ياليتك وضعت موضوعك في قسم الاستفسارات
لأن هذا القسم مو خاص للاسئله
والشباب ان شاء الله ما يقصرون معاك
تحياتي

وعليكم السلام ورحمة الله وبركاته
أهلين أخوي النايف
بالنسبة لي أنا أفضل الفلبين بس اللغة الإنجليزية لازم يكون عندك إلمام فيها ، ويوجد كثير من الفنادق الممتازة هناك فئة الثلاثة نجوم سواء في منطقة مكاتي أو خارجها وهي جداً أمنه ومتوفر بها الأمن 24ساعة ، ممكن تزور البوابة العامة للفلبين وتطلع على المواضيع المثبته عن مانيلا وبالنسبة لتجربتي ممكن تطلع على ذكريات عاشق مندناو في الفلبين فيها إسم الفندق والسعر والصور في البوابة العامة للفلبين.
بالنسبة للطيران أفضل شي بالنسبة لي طيران الإماراتية من واقع تجربتي . والعملة المستخدمة البيسو وممكن تجيب معاك دولار وتصرفة من أي محل للصرافة وسعر الصرف ممكن تتابعة مع الأخ رجنت في البوابة العامة للفلبين . وبالنسبة للدليل السياحي بصراحة ما عندي خبرة كافية فيهم
وتقبل تحياتي ....

ولهان يعطيك العافية والله ياخوي مدري شلون حطيت الموضوع هنا
بس ماهي مشكلة كل الطرق تؤدي الى روما
تحياتي لك

اخوي عاشق عزالله ماقصرت وبالنسبة للغة ان شاء الله لقيت واحد من الشباب يفت لغة بس مازالت محاولات الاقناع جارية
وبالنسبة لمكاتي تم شكلي بخيم فيها ماراح اتعداها خ بس السؤال هل مكاتي منطقة فيها جميع الخدمات من فنادق قريبة من بعضها يعني منطقة حيه بها جميع مااحتاجه ؟
بنسبة لموضوعاتك راح القي نظره واكيد راح استفيد من تجربتك
بالنسبة لطيران الاماراتية معروفة هي جيدة ولكن من متابعاتي لبعض موضوعات المنتدى على قول احد المسافرين
ان الطيرات القطرية اغلبها حديثة جدا
بالنسبة للسؤال الاهم وهو الفيزا هي بالمطار على حسب ماعرفت هل يعني لن استطيع الخروج من المطار الا بالحصول على الفيزا لاني حسب ماقراءت انه ممكن في طريق العوده من المطار تستطيع ان تدفعها ؟ بختصار مالقيت جواب واضح عن كيفية الحصول عليها ؟ لو اقدر اخلصها من السفارة الفلبينيية من الرياض ؟ يصير والا لا.؟
تقبل تحياتي

1. مشالله عليك يبيلك فريق كامل يرد على استفساراتك


2. وياليت توضيح الاسعار بالنسبة للدرجة للسياحية


3. عندي ضعيفة >>> احس الي يقرا يقول اقلبها للبحرين بس


4. خذ معك من هينا دولار واصرفها هناك بيسو

مشالله عليك يبيلك فريق كامل يرد على استفساراتك

1-اول شي بسأل سؤال ايهم افضل الفلبين او ماليزيا او اندنوسيا من ناحيه الترفيه والسعر مع ان النية لمانيلا اتكلم عن عواصم وليس الجزر لان الجزر غالية وتحتاج مشاوير وسفر وواحد يبي يروق اعصابه وهذي انشاالله برحله اخرى على معرفه
من وجهة نظري جميعها متقاربة جداً من جميع النواحي (الجو,طبيعة البلد,الجزر) وظم لهم تايلند بعد الا أن الفلبين وماليزيا اغلى من اندونيسيا وتايلند
2_ من ناحية الامان لاني سمعت شي يروع وخويكم بصراحة يعني ابي توضيح المناطق
في مانيلا الاامنه المزدحمه الي فيها حركة وتكون الفنادق قريبة من بعض وفيها جميع الخدمات التي تغنيني
عن الاضطرار للتكسي
منطقة مكاتي آمنة جدآ ومناسبة لك تماماً
3_ بالنسبة للطيران ايهم افضل القطرية ام طيران الخليج وهل طيران العربية تطلع رحلات لمانيلا
وياليت لو احد عنده تجربة عن خط الطيران هل فيه رحلة من الرياض الى مانيلا مباشرة او الدوحه مانيلا

