اتمنى أنك تفيدني بموعد ذهابك وعودتك وان شاء الله أقدر أجاوبك
لأن كل وقت له سعره من ناحية الطيران ومن ناحية الفنادق

الاخ زيزو الروحه ابغاها بعد اسبوعين
والف الف شكر على تجاوبك معي

مرحبا بك أخوي خالد وأنا في الخدمة أي وقت
بالنسبه للسكن أنا بعطيك اللي جربته وأضمن لك أن بيعجبك واذا ما أعجبك أبد أرجع لك فلوسك < قابلني
الفندق هو Hilton Maldives Irufushi Resort & Spa أدري أزعجت الناس اللي هنا لكن انه منتجع تحفه
حتى الشامبو والصابون فيه ماركة اجنر
نوع الغرفة Water Villa فيلا فوق الماء طبعاً تعتبر هي الأفضل واذا كنت تبغى ارخص فيه بيتش فيلا لكن ما أنصحك فيها
وسيلة النقل من مطار مالي الى المنتجع هي الطيران المائي Sea Plane
طائرة صغيره (هيلكوبتر صوتها يفجر الرأس )
فوق الماء وأكيد أنك شفتها في التقارير
السعر لمدة 5 ليالي (6 أيام ) شامل الضرائب وشامل الطيران المائي 7293 ريال < سعرها خيالي بالنسبة لشهر نوفمبر
وديسمبر
خلصنا من الفندق نجي للطيران الصراحة من كتبت موضوعك وأنا أحاول الدخول لموقع الخطوط القطرية والخطوط الاماراتية
وماقدرت يمكن علشان الضغط حاول انت وان شاء الله بحاول بكره وأوصل للسعر وعموما لاتيأس حتى لوكان على الخطوط
السيرلانكية
ما أبغى أحطمك بس أنا كلمت مكتب سفريات وحصلت الخطوط القطرية للشخص 6150 وللطفل 4285 والخطوط الاماراتية
0للشخص طبعاً هذا كله بسبب حجزك وتخطيطك المتأخر ولالو قصيتها من قبل يمكن طلع لك ب 3000 وفيها
المهم لازم تدخل موقع الخطوط على الانترنت وتشوف الرحلات لأن بعض الرحلات تكون تقدر تأخر يوم ولاتقدم يوم
ويطيح لك مبلغ كبير من التذكرة
بالنسبه للمعيشه هناك يوجد في المنتجع 3 مطاعم اهمها المطعم الرئيسي يكون بوفيه مفتوح الشخص ب 180 ريال وفيه
مطعم ثاني اكلات بحرية مقارب لسعره اما المطعم الثالث مادخلته لأن كان الحجز فل لمدة 5 أيام
انت موفر لك افطار مجاني وتكون محتاج لوجبه واحده في اليوم لأن الليل مافيه اي نشاط ويبي لك تنام
لوحسبناها 180 * 2 = 360 لليوم في 5 أيام 1800 ريال
أما بتقول مصاريف ثانية ماعندك الا رحلة صيد ب300 ريال للشخص لمدة ساعتين يعني شخصين ب 600 ريال
والألعاب البحرية نفرض أنه نفس السعر شخصين 600 ريال
غيرها مافيه أي مصاريف لأنها مافيه تسوق ولاشيء استجمام وبس
يطلع كل المجموع
السكن مع الطيران المائي 7293 ريال
المطاعم 1800 ريال
النشاطات 1200 ريال
الطيران معلق إلى أن ننظر في قضيته
وآسف للتأخير الرد والبحث أستغرق مني قرابة الساعة
أتمنى أن أفدتك حتى لو طولت عليك ولي عودة اذا فتح معي موقع الخطوط القطرية والاماراتية

الاخ زيزو
يعجز السان عن شكرك ولكن ارجو من الله ان يجزيك خير ماجزاه عبدا من عبيده
الف الف الف شكر وماقصرت
بالنسبه للخطوط ابصبح ابمكاتب الحجوزات اليوم
اخوي زيزو اخر سؤال الفندق احجزه من المكاتب او النت والله يحفظك وين ماوجهت الف شكرا

