اخت يسر وفقة الله .. يقول المثل رحلت المليون...خطوة ويقول المثل ايضا اكل العنب حبة حبة . مسالة انج تبتدئين من الصين لا انصح بها لاسباب عدم القدرة على متابعت اعمالج 2 هل يسمح لكى النظام ان يكون المحل باسمج ! 3 اين الثقة الذى يدير اعمالج هناك واهم شئ كيف يفهمون شنو تبين الموديل مثلا لاتقولين ارسل صور او عينة شعب صعب جدا جدا بالفهم وهذى اهم نقطة الفهم . على العموم سوف احكى لكى قصتى مع الكلف احد النساء من اهلنا طلبت منى ان احظر لها كلف وريش طيور ناعم من الصين وفعلنا بعدما انهيت بعض اشغالى هناك ذهبت الى سوق الكلف فى كوانزوا واخذت بقرابت 100 دينار طبعا اول مرة اشترى كلف ماعندى خبرة لكن على النظر المهم بعد ماشافتهم تعجبت !! قالت جم سعر هذا وهذى وهذاك وقلتلها 60-80-120-فلس قالت معقولة ! عندنا 750 فلس او دينار وممكن بعضهم اكثر ومو موجودين اصلا . نستخلص من القصة مايلى روحى كوانزوا وجيبى انواع من الكلف والخامات لسهرة وغيرها وجيبى فلبينيات عدد 2 كبداية وماكينتين خياطة وشدى الحيل فى بيتج وتحت عينج وشوى شوى كثرى العاملات وابدئى بحواليج من العائلة ثم ترقبى ماذا يقولون واذا عجبهم الشغل انطلقى الى العالمية .... تعبت

اهلا اخوي كردت
يعطيك العافية
انا بالنسبة لي متخوفة بعض الشئ اني ابدأ من هناك لكن لما قال لي رخيص قلت يالا لكن فكرتك حلوة اني اجيب كلف وخامات سهرة لكن القماش ايش العمل ودي بقماش غير الي بالسوق مثلا يعني في وحدة في مدينة جدة تعمل لك فستان واحد مافي منه بالسوق ولاتعمل منه غير واحد موديل وواحد مقاس يعني ماراح تلاقي احد لابس مثله واسعارها نار اقل فستان 3000 ريال والباقي فوق طيب هاذي من فين جايبة القماش ناس يقولوا انهم يصنعوه لها خاص !!مادري عندك فكرة اخوي كردت او لا عن هذا الموضوع الله يعافيك
وجزاك الله خير على الفكرة
اختك يسر

اخت يسر . انا من الكويت ولاعندى فكرة عن السوق فى جدة لكن فى بالكويت اسواق خاصة للقماش وخاصة السهرات يعنى لو جبتى من الكويت او من دبى مثلا احد يدرى منين جبتيهم ؟ وقد تكون خامات جديدة ولم تنزل اسواق جدة وهذا الى حاصل عندنا ياخذون جملة قماشات ويفصلونهم فى البيوت او المشاغل ويبوعونهم بالسعار غالية جدا مثل ماتفضلتى . فكرى فيها وبالله التوفيق

اختي يسر البداية دائماً صعبة في كل شيء لكن أهم شئ دراسة الموضوع دراسة جيدة أستشارة ذوي الخبرة في هذا المجال لابد يعني خذي لفة على المشاغل واسئلي أكيد راح تستفيدين كثير من نصائح من سبقك في نفس المجال أما بالنسبة للصين صعبة عليك لعدة أسباب منها كما ذكر أخي كردت أنهم شعب صعب في الفهم يعني لا أنجليزي ولاعربي والله حتى أحياناً لغة الاشارة اللي هي لغة عالمية ما يفهموها وأغلب التجار يستعينون بمكاتب التصدير الموجودة هناك للترجمة وشحن البضائع لأنها أمن وسيلة لكن أسعارهم ممتازة مقارنة مع أسعارنا وأكيد الفائدة كبيرة والربح كذلك أضعاف ،،،
أما بالنسبة أنه فستان لايوجد منه فهذا ترى كله ضحك على الناس واذكر واحد أخذ فستان لبنته من جدة وكان السعر 3000 ريال وقالوا له لايوجد مثل هذا الفستان وبالصدفة بعد أنتهاء الحفل وجد مثله تماماًبالسوق وكان السعر 900 ريال وأخذ الفستان وراح للمحل وهو في قمة الغضب :112:
ورجع الفستان واخذ فلوسه ... وأغلب الفساتين الموجودة بالسوق على فكