ولا رد
ادري مشغولين والله لايشغلكم الا في طاعته
اتمنى لو تردون بس ع الاستفسارات لانها تهمني اكثر من مخطط الرحلة

وعليكم السلاموكل عام وانت بخير
بسم الله
نيلسون مدينه صغيرة واكثر شي مشهورة فيه بحرها بس لسوء الحظ الحين شتاء يعني تمشى شوي
جري ماوث مدينه زراعيه وتربيه المواشي بس مافيها معالم كثير غير الطبيعه؟؟؟؟
فرانز جوسف بلد جميل جدا روح للجليد الازرق راح تتمتع وممكن تركب طيارة 300دولار بالساعه او الرحله
وكمل طريقك وروح لفوكس قلاس يس 30كيلو بلده حلوة مره
المعذرة وقت الفطور وبعدها اكمل معاك ان شاء الله
تحياتي

mjjazm
يعطيك العافية اخوي وتقبل الله منا ومنك
بالنسبة لفرانز جوسف كثير مدحوها لي بس وقتي ضيق لعمل اكثر من نشاط
للأسف ما عندي غير يوم واحد فقط في هذي المدينة و مبلغ 300 دولار على نشاط اشوف انه مبالغ فيه
وبأنتضارك اخوي

طبعا ما بحثت عن فوكس جلاسير لكن من الخارطه اتضح لي انها في طريقي ل كونزتاون
وزي ما قلتلك يوم واحد ما يكفي اني اتمشى في معالم فرانز جوسف و في نفس الوقت اروح ل فوكس جلاسير
اتوقع الباص راح يوقف في هذي المدينة اثناء توجهنا الى الكوينزتاون .. يعني ابو فرة بسيطه
و للمعلومية ترا راسلة الشركة بخصوص بعض المدن او القرى الجميلة انها مب موجودة في مخططهم
واتضح انهم يوقفون في بعضها لألتقاط الصور و شراء بعض الهداية حسب افادتهم
زي مدينة بوناكايكي Punakaiki

ماشاء الله تبارك الله .. طبيعة الصخور وتشكلها في هذي المدينة خيالي
يعني هذي المدينة فقط جولة ابو ساعة وتصوير وهي في طريقي من نيلسون الى قري ماوث

هلا اخوي
طيب ياغالي المشوار من نيلسون لغايه فرانز جوسف عبارة عن مشاهد طبيعيه ومناظر حلوة
وفيه معالم محدوده بالمدن اللي راح تمر عليها وركوب الخيل متوفر وانصحك فيها
وبخصوص وانكا الاخ الفاضل مظلوم نزل موضوع ممتاز وانصحك بالاطلاع عليه
https://artravelers.com
كوينز تاون بلد كثير النشاطات من تزلق ع الثلج والتلفريك انصحك فيه
والبنجي جامب والقارب السريع بالنهر بين الجبال
والطيران والبرشوت والبلد متعه مره وبما انك راح تجلس 4ايام اخوي طيعني وروح لقريه اسمها ملفورد ساوند
من اجمل مناطق العالم راح تنبهر من جمالها تبعد 3ساعات من كوينز تاون وتستاهل المشوار اكيد
كايكورا فيها الباخرة تركبها وتشوف الحوت والدلافين يعني نشاط بحري حلو
وبالنسبه لكرايست تشيرتش روح لأورانا بارك فيها حفل ماوري جميل واتلانتك سنتر وركوب خيل وتلفريك
واذا قابلتك ابشر برحلة قنص علي كيفك
ان شاء الله افدتك
تحياتي

وليد
ملاحظة أخيرة .. أغلب المدن اللي كتبتها لها مواقع على الانترنت فيها نشاطاتها وأماكن السكن وكل شي يخص المدينة .. تقدر تستفيد منها
+
بكل مدينة مركز معلومات (انفورميشن سنتر) فيه بروشورات عن النشاطات السياحية والسكن وحتى المواصلات وأيضاً تقدر تحجز من عندهم
لذلك تقدر تخطط لرحلتك وانت بنيلسون عن طريقهم
حياك الله معنا ولا تنسانا من التقرير
موفق

mjjazm
تسلم اخوي مجازم ع التفاعل والله يكثر من امثالك
بالنسبة ل ملفورد ساوند راح اخصصلها يوم كامل بأذن الله
وراح ادون الاماكن الي ذكرتها واختار منها النشاط المناسب
تحياتي العطرة لك

المظلوم
الله يحيك ويبقيك اخوي المظلوم
ما شاء الله عليك .. افدتني في كل المدن تقريبا الله يجزاك بالخير
بالنسبة ل النشاطات ف هي كثيره وعندي كتاب ساعدني في السكن و بعض المناطق السياحية ويذكرلك ثمن كل نشاط
لكن تعرف احنا ذوقنا غير :d وما ابغى احدد نشاط واندم عليه وما يناسبني خصوصا لضيق الوقت في بعض المدن
ما شاء الله ربعنا كثير هناك و اكيد الي راح يعجبهم يعجبني ان شاء الله .. فمشورتهم اولى من الاختيار العشوائي
بالنسبة للفيزا رحت قدمت عليها من مكتب استخراج التأشرات الاسترالية وقالي احتمال تاخذ من اسبوعين الى ثلاث اسابيع ,, الثلاثاء القادم تكمل ثلاث اسابيع
و راسلة مركزهم بدبي عن طريق البريد الالكتروني وردو علي اليوم
وافادوني ب التواصل مع مكتبهم بجدة وانها في الغالب منتهيه لكن ما يدرون عن نتيجتها لانها تجي داخل مغلف
اتشرفنا ب مرورك اخوي المظلوم
و أبشر بالتقرير الدسم الي راح يكون مليان فيديو و وصور عن كل منطقه ازورها بأذن الله ^^
تحياتي

ابشركم الفيزا طلعت والحمدلله
ثلاث اسابيع وانا شايل همها وكانت راح تزيد لو انتظرت رد منهم
شئ مهم جداً في استخراج الفيزا
بعد ما تخلص من الفورم وتقدم الطلب يقولك خلاص نرسلك ع الايميل و راح ياخذ الطلب تقريبا من اسبوعين الى ثلاث
طبعا انا بعد ما جاتني رسالة ع الجوال تفيد بان الطلب وصل مركزهم بدبي ارتحت شوي
لكن المدة طالت بعد الرساله ولا جاني خبر
تقريبا 25 يوم الين جيتهم بنفسي وقلتلهم ابغا اشيك هل الفيزا تم قبولها او اي خبر عنها
قالي بكل برودة دم .. جاك ايميل منا ؟؟!!