هلا خالد
أكيد بيكون السعر من النت أرخص لكن سجل اسم الفندق ورح لأي مكتب سياحي وأسأله بكم لكن تأكد من نقطتين
الأولى أنك تأخذ نفس نوع الغرفة Water Villa فوق الماء الا اذا كنت تبي ارخص لكن هذي جو ثاني واذا بغيت تروح
للمطعم أو أي شيء تتصل بالرسيبشن ويرسلون لك سيارة الجولف توديك وين ماتبي
ثاني شيء تأكد أنها تكون شاملة الضرايب والطيران المائي لأن الطيران المائي لوحده يكلفك 4000 ريال
أنصحك اذا كان عندك فيزا أنك تحجز من النت وأنت مريح ولو كان يواجهك أي مشكله أنا مستعد أقابلك في أي مكان
وأساعدك
علمني وش يصير معك على الطيران أنتظرك

فتح معي موقع القطرية
وطلع المجموع لكم 16,247.00 sar جامده صح
بس ارخص من المكتب اللي كلمته
والخطوط الاماراتية طلع المجموع SAR 16740.00
رح لمكتب حجوزات وأسال عن اي خطوط رأس مال الرحلة 4 ساعات

1. السلام عليكم ورحمة الله وبركاتة

السلام عليكم ورحمة الله وبركاتة

الاخ خالد بخصوص 20 ألف سكن وتذاكر راح تكفي أن شاء الله لمدة خمس ليال ست أيام ولكن واجب عليك التحرك بسرعه لان اسعار الطيرآن نار أما السكن على العموم هالفترة من السنه أسعاره في متناول الجميع راح انزل لك أسعار للطيرآن كنت جايبتها لأحد الأخوان الاسبوع الماضي قد تفرق عندك من 100 لين 200 على حسب توافر المقاعد
السفر من جدة الى المالديف على الخطوط السيرلانكيه قيمة التذكره للشخص 3600 وتاريخ السفر 8 يوليو الى 14 يوليو لمدة ست ليال
السفر من جدة الى المالديف على الخطوط القطرية قيمة التذكرة للشخص 5630 تاريخ السفر من 7 يوليو الى 12 يوليو خمس ليال
السفر من جدة الى المالديف على الخطوط الاماراتيه قيمة التذكرة للشخص 6770 تاريخ السفر 7 يوليو الى 12 يوليو لمدة خمس ليال
السفر من جدة الى المالديف على الخطوط العمانيه قيمة التذكرة للشخص 3640 تاريخ السفر 7 يوليو الى 14 يوليو سبع ليال
وأيضا عندك أسعار لوحدات سكنيه لمنتجعات اخر غير هلتون فوشيه ومنتجع هلتون فوشيه جميل
كونراد ليلة 1555 مع الافطار شامله التنقل في بيتش كنج فيلا
والشيراتون فل مون ليله مع الافطار والتنقل في واتر بنقلو ليلة 2320
فندق شانغرالا ليلة مع الافطار والتنقل في فيلا مع المسبح ب 2950
وجهه نظري لك أخذ كونراد ست ليال ليس عندهم الواتر فيلا لقيتها فل بوكيت ماقدرت اجيب سعرها مع الخطوط السيرلانكيه المجموع 16530 تذاكر وسكن وتنقلات مع افطار جبت لك سعر ممتاز لسبع ليال
تبي منتجعين عندك التذاكر لشخصين 7200 وسكن ثلاث ليال بكونراد 4665 وثلاث ليال شانغرالا 8850 المجموع 20715
وعندك ايضا التذاكر لشخصين 7200 وسكن بكونراد ثلاث ليال 4665 وثلاث ليال الشيراتون فل مون 6960 المجموع 18825
الخيارات أخوي عدة أمامك المطلوب منك الآن هو سرعة الحجز طبعا عن طريق ذهابك للمكاتب السياحيه ومعرفه ماهي الخيارات المتاحه عندهم

كفو والله ياشباب على هالتعاون ماقصرتوا مع الاخ خالد وإن شاء الله انه يرد جميلكم بتقرير رنان وإلا يا أخ خالد شرايك؟

زيزو
اخت الم
shamal
الف الف شكر
ابشركم لقيت حجز على العمانيه في يوم خمسه من الشهر الجاي اخذته 3370 للبالغين و2600 لبزري
ورحت اسال عن السكن لقيت الفنادق اسعاره مقبوله على 900 والف بس قالي راعي المكتب ان التوصيله الى الفندق راح تكلفك 4000 ريال الصراحه انصدمت اشوي
طيب لو احجز من النت وشلون اعرف ان الحجز يشمل النقل من المطار الى الفندق
والتقرير الله يعين راح اخلي ام هشام تكتبه راح اشرط انه تكتب تقرير لعيونكم تستاهلون