السلام عليكم اخواني واخواتي اسعد الله مساكم وعيدكم مبارك كنت قد وضعت استفسار عن مخطط شهر العسل في القسم النمساوي وبعد دراسه والتقارير الممتعه قررت بان يكون شهر عسلي في سويسرا وجزئين بسيطه في كل من فرنسا وايطاليا وابي مشورتكم في البرنامج كما انه قابل للتعديل من بعد مشورتكم لي بااذن الله وهو كالاتي رحلتي في بدايه اغسطس 2014
>وعليكم السلام ورحمة الله وبركاته
الله يسعد ايامك ولياليك بالخير والمسرات .
وكل سنة وانت طيب .
بالنسبة لتغيير المخطط ..خيرة فيما اختاره الله ..والله يسهل دربك .
الطيران من جده الى جنيف وبقاء ليله واستئجار سياره من سيكست
قضاء ليله في انسي
ليلة في شامونيه < هل تنصحوني بها ام اكتفي باانسي
انترلاكن < 5 ليالي
ليلة في لوزرين او قضاء ليلة في لاقونا ومن هناك تسليم السيارة في لا قونا
الذهاب في قطار من لاقونا الى البندقية وقضاء ليلتين ومن ثم الرجوع الى ارض الوطن من مطار ماركو بولوفي البندقية الى جدة بالطيران التركي
ارجو اعطائي المشورات كونه شهر عسل لا ينسى
ميزانيتي 25000 ريال من كل المصاريف
اول ثلاثة ايام ..ممكن تختصر كثرة التنقلات ..بالسكن في مكان واحد .
مثلا انسي او جنيف او ديفون .
بس بصراحة انا معاك لو تخلي لشامونيه يوم واحد ممكن ..
يعني يومين جنيف ويوم في شامونيه ثم تطلع الى انترلكن 5 ثم لوقانو يوم ثم فينيسيا بالقطار .
ولك حرية الاختيار .
المسافة بين جنيف وانسي في حدود 40 كم ..وبين جنيف وشامونيه في حدود 80 كم ..وبين انسي وشامونيه 100 كم .
لاقونا .......تقصد لوقانو..بحيث مثل ما تفضلت تستلم السيارة من جنيف يا من المطار الجانب السويسري او من وسط جنيف ثم تسلمها في لوقانو السويسرية
تجنبا لضريبة استلام وتسليم في دول مختلفة ..تمام عليك .
===
بالنسبة للميزانية ..اتمنى انها تكون بدون تذاكر الطيران ..تعرف شهر عسل ولازم يكون عندك احتياط للصرفيات الجانبية .
وبشرط ان الفرنك السويسري لا يتعدى 4 ريال سعودي .
==========
اي استفسار اخر اخوي نحن حاضرين .

ما قصر الاخ ميدو اعطاك النصيحه المهمه شوف اخوي ليله ليله هذي ما تصلح الا اغنيه تسمعها وانت مروق في شهر العسل علشان كذا خلي اقامتك في منطقة واحده من ضواحي جنيف والاماكن كلها مشتاقه لك قصدي متقاربه كل يوم تزرق مكان وبالنسبه لشامونيه الناس تقصدها علشان قمتها الثلجيه فخلي القمة في انترلاكن ووفر على نفسك المشاوير والتنقلات ويكون برنامجك 3 منطقة جنيف 5 منطقة انترلاكن وفي لوقانوا ليلتين او 3 اذا حبيت تخصص يوم لميلان بعدين تسلم السياره واخر ليلتين في فينيسيا واتمنى لك زواجا مباركا وموفقا ورحلة سهله وسعيده وكل عام وانت بخير

الله يكثر خيركم احباب قلبي ريحتوني والله
طيب برنامجي الان بيكون ثلاث ليالي جنيف بقسمها ما بين انسي وديفون تماشي
خمس ليالي انترلاكن
ليلتين لوقانو
بعدين بالقطار الاوروبي الى فينيسا البندقية ومن هناك السفر الى الوطن ووش رايكم احجز الان مرة الاسعار عالية وكل يوم تزود هل يا اخواني ويا خواتي ابدا احجز كل شي من الان تذاكر وسيارة وفنادق احس كل يوم اتاخر كل يوم تزود علي
استفسار الله يرضى عليكم ثاني القطار الاوروبي كيف تذكرة سويس باس هاف فير لاني بستاجر سيارة وبسلمها في لوقانو
وبروح من لوقانو الى البندقية يعني مرة بس بستخدم القطار فقط يا ليت تفيدوني في استخدام السويس باس حيث اني قريت في احدى المواضيع اني استفيد منها خلال تواجدي في سويسرا والحصول على تخفيض 50
يعني قريت موضوع كامل عن السويس بس ما فهمت طريقة استخدامه يا ليت تنوروني في حالتي وهل يلزم مني اشتري بطاقتين لي ولزوجتي والف شكر لكم

