اشوف مطار ابوظبي افضل
توصل 6 المغرب وتطلع للمارينا مول تتمشى وتتعشى وتقدر تدخل سينما وبعدها على المطار
والرجعه ساعتين مقدور عليها
بس مطار دبي وانت راجع 13 ساعه بصراحه صعبه واحسها متعبه حتى لو طلعت ورجعت وهذا انت بتوصل الفجر والمولات تفتح 10 الصبح !!
والقرار يعود لك
بالتوفيق

يعطيك العافية اليازي
نسيت اقول معي بنت صغيرة سنة وعشر شهور هي اللي خلت الوضع صعب غلي شوي
سؤالي الجديد بحكم اقتراحك
هل المطار قريب من ابو ظبي او برى ابوظبي
يعني المشوار من المطار لاقرب مول كم ياخذ مني وقت (مع زحمة الطريق اذا فيه زحمة)؟
والله يعطييك العافية

هلا فيك اخوي
انا قلتلك المارينا عشانه افضل مول وفيه كل شي
بس بتحتاج 45 دقيقه للمطار وعلى حسب الزحمه
بس اذا محاتي الطريق تقدر تروح الراحه مول وهذا يبعد ربع ساعه عن المطار تتمشون فيه وتدخلون سينما

يعطييك العافية على سرعة التجاوب والتوجيه
شكرا

أخوي أنا جربت المطارين في سفراتي لكوالالمبور
بصراحة مطار دبي أشرح بس العودة متعبة و لازم من السكن في دبي أثناء العودة
و مطار أبوظبي صغير و 8 ساعات إنتظار بصراحة مملة علشان كذا و أنا رايح طلعت من المطار إلى المرينا مول بس ترا المطار بعيد شوي من البلد يعني يأخذ حوالي 45 دقيقة و المشكلة اللى ممكن تواجهك في العودة للمطار .. لإن لو رحت للمرينا مول بتكون طلعتك من المول على الساعة 11 تقريباً و اللى في هالوقت راح يكون زحمة و طابور إنتظار للتكاسي و ممكن تنتظر أكثر من ساعة و يبدأ القلق .. علشان كذا أنصحك أول ما تطلع من المطار خذ رقم شركة التاكسي و أول ما تطلع من المول أتصل و يرسلون لك سيارة دقائق و هي عندك ...
بالتوفيق ..و رحلة سعيدة

الله يعطييك العافية اخوي الراهي
ذكرتني قبل كم سنة في دبي ستي سنتر لقيت طابور على التكاسي واصل للجهة الثانية من المول
خلاص ان شاء الله على الاتحاد بس محتار بين المارينا و الراحة
قرب لي لا هنت
الراحة من المطار مثل غرناطة مول من مطار الملك خالد
و المارينا نقول مثل الفيصلية في البعد و الزحمة؟
و السينما تسمح لاطفال تحت سن سنتين؟
شكرا لك

abunasser
الله بصراحة أنا ما رحت إلى الراحة مول .. و ما أقدر اوصف المسافة ... بس كثييرن يقولون إنه قريب من المطار
اللى رحت له المرينا مول بس تراه أبعد في المسافة من المطار للفيصيلية و مشكلة الزحمة إنه قريب من الكورنيش
و تعرف المنطقة تكون مزحومة سيارات بس نصيحة سوي اللى قلت لك خذ رقم شركة التاكسي و أتصل و أنت طالع و على فكرة ترى تكلفة المشوار الواحد حوالي 70-80 درهم
و بالنسبة للسينما و الله ما أدري بس أعتقد ما فيه مشكلة
موفق أخوي

الله يعطييك العافية
وان شاء الله باخذ رقم الشركة اعتقد بيريح من هم اني القى تاكسي
شكرا لك

وعليكم السلام ورحمة الله وبركاته
انا جربت المطارين مطار ابوظبي ومطار دبي مافي مقارنة مطار ابوظبي صغير عكس مطار دبي جدا كبير خصوصا
Terminal 3 الخاص بطيران الامارات وجهة نظري حتى لو بتوصل الفجر بدبي ممكن تقضيها بالمطار لين الساعة الثامنة
وتخرج تقضي اليوم في دبي وحتى طيران الامارات احلى من الاتحاد
سفرة موفقة ان شاء الله
تحياتي