وعليكم السلام ورحمة الله وبركاته:
بصراحه ماقد جربت ولا فندق من اللي ذكرت.
اما Petlang Jaya فهي مدينة موجوده في ولاية سلانقور على ما اظن وقريبة من مدينة الالعاب المائية صن واي لاقون ان لم تخني الذاكره.
اما جنتنغ هاي لاند ( highland Ginting ). فهي مرتفعات قريبة من مدينة كوالالمبور حوالي80 كيلومتر يعني بالسياره نص ساعه تقريبا ويوجد بها فنادق ومدينة العاب ومركز تجاري ويكون الطقس بها بارد نوع ما مع وجود الضباب...وانا انصحك انك تلغي السكن فيها....يعني يكفيها طلوع الصباح والعوده في العصر.
اما مرتفعات كاميرون فهي منطقه يوجد بها مزارع للشاي وتعتبر منطقه هادئه وجدا جميله للناس اللي يحبون الهدوء وبرودة الجو.
هذا كل ما لدي والعذر والسموحه.
وانصحك بالمرور على المواضيع المثبته وان شاء الله راح تلقى عدة مواضيع مفصلة قد تفيدك.

هلا اخوي الفنادق اللي اختاروها لك ما اعرف منها الا ساندي بي في بينانج وهو رخيص ما يتعدى 170 ريال الليلة والباقي شكلها من الأسعار متوسطة السعر إلى الرخيصة بس كم سعر الباكيج اللي اخذته ( بدون سعر التذاكر عشان نشوف الأسعار ) مثل ما قال سمسم جنتنج يكفيها يوم من الصبح إلى المساء بس نصيحة لا تفوتك الكاميرون منطقة جبلية باردة هادئة رومانسية ولا تقعد فيها أقل من ثلاثة أيام وانصحك تستبدلها ب petaling jaya
انصحكم بها البرنامج
على طول إلى لنكاوي 3 ايام ثم بينانج 4 أيام ثم إلى كوالالمبور وخلالها تروح لجنتنج ثم تروح بالباص أو سيارة خاصة إلى الكاميرون لمدة ثلاثة أيام ونفس الشيئ مع أفاموزا ( يومين ) ثم ترجع لكوالالمبور تريح فيها يومين للتسوق ثم إلى ارض الوطن .
بالنسبة للتذكرة سعرها رخيص مادام انها شاملة التذاكر الداخلية.

السلام عليكم ورحمة الله وبركاته …
والله كران برنسيس أنا جربته صراحة حلو مابه شيء … بس موقعه بايخ شويه بس عادي مادام إنك بتقضي فيه يومين .. .. وكمان شيء ثاني صراحة أنا شايف إنه 4 ليالي في بنج ما تستاهل أبداً ليلتين تكفي بالزيادة لأنه إذا إنك تبغا المدينة والتسوق فعندك كولالمبور ولا أروع وإذا تبغا البحر موجود في لنكاوي وحديقة الطيور والفراشات و مدري إيش كلها موجودة في كولالمبور … عندنك في بنج ( بنج هيل ) صراحة حلو وتلف بنج في يوم واحد ويوم ثاني تلف شوية و يكفيك … أما عن جنتينج زي ما قالوا الأخوان تروح في الصباح وترجع العصر تمام … و عن بيتلنج جاية ما أنصحك لأنها تعتبر في كولالمبور … فتروح لها بالسيارة حوالي ربع ساعة وإنت فيهيا … وكمان أفاموسا صراحة تروحها في الصباح وترجع في الليل تكفي كمان لأنه فيها ألعاب مائية والسفاري والكوبوي تاون … الألعاب المائية موجودة في سنوي لجون بس عندك السفاري 3 ساعات وخلصتها و الكوبوي تاون ساعة يكفي ….
والسلام عليكم ورحمة الله وبركاته…

