تنظيم الزيارات للاماكن اليوميه - يعني تكون متقاربه وبالتالي توفير المواصلات
طلب المينو قبل الطلب حتى لا يفاجأ برفع الاسعار
وقف البخشيش جملة وتفصيلا
اكتفي بهذا ولي عوده

1. يعني :

موضوع ممتاز ويستاهل المشاركة فيه ..
انا من وجهة نظري فيه بعض الأمور اللي تخليك تصرف بعقلانية ،، يعني لا تقتير ولا تبدير ،،
ممكن الواحد يقول انا رايح انبسط مو ادقق على الفلوس ومصروفاتي ،، أنا أقول لك أوكيه لكن .. بعقلانية ..

يعني :

• قبل ما تسوي أي شيئ أو تقدم على أي خطوة لازم تحسبها صح عشان تطلع بتصور عام عن التكلفة .
• لا تركب مع أي تاكسي إلا وانت متفق معه على سعر المشوار قبل ما تتحرك .
• بالنسبه للبخشيش ومن وجهة نظري الأمر عادي بالعكس خل عندك أي فراطه ( فكه ) واعتبرها صدقة والله فيه ناس مساكين ومحتاجين ،، صدقني بتلقى فيها راحة نفسية .
• البعد عن المحرمات وسوف تجد نفسك مرتاح نفسياً ومادياً .
• لا تستعجل في شراء اي شيئ إلا بعد السؤال عن سعره في كدا محل ( أقصد الهدايا أو احتياجاتك وغيره ) .
• بالنسبه للإتصالات .. خد لك شريحة مصريه واشحنها وقفل شريحتك السعودية أو ( الخليجية ) أوفر لك بكثير وأنا أنصح بشركة ( إتصالات ) .
• تحويل الفلوس ( تحويل العملة ) إدا كان دولار .. حوله من أي محل في المراكز التجارية بعد معرفة قيمة التحويل بالبنوك .. بيعطونك أكثر .. أما الريال السعودي فمن البنك لأنه لا يوجد فرق كبير .
• ابعد عن أكل الفنادق فهو غالي ولا فيه داك الزود ( لايوجد فيه ميزه ) .
• ضع لنفسك نظام معين بالمصروف اليومي يعني ( ليمت ) حد معين بحيث لا تتجاوزه إلا للحاجة .

هدا ما يحضرني حتى الآن .. وبالتوفيق ..
تحياتي ..

مشكورين اخواني على المشاركة
سائح هاوي وتيتو تيتي
بالنسبة انا شخصيا احيانا ما احبذ ادفع البقشيش( البخشيش)
لانة احيانا تكون الخدمة المقدمة ما تسوا فحرام ادفع شي وانا ما استمتعت فية
اما بخصو ص اني احتسبها صدقة فلا اعتقد انها تجوز والله اعلم لان النية تختلف
وثانيا انا اري انة تبتعد عن ارسال اي شي مع السواق حتي لو اقنعك بانة سوف يجيب لك سعر غير بحكم انة من عيال البلد لا تصدقة ابد فهوا والزمن عليك وحاول إنك تبتعد عن السكن في الاماكن الي اسعارعا غالية بتقول مصر كلها في الصيف غالية اقولك لالالالا لية لان فية اماكن الخليجين ما يستاجروا فيها وبالتالي إيجارها رخيص
ولي تجربة في ذلك فقد سكن قريب لنا العام قبل الفائت في شقة إيجارها اليومي 90 جنية لا تقول كذاب وهي في المنيل وشباكها يفتح على شباك التذاكر الي يتبع سينما جالكسي والله يا بلاش وشقة نظيفة غرفتين نوم وحمامين اكرمكم الله ومكيفة وهذا لسبب بسيط لانة سكن اول يومين في فندق وبحث على اقل من مهلة
وشكلي افرطت في موضوع السكن لانة ياخذ من الميزانية الشي الكثير وانا عن نفسي لا احبذ الفندق سوي ليومين حتي القي شقة مناسبة وطيران واكتفي بهذا وبعد كذا نشوف التمشيات وشغلات المنيم شارج الله يعينكم عليا بس كلة يهون في سبيل ا لتثقيف السياحي (مسوي مشرف اخاف يزعل مشرفنا الغالي )امزح

