السلام عليكم اخوي فديت الكويت واهلها , بالنسبة حق استفسارك ماله شغل المطار بالمكان , يعني القصد ان المطار على حسب الخطوط نفسها وين اتطب بغض النظر عن المكان عرفت عزيزي , يعني مثلا الجزيرة و الوطنية يطبون بمطار صبيحة والتركية تطب بمطار اتاتورك وهكذا على حسب الطيران , فانت اذا حاجز عالجزيرة او الوطنية راح اتطب بمطار صبيحة وتاخذ باص او تكسي يوصلك الفندق باسطنبول , والباص ارخص طبعا , اما بورصة فتروحلها بالعبارة طبعا عن طريق مينا اسمه يني كابي تسال عنه ويوديك التاكسي له ومن هناك تقص تذكرة حق العبارة وتروح بورصة , وهم تقدر توصل للمينا هذا عن طرق الترام ارخص من التكسي , يعني اوضحلك الصورة بورصة نفس فيلجا تروحلها بعبارة وبالتوفيق

يعطيك العافية طال عمرك
وذكرتنا بايام فيلجا
انا اليوم بحجز ان شاء الله بس ما ادري هل احجز على الجزيره أو التركية ؟ اي طيران احسن؟ علما ان باخذ بنتي معاي عمرها 3 شهور هل في مكان احطها بالطياره ولا بتقزر بالحضن ؟
وطيران الوطنية مافي التاريخ اللي ابيه

هلا وسهلا بأهل الكويت الاعزاء
المهندس كاكا يمكنك الحجز عن طريق اي خطوط واذا تقدر على الكويتية لانها اريح من التركية على حد معلوماتي .
تحياتي لكم

مشكور يا بو تركي الغالي
للأسف الكويتيه ما تروح اسطنبول
عندنا طيران الجزيرة اللي يودينا مطار صبيحه
والتركية اللي يودينا مطار اتاتورك

تسلمون يا (muwaly) ويا بو تركي ..
بعد ما سمعت منكم ..
انا بحجز على التركية ان شاء الله ..
طيران الجزيره كل ما أخرت الحجز يزيدون السعر!! 20 دينار زيادة كل يوم!! هذا من حقهم بس فيه استغلال للناس فا .... خل يستريحون ..

والله بيني وبينك انا لو مو مضطرة جان ما اسافر عالجزيرة نهائيا الا مجبورة , احسنلك التركية انشالله والله يوفقكم بسفرتكم ويسهل كل اموركم ولا تنسى تدفع صدقة اول بيوم السفر وانشالله سهالات ربك كريم . وبالنسبة حق البيبية الله يخليها لك طبيعي ماراح يكون لها كرسي بس كلم الكاونتر يحطونك بكرسي اللي ما يكون جدامكم شي وراح يعطونكم مثل الطاولة او شي جذي حق البيبي تحطونها عليه وربي يحفظكم بروحتكم وييتكم

مشكوره إختي موالي وعساج عالقوة