرف انه نعيمي او لا ومذاقه روعه وممتاز
ومكانه ذكرناه سابقا ..
برجر هاوس
يوجد عندهم برجر لحم روعه والبطاطس فيها بهرات حاره وممتازه مخليه طعم البطاطس لذيذ
ومكانه على طريق الملك فهد حي الصحافه قبل ماك دونلز ومقابل كودو
مطعم شونيز
طعم لذيذ وفوق المتوسط يعني مش بطال وفروعه منتشره على منطقة الرياض
المشاوي :
افضل مطعم مشاوي بمنطقة الرياض
مطعم ورق التوت
وللاسف لايوجد الا فرع واحد منه بحي الشفا طريق الستين
وصراحه عندي انا اسعاره حلوه ةافضل من الريف البناني
وانتم عارفين طبعا مشويات الريف البناني غالي جدا جدا والاسعار مبالغ فيها
بالنسبه للذوق والطعم .
بيت الكباب ويوجد له فروع كثيره في منطقة الرياض
الحمص:
طبعا الاعضاء شفتهم ببعض المواضيع
يقولون ان العجمي افضل حمص بالرياض لا هذا كان سابقا واما الان
مطعم العجمي فرق بكثير عن الحين اصبح عدد الزباين لايقارن بالماضي ابداً
اما حاليا افضل حمص وبلامنازع
حمص المطعم الايراني ومكانه بطريق الملك عبدالله بجوار مطعم ماما نوره حمص لايعلى عليه
ويوجد فرع اخر في صحاري اللي بطرق الملك عبدالله ..
وحمص بوفية النقا ايضا جيد ولايعلى عليه
وعندهم المسبحه قريبه للحمص ويحبونها الاشوام
وماعنده الا حمص ومسبحه وفول فقط شكل البوفيه شعبي لكن الحمص عندهم شي خيالي
وفرعه واحد بالسلي وبضبط مدري وين واحد بالصناعيه القديمه لاتستغربون
انا جبته لاخوياي وقالوا وين بوفيه ويوم جربوه صار من الزباين المستمرين عنده على طوول
والشاورما :
مطعم شاروما ماما نوره واكيد معروف لدا الكل وفروعه كثيره بالرياض
مطعم مقصود في الملز شارع الستين ايضا الشورما عنده جيده
وفيه مطعم ناسي اسمه يبدء بأسم شاورما والباقي مدري وش
في الشفا شارع الستين عنده الشورما جيد ومذاق لابأس به
وهذا اللي حبيت اطرحا للاعضاء وارجوا اذا فيه احد جربها من قبل يقولنا رايه
منه يفييدنا ويفيد الاعضاء ..
