1. اولا:


2. ثانيا :


3. ثالثا :

السلام عليكم
انا مصرية من القاهرة وسوف انتقل للعيش بقطر ان شاء الله عندي استفسارات كتيرة جدا

اولا:

عندي ولد في عمر 3 سنوات ونصف وداخل حضانة هنا في مصر ونفسي لما يجي قطر ان شاء الله ادخلة كي جي وان. اخبار المادارس اية الاسعار المعقولة ونفس الوقت المحترمة لان انا عارفة ان كل انواع المدارس موجودة ( المصري البريطاني الهندي الامريكي) احنا عندنا في مصر مدارس لغات واسعاها مناسبة طيب في مصر الاسعار اية خاصة الحضانات انا نفسي ابني يتعلم انجليزي وفرنساوي في الصف الابتدائي

ثانيا :

اخبار الاكل اية انا عارفة ان في كارفور هناك وسمعت ان اللحمة غالية جدا في قطر يا تري الكلام دة صحيح ؟ وان الناس عايشة اساسي علي الدجاج . طيب في عيش مصري وانواع الخبز اية الموجود اللي الناس المصريين والعرب بياكلوة واية انواع الطبيخ المتوافر اللي ممكن نطبخة
هنا في ملوخية وكرنب وقرنبيط وكشري ولحمة وفراخ وكوسة وبطاطس ومحاشي بجميع انواعها ياتري قطر واهل قطر بغض النظر عن الاجانب عايشين ازاي يتات البيوت بيطبخوا اية؟

ثالثا :

اللبس احنا جايين في شهر يناير ان شاء الله اجيب هدوم تقيلة كتير ولا لأ لان عندي بنت كمان عندها 6 شهور .
واخبار احتياجات البيت من ملايات سراير اللي هي شراشف علي ما اعتقد هنا في مصر اسعار معقولة تبتدي من 100 جنية فيما فوق يا تري في قطر الاقطان اخبارها اية والملابس عموما احسن اجيب لولادي من هنا ولا هناك الاسعار تمام يا ريت اعرف الاسعار
وفين الاماكن اللي الناس تقدر تتسوق بسعر معقول غير الملات لاني عارفة ان اسعارها نار ومعظمها ماركات
واخبار السمك اية يا تري في اسواق للسمك يا تري في محلات سمك زي عندنا نعرف اكل سمك سنجاري ومشوي بالردة والزيت