أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاتهاخواني انا رايح تركيا شهر 8
بس للحين ما ححدت الاماكن لانها اول سفرة لي لتركيا
مدة السفرة كلها من تاريخ 12/8 الى 23/8
ممكن ترتبو لي الجدول بالاماكن والفنادق 5 نجوم
شكرا
لازم في البداية تحدد اللي تحبه في السفر
اذا كنت من هواة الارياف والطبيعة والهدوء..فالشمال مقصدك مثل طرابزون واوزنجول وريزا وايدر
اذا كنت تحب المدن فتروح اسطنبول وبورصة
وتقدر ترتب ايامك بين هالمناطق على حسب رغبتك
أخي العزيز
مع أنه لم يسبق لي زيارة تركيا
وأول زيارة لي شهر 6 يونيو إلا أني اقترح عليك أن تكون أولى الليالي في طرابزون وما حولها وآخرها في اسطنبول
عدد لياليك 11 ليلية
6 ليالي في طرابزون من المطار دولي الى رحلة داخلية بعدها على طرابزون ( استغلالا للوقت )
5 ليالي في اسطنبول
منها ليلة تروح بورصا وترجع
ولعل الخبراء يشيروا عليك بالأفضل
وفقنا الله واياك لكل خير
مثل ما قال أخي طارق
ابدأ بالشمال وطبعا يفضل استئجار سيارة للمتعة وسهولة التنقل
6 أيام
تقدر تخليها يومين طرابزون
يومين ايدر
يومين اوزنجول
واذا ما تحب التنقلات
3 ايام طرابزون
3 ايام اوزنجول
وبعدها 5 ايام اسطنبول في منطقة السلطان أحمد
انتوا شباب أو عائلة؟
زي ما قالت مشرفتنا
لكن في إسطنبول
شوف شانقريلا
كيمبينيسكي
وفي الشمال تحتاج سيارة
لو تبي الراحة
خذ سيارة بسواق
يوميته أقل من 500 ريال والديزل عليكم
موفق
اذا كنت من هواة الارياف والطبيعة والهدوء..فالشمال مقصدك مثل طرابزون واوزنجول وريزا وايدر
اذا كنت تحب المدن فتروح اسطنبول وبورصة
وتقدر ترتب ايامك بين هالمناطق على حسب رغبتك