وياليت توضيح الاسعار بالنسبة للدرجة للسياحية

القطرية الافضل بلا منازع وسعرها الآن 2400 ريال ... العربية ماتطلع مانيلا
4_ لو قلت اني بجلس اسبوع اي احد منكم له التجربة بفنادق مانيلا يقولي بس انزل بالفندق الفلاني والفلاني ولاتتعدى المنطقة الفلانيية ويكون فندق فيه جميع الخدمات ماهو خمس نجوم ولاهو رخيص يكون 3 نجوم ومرتب وياليت توضيح الاسعار بالريال السعودي
انزل في مكاتي افينيو أو سيتي قاردن او مكاتي بالاس.. الاسعار من 200 الى 250 ريال
5_ صرف العملة هل هو بالدولار والابلبيسو ؟ ايهما افضل ؟ والفيزه كيف ترتيباتها بضبط وكيف اطلبها مع العلم اللغة

عندي ضعيفة >>> احس الي يقرا يقول اقلبها للبحرين بس

خذ معك من هينا دولار واصرفها هناك بيسو

فيزا مجانية 21 يوم .. اذا دخلت المطار بتواجهك كوانترات الجوازات والهجرة (اللي بالصورة) عطهم الجواز مع الكرت اللي عبيته بالطيارة بيحطلك فالجواز فيزا 21 يوم من دون ماتطلب يعني مايبيلها السالفة انجليزي ولاعربي :8888:
6_ بحسب اهل الخبرة كيف ارتب مع دليل سياحي هناك يكون يتكلم عربي يتم التنسيق معه قبل السفر
هذا اللي بيجيب فيك العيد حبيبي انت منت متحرك من مانيلا لا وحتى منت متحرك من مكاتي والضاهر منت طالع من شارعك حسب كلامك وش تبي بالمرشد السياحي لا ويتكلم عربي بعد :8888: ياعيني عليك
شف واناخوك كان تبي نصيحة اخو مجرب وبإختصار ابعد عن العرب العايشين هناك تسلم ... مافيه مرشد سياحي على قولتك بالفلبين يتكلم عربي الاهم وهم الارشاد السياحي بوادي وهم بوادي ... يدور الفرصة ويلتف عليك ... انحش
ان كانك ميح انجليزي دورك خدامة تطقطق عربي وخلها تسنع امورك والا اقولك ما كن البحريين اقربلك :8888:

ههه ه
يالذيب عزالله وفيت وكفيت
كلامك في محله
بالنسبة لسؤالي الاول كان زي ماتقول استفتاء وخاصة ان اغلبكم قد راح لهذه الدول الثلاث
وبيض الله وجهك الله يعطيك العافية

ما قصر اخونا the net
وترى فيه فندق حليو ونظف سعره 1650 بيسو
اسمه بيل اير سوهو
بيصلح لك
موفق خير

تسلم والله الولهان
اغلب المواضيع الي مريت عليها اسعار الفنادق دبل السعر هذا بس دامه نظيف وحليل ببحث عنه بالمنتدى
وعسى القى له صور
مشكور على اضافة المعلومة

وش رائك تأخذني أنا و the net
واحد مترجم وواحد مسؤول عن الميزانية
تبي الجد
أخونا the net
عطاك إيها على بلاطه
وكلامه من قلب
تابع معه وأنشب له في هذا الموضوع
علشان يكمل ترتيب برنامج الرحلة لك