اخوي amr abari ياخوي المدة اللي مخصصها الأخ vb mad (يوم20 )وإذا شلنا منها بينانج ( انا اصلا ما عجبتني بينانج كثير لكن فيه ناس كثير عاجبتهم والناس مختلفين ) وأيضا شلنا أفاموسا ما باقي إلا كوالا لمبور ولنكاوي معقولة بيقعد في كل وحدة عشرة ايام او حولها !!!!. ( على اعتبار ان افاموزا وجنتنج حدكل وحدة يوم من الصبح للمساء وكاميرون ما هي في برنامج الأخ vb mad أصلا )
فأنا اقترحت عليه من 3 -4 ايام في بينانج ومثلها تقريبا في لانكاوي عشان يشوف كل منطقة ويحكم بنفسه . ولكن انا انصحه يروح لكاميرون هايلاند لمدة لا تقل عن 3 أيام بالباص من كوالالمبور أو من بينانج والعودة مرة اخرى لمدينة الانطلاق ولو إني ارشح الذهاب من بينانج والعودة إليها بواسطة الطريق الجديد لأنه أقل وعورة وتعرجات من الطريق القديم اللي يربط كوالا لمبور بالكاميرون هايلاند .
بالنسبة للفنادق اللي ارشحها له فندق دورست ريجنسي في كوالا لمبور ( نظيف وفخم ورخيص أخذته انا ب 190 ريال الليلة ) بارك رويال في بينانج ، فنادق كاميرون كلها متساوية لكن عندك اكواتوريال فوق في اعلى الكاميرون او سنشوري باين ريزورت في بلدة تاناه راتا أو فندق الفراولة قريب منها .
والسلام

الأخوة الأعزاء
مشكورين............. العرض الذي أخذته والمذكور في بداية الصفحة تكلفته هكذا
5مجموع تكلفة السكن لشخصين
0مجموع تكلفة التذاكر الدولية والداخلية لشخصين
الاجمال 8995 ريال
المشكلة الجديدة التي تواجهني أن زوجتي حامل في شهرها الرابع وقد ذكر الأخوان أن طريق الكاميرون وعر جدا وكذلك طريق جنتنغ
ولذلك أصبحت في حيرة من أمري...... لذلك أريد أن أعرف مدى قساوة هذه الطرق وهل من وسائل للذهاب إليها بأمان؟؟؟؟؟ تحياتي

بالنسبة للأسعار ممتازة خاصة التذاكر .
بالنسبة للطريق . إن شاء الله ما فيه مشكلة لأن الطريق مهوب زين لأنه لفلفات بس زي طرق الجبال في السودة ( خاصة اللي يودي لمنتزه الضباب ) لكن الطريق في ماليزيا اوسع شوي . اما من ناحية انه فيه مطبات وطريق ترابي وصخري فلا وألف لا بالعكس الطريق مسفلت وزين لكن زي ما قلتلك لفلفات . لكن انا انصح لك تروح من بينانج وترجع لها أحسن لك من تروح لها عن طريق كوالا لمبور لأن فيه طريقان القديم وهو السيء يربط كوالا لمبور بالكاميرون ( وهذا قطعته في الذهاب وما فيه إلا هو في العودة عشان كذا ما انصحك فيه ) وهناك الذهاب من بينانج والعودة إليها فهناك طريقان القديم وهو نفسه حق كوالا يقولون بس ما رحت فيه والطريق الجديد وهو أقل لفلفة وأوسع وأشرح لكن أطول مدة يمكن بنصف ساعة .انا كان برنامجي كوالا لمبور ثم الذهاب إلى الكاميرون ثم الذهاب لبينانج
ولكن باقول لك مهما كان صعوبة الطريق إذا رحت الكاميرون تنسى نفسك طبيعة وبراد وخضار .
اتمنى لكم رحلة موفقة .

أخي
أشكرك جدا جدا جدا جدا على الرد والتوضيح والنصيحة