لا تشيل هم الأسعار .. انت باقي على رحلتك كثير .. تقدر تبدا حجوزاتك قبل سفرك بثلاث أو 4 شهور راح تحصل أسعار حلوة ان شاء الله
والف مبروك مقدماً

tab_el
يعلم الله كلامك يجيب الطمانينة والي خلقك اني مشغول الى راسي هم دراسه وتدريس في الجامعه ومشروع زواجي احس احيانا اني اقول بروح مكتب ويخلص لي كل شي لكن معصي ماراح احصل افضل منكم خبراء سفر الله يحفظكم لنا

ما شاء الله ما قصرو االاخوان الغالين ..بس عندي اضافة بسيطة ..
بالنسبة للفنادق ..انصحك تكون من الان ..بشرط تكون مستردة ..لأن الطيب بسرعة يروح .
اما حجز تذاكر الطيران ...انصحك تنتظر الى بداية السنة الجديدة ..راح تلقى عروض خورافية على السعودية والاماراتية والقطرية والتركية وغيرها
يعني من بداية شهر يناير ..تتابع مواقع خطوط الطيران ..اما بالتسجيل في مواقعهم بوضع بريدك الالكتروني ..او عن طريق التويتر .
وراح تجيك الاخبار اول بأول .
مثلا كان فيه عرض السنة هذه على ميلان ذهاب وعودة لشخصين في حدود 3150 ريال سعودي ..ويعتبر ممتاز . >> ما فاتتني هذه ههه .
وكان فيه عرض على جنيف لشخصين برضو في حدود 4000 ريال ..وكلها على السعودية دايركت .
بالنسبة لايجار السيارات ..نفس الحكاية ..تتابع مواقعهم بين فترة وفترة ..وايضا الحجز المبكر له دور في ايجاد اسعار مناسبة جدا .
في الشركات المعروفة والمجربة مثل سيكست وهيرتز واليوروب كار وبدجت .
مثلا هيرتز نزلت بداية هذه السنة خصم 33 %
=========
بالنسبة لبرنامجك ..ما شاء الله ممتاز ..والله ييسرلك امورك .
=========
بالنسبة للقطار الاوروبي ..هذا شي ...والسويس هاف فير باس شي ثاني مختلف تماما وما لهم اي علاقة ابدا .
ففي نفس حالتك ..السويس هاف فير باس لك بطاقة ...وللمدام بطاقة .
وهي تعطيك خصم 50 % على جميع وسائل المواصلات ..قطارات بواخر باصات ترام والقطارات الجبلية والتلفريكات
وغيرها من الخصومات ..مثلا دخول بعض المتاحف مجانا .
داخل سويسرا فقط .
وقيمة البطاقة الواحدة 120 فرنك .
طيب ..السؤال الان ..هل تقدر تستفيد منها ..او بمعنى ..تحلل البطاقة ؟؟
نعم ..بشرط ان مجموع تكلفة تنقلاتك تكون فوق 240 فرنك .
ناخذ مثال للشخص الواحد :
الصعود الى قمة اوروبا = 170 فرنك
قمة الروثورن = 80 فرنك
المجموع = 250 فرنك .
مع بطاقة السويس هاف فير باس :
قمة اوروبا نصف القيمة = 85 فرنك
قمة الروثورن نصف القيمة = 40 فرنك
قيمة بطاقة السويس الهاف فير كارد = 120 فرنك
المجموع = 245 فرنك
يعني طلع عندك توفير 5 فرنك ..فقط من نشاطين .
فما بالك لو زادت الانشطة مثل تمشية بحرية ولا الصعود بتلفريك ولا غيره .
بيكون فيها توفير حلو .
ان شاء الله تكون الفكرة وصلت تبع السويس هاف فير كارد .
===========================
واي استفسار اخر نحن حاضرين .
وبالتوفيق

