ميونخ ما تكفيها 4ليالي بس انتي شكلك اخترتي زيلامسي 14 يوم عشان الحجز بالاسبوع غالبا
لو تسمعين شوري الغي فيينا الا اذا ودك فيها
وخلي المخطط ميونخ - سالزبورغ- كابرون - ميونخ
الا اذا عادي عندكم وبتروحون لسالزبورغ من زيلامسي وبتروحون للبحيرات القريبه من سالزبورغ وهالشتات
شوفي هالشقق في ميونخ ممتازه جربتها هالصيف
Citadines Munich Arnulfpark
عندهم شقه تكفي 4 اشخاص وبما انكم 8 اشخاص خذوا شقتين احنا عددنا 9 واخذنا شقتين وطلبنا سرير اضافي
الحلو فيها جنبها محطه الترام
الفيلا http://www.alpen-apartments.com/Alpen-Apartment-Detail.26.0.html?&L=1&cHash=e5f08e8d31&tx_cnflatmgr_pi1 showUid]=111
اللي في زيلامسي حلوه جدا
بس احجزوا بسرعه ترى هالموقع عليه طلب كبير ويمكن تروح عليكم

اجد 14 يوم في زلامسي وكابرون مبالغ فيه كثير
يكفيها 7 ايام ولايمنع ان تكون بقية الأيام في غامرتش او ارياف المانيا او الذهاب الي انسبروك
يعني 14 يوم مبالغ صراحه وراح تطفشون من زلامسي
موفقين ان شاء الله
ابو معن

السلام علييكم
اولا بخصوص انواع السكن المذكوره ممتازه
الشاليه الي ببسندروف ل 10 اشخاص على فكره وانتم عددكم اقل ..
عموما ..المخطط لو ما تحب تنقل كثير ممكن
يعني نكتفي بالسكن بزيلامسي اسبوع مع ما حولها ونقسم المده الباقيه بين سالزبورخ وضواحيها ممكن السكن باحد البحيرات الثلاث ولف قانق واخواتها او السكن بانسبروك اوبيرتساو اوسي فيلد او حتى غارمش الالمانيه
اما بخصوص السكن بميونخ هنا
https://artravelers.com/p/re/419288
وهذي اضافه جديده بتعجكم لو حصلت فيها حجز
https://www.booking.com/hotel/de/adagio-muenchen-city-opening-01-feb-2011.html?aid=1300939
تحياتي

هلا والله بالجميع واشكركم على الرد السريع جزاكم الله خير
انا ماحب التنقل الكثير واحس التنقل اليومي والطلعات الكثيره متعبه وماهي مريحه وتخرب عليك الراحه والاسترخاء في السفر لو اجلس يوم مااطلع مجرد الاستمتاع بالمكان ....سكنت في انترلاكن اسبوع ولا مليت بالعكس ندمت اني طلعت منها
لهذا السبب سكنت بزيلامسي 14 يوم للراحه والاستمتاع وراح اطلع منها الى سالزبورغ والمناطق المحيطه فيها كذلك اتمنى اروح لفينيسا اذا سمح الامر يعني 14 يوم يالله تكفي
و4 ايام ميونخ احس انها كثيره عليها فقط تسوق يعني ممكن تتقسم هذي اليومين يومين بميونخ ويومين وين؟ او كلها في ميونخ ؟
جميع الشقق في ميونخ 4 اشخاص بالغين
هل يقبلون بالعائله كلهها مع ان الصغار 5و 3سنوات ممكن يكنون بنفس الغرفه انتظر اجابتكم الكريمه

خذوا شقتين جنب بعض افضل شي
لان الاولاد اللي اعمارهم 14 - 12 ما يعتبرون اطفال
اما ايام ميونخ خليها بميونخ احسن ويا دوب تكفي
عندك الحديقه الانجليزيه والاولمبيه وعندك مول ريم اركادن ومول
الاولمبي وعندك ساحه كارل بلاتز ومارين بلاتز وماكسيميليان
وعندك حديقه ( ostpark munich )لاتفوتكم كمان
بحيره ( Starnbergsee ) : تبعد عن ميونخ 27 كيلو ويمكن السباحه فيها كما ذكر احد الاخوان
مدينه ( Garmisch partenkirchen ) وبالاخص بحيره Eibsee :
مدينه قارمش تبعد 90 كلم والبحيره تبعد 9 كلم عن قارمش

جدولك حلو
واضح انك تحب الطبيعه والهدوء
ميونخ انا قعدت فيها 4 ليال -5 ايام
سكنت في هذا الفندق بالسنتر متواضع لكن موقعه ممتاز
https://artravelers.com/p/re/429908
ميونخ حلوه والله
فيه قصر نيفمبورغ
وهذا رابط جدولي في ميونخ
https://artravelers.com/p/re/429908

مخطط ممتاز يعجبني الترتيب والتنسيق مبكرا
3 ليالي فيينا
4ليله زيلامسي وكابرون
( منها زيارة سالزبورغ + فينيسيا + قرية هايدي في سويسرا + انسبروك + باد جاستين + القرى الريفيه القريبه من سالزبورغ )
4 ليالي ميونيخ

الله يعطيكم العافيه
شكرا بنت حواء 1429على متابعتك معي شيكت على شقق ميونخ نCitadines Munich
Arnulfpark
لقيتها 4 اشخاص كبار سرير كبير وصوفا بد ...يعني الكبار راح يكنون بالصاله والصغار معنا بالغرفه ولا حسبتي غلط!!!!
بس اتمنى اعرف من الاعضاء الكرام ايش الامكان المهمه الي اطلعلها من زيلامسي ومهمه وتستاهل العنوه
ابو نزيه اشكرك على رفع معنوياتي وتشجيعي على 14 يوم في كابرون وزيلامسي بعد ماحبطوني بنت حواء وابو معن وابو عمر جزاهم الله خير على بس مازلت مقتنع بال14 يوم
سؤال الشاليه Chalet Piesendorf هل هو ممتاز نظيف ؟ تحمست معه لانه في مكان واسع ريفي اشوف البقر في كل مكان ولا مايستاهل؟

شوفي الشقق اللي بميونخ الشقه حقت 4 اشخاص بالغين تكون فيها غرفه نوم واحده لشخصين وبالصاله الصوفا
تتحول سرير حق شخصين الحين صاروا اربعه بالغين وتقدرين تطلبين سرير اضافي كمان بمبلغ تدفعينه 22 يورو لليله
يحطون السرير بالصاله يعني اللي ينامون بالشقه الوحده خمسه اشخاص بالغين
هما يعتبرون الاشخاص اللي اقل من 12 سنه اذا تبغين تنومينهم بالشقه بدون سرير مجانا
واذا ماعندك مانع اولادك الثلاثه اللي عمره 12 و 5 و 3 ينامون على الارض بحيث انه انتي تجيبين فرش معاك لهم ممكن وبس الولد اذا عمره 12 ممكن مايرضون بهالشي
عشان كذا انا قلت لك خذي شقتين جنب بعض احسن عشان تتوسعون وعلى فكره ترى الشقق ما فيها تنظيف يومي فقط اسبوعي
اما موضوع انه كابرون اسبوعين بالعكس انا معاك والله حبيتها كثير وما بغيت اطلع منها
راح اعطيك فيلا سكنا فيها هالصيف في كابرون يمكن تعجبك