تبدو امور التوفير تنحصر في
اولا البقشيش .. انا لا ادفع اي يقشيش لان المطعم يأخذ مني غير الضريبه الحكوميه ياخذ حوالي من 10 _ 15 % خدمه سيرفس علي الفاتوره ..وهذه هي البقشيش المفترض ادفعه لهم .
احترام لنفسي لا اعطي لهم اي بقشيش لانني اراه فيه استغباء لا داعي له . فالمحل المطعم او الكافتريا .......الخ اخذ حقه واكثر بطرقهم الملتويه . من تلاعب بالاسعار مثل
الضريبه الحكوميه تكون 15% ومصروفك 100 جنيه يكون عليك 115 جنيه
يجي بعدين يحسب عليك خدمه سيرفر للمحل تقريبا 10 % يقوم يحسبها علي الساس ال 115 ويصبح المطلوب 1.5جنيه
اجمالي الحساب 100 +15 ضريبه حكوميه +11.5 =126.5
وهذا غلط واساغفال
مفروض يحسبها علي اساس الفاتوره ال
0جنيه ي ف15%=15
100جنيه في 10% =10
الاجمالي 125 جنيه .. ولو كبر المبلغ زاد الفرق
لا للبقشيش مرفوض تماما بالنسبه لي
المفاصل قبل الشراء بالتاكسي او حسب الاسعار . والتاكد من ثمنه
ثقافه السفر تعلمنا كيف نرتب الوقت ومتي نستمتع بالجنيه الي نصرفه مثل اوقات التمشيه ووين المجلات المناسبه والاسعار المعتدله
نقطه مهمه جدا وهي الابتعاد عن الثقه في الناس الاخرين لا تقول اعرفه .. خلص امورك بنفسك بعدين ماعندك اشياء تستاهل من يوصي عليها .
السوق والبقاله وجمل شي فيها التسوق من الحضار والفواكه والمعلبات وغيرها . متعه التسوق
الفندق والشقه مهمين بالنسبه للتوفير . اسال عن الشقه المناسبه قبل السفر لا تطب من المطار علي طول تبحث عن شقه تري بشوتونك السماسره . من يمين لشمال
تاكد من الشقه الي انت نازل فيها ومن سعرها . ولو ما قدرت اسكن في فندق . وبكره الصبح ابدأ مشوار البحث عن شقه مناسبه
نقطه مهمه وهي ميزانيه السفر ..... قسمها علي عدد الايام واحسب نصيب كل يوم من الرحله سواء كنت لوحدك او معاك عائلتك . اهم شي يكون مصروفك معتدل ومعقول ومتراقب
بعدين مصر بصراحه بالنسبه لنا يا الخليجين رخيصه واهلها طيبين مع الناس الطيبه . وكريمين كمان

الي مااقدر استغني عنه السكن في الاوتيلات لانه متعه بحد ذاته بصراحه
قالوا رحت مصر قلت ايه قالوا سكنت في اوتيل قلت لا قالوا مارحت مصر
اما الباقي سهل السيطرة عليه

انا ضد نظام المينيمم شارج يعني ( الحد الأدنى للطلب ) بصراحة نظام جداً جداً سيئ .. :112::112: ياليت قدر الإمكان أن تتم مقاطعته .. لكي يتم الرجوع عنه من قبل العاملين بهذا النظام .. والمشكلة تكمن في (الغرابة) أي انه شيئ غريب ان يتم العمل بهذا النظام في بعض الأوقات ولا يتم العمل به في أوقات أخرى لنفس المكان .. غريب غريب غريب .. مثال : مره طلبت من مطعم طلب وأكلت فيه وحاسبت على طلبي وطلعت .. ولأن المطعم أعجبني رجعت له مره ثانية وكررت الطلب وحاسبت ومشيت .. ويوم جيته المره الثالثه ولأن فيه زحمة وجيت اطلب قال الجرسون ( المتر ) : نظام المطعم منيمم شارج .. :7:استغربت وقلت : ليه ومن متى قال : من شهور فاندهشت بصراحة مره .. :36_1_25::36_1_25: وقلت في نفسي يوم اطلب المرتين الماضية كان حلم والا شنو ؟ :36_1_49::36_1_49: فقمت من مكاني وغيرت المطعم بعد نقاش حاد مع مدير المطعم .. :36_1_29: شي غريب بصراحة !!
تحياتي ..:36_1_39::36_1_39:

الصراحه موضوع جه في وقته انا رايح لاول مره مصر و منكم استفيد لاكن سالفة المنمم جارج هذي :112: بس مصر تستاهل
تحياتي ابو فطوم

عندي بعض الافكار تجعلنا نستمتع بالسفر و مانشيل هم المصاريف واتمنى تعجبكم :
1- تكليف شخص بإدارة مصاريف الرحله على ان يحدد حد اعلى للصرف اليومي يتناسب مع ميزانية الرحلة .
2- تجهيز قائمة بأسماء الاشخاص المقرر اهدائهم هدايا السفر باستثناء الاطفال نكتفي بتجهيز هدايهم قبل السفر .
3- الاقتصاد في طلب الوجبات في المطاعم وترك الرغبة بعد تناول الوجبة فربما الشبع يغير من رأيك .
4- نضطر للذهاب للسوبرماركت فنكتب اللائحة الاساسية ونكلف شخص بالذهاب لتقليل الفاتورة .
5- تجربة الذهاب بالتكسي والتنقل مشي بين الاماكن القريبة .
6- المفاصلة وعدم الشعور بالحرج منها وخاصة ان السعر الاول قابل للتفاوض مبدأ متبع في مصر .
7- لا للبخشيش والمجاملات الا اذا احسست ان الذي خدمك بذل جهد شاق تود مكافئته عليه .
8- تدوين مصاريف اليوم الواحد في مفكره مع التفاصيل لنقارن ونستفيد ونكون حذرين مستقبلا في حال زاد الصرف عن حده.
لدي افكار كثيره وهذا ما يحضرني والبركة في اقتراحات اخواني وشكرا لصاحب الموضوع .
تحياتي

انتم رايحين تنبسطون ولا شو
بصراحة الواحد عشان ينبسط لا يصير قعيطي ( بخيل )
ولا يصير مرة فالت وشاق الجيب
بالنسبة للبخشيش ضروري مو بس في مصر في كل مكان بالعالم
وبعدين جنية ولا جنيهين ماراح تضرك لانك بتصرف الالوف
وبصراحة عنديلكم فكرة زينة حدد مصروفك في السفر واصرفة وان بقى شي معك خير وبركة
وأن نقص لازم يكون عندك احتياطي
(( عيش وانبسط ))
تحياتي لكم
صبح صبح