لبى قلوبكم ورب الكعبة انكم تريحون الواحد لما يخطط تصدقون افرح لما واحد منكم يرد علي رد واضح وكامل الله يوفقكم دنيا واخره ولا يهون اعضاء المنتدى
طيب استفسار يا الغالين وربي استفساري انه مهم للجميع الان في الرابط .raileurope-gcc.co m
كانهم يقولون للخليجين هالموقع احسه فرق عن الامريكي في الاسعار
الشي الثاني الان برضو استفسار مكتوب طبعا مثال
31/10/2013 10:36 LUGANO
31/10/2013 11:50 MILANO CENTRALE
Cisalpino 153 - Reservation included
31/10/2013 12:05 MILANO CENTRALE
31/10/2013 14:28 VENEZIA MESTRE
Cisalpino 37 - Reservation included
Caution! You have less than 1h connection time. Make sure you have enough time to board your next train and to change station if needed.
احيانا مكتوب included and sometimes not so my question is what is the different
من اللخبطه تحمست وكتبت انجلش وش الفرق included او not included
استفسار اخير بما انكم تقولون ماله دخل السويس باس وش معنى كلامهم هنا في التفاصيل حقت الدرجات
1 From LUGANO To MILANO CENTRALE
Cisalpino 15 - Reservation included
2 x 1st Cl Full Fare Adult
Accommodation: Large, comfortable 1st class seat. Catering on board is provided in the restaurant carriage. Specific seats for disabled travellers available.
Purchase Conditions: No purchase condition apply
الي فهمته من هالكلام انه مافي شروط لدرجة
Flexible first class
بينما شوفوا الدرجة الثانيه
1 From LUGANO To MILANO CENTRALE
Cisalpino 153 - Reservation included
2 x 2nd cl Passholder 3 Adult
Purchase Conditions: Holders of a Swiss Pass or a Swiss FlexiPass
شباب معليش تحملوني بس تراه اخر استفسار لي في موضوع القطارات تصدقون اني قريت موضوع ابو عزيز صفحه ولا في احد مثل حالتي استخدام قطار من لاقونا الى البندقيه
فابي اعرف اجاباتكم لي لاني بعتمد عليها ان شاء الله

اخوي طارق بالنسبه لحجز القطارات وقبل ادخل معك في استفساراتك انصحك لا تحجز من موقع القطار الاوربي لانه حسب بحثي سعره اغلى وخصوصا في المانيا كذلك ياخذ ضريبه عاليه واحيانن لا يسمح لك باصدار تذكره الكترونيه بل يرسلها لك وياخذ منك مبلغ كبير لذلك قارنه بموقع القطارات المحلي في اي بلد مثلا في ايطاليا شوف القطار الايطالي http://www.italiarail.com/ ولكن للمعلوميه قد لا يعطيك حجوزات لما بعد 3 شهور فجرب مواعيد قريبه
بالنسبه للرحله من لوقانو الى فينيسيا طبعا لا يوجد قطار مباشر لابد تغيير في محطة ميلان والانتظار قد يستغرق ساعه على حسب الكونكشن وحجزك
بالنسبه لعبارة Reservation included المقصود انه يضمن لك مقعد محجوز لان القطارات في بعض الاحيان تكون مزحومه والناس تركب بدون حجز لان لديها باس كالسويس باس مثلا في سويسرا الناس تركب بدون حجز وقد لا يكون لك مقعد
بالنسبه لعبارة Flexible first class طبعا تذاكر القطار مثلها مثل تذاكر الطيران انواع درجه اولى وثانيه والثانيه انواع هناك المسترجع وهناك الغير مسترجع وهناك شروط للاسترجاع ونسبة خصم لذلك يجب ان تقراء قبل ان تدفع
بالنسبه للسويس باس ينفعك داخل سويسرا وبنفعك للانتقال من خارج سويسرا الى داخلها ولكن وبما ان المسافة بين لوقانوا وميلان قصيره فلن ينفعك كثيرا فلا توجع راسك بتفاصيل السويس باس بين لوقانو وميلان
تقبل تحياتي

الله يعطيك الف عافية على الرد استفدت ان السويس باس مالها دخل بموضوع القطار من لوقانو الى فينسيا مرورا بميلانو
لكن في استفسار ما فهمته وابي منكم وضع نفسكم مكاني ادخل موقع القطار الايطالي او الاوروبي واحجز وقتها من النت واسافر عاتي ولا في شي قبل لازم اسويه مسوتلي ربكة عبارة هل تملك rail pass
وبرضو عبارة يحجزلي مقعد محجوز included من الخوف باخذ افضل درجة ههه
اذا تعرفون احد مسوي سواتي حجز وطلع عاتي قولولي تكفون
يعني من الاخير زي حالتي وش تشورون علي ادري طولتها بس ابي رد يبردني
احس اني بنطرد منكم ههه والله ما قصرتوا بس ابي ارتاح من سالفه هالقطار لاني بسلم سيارتي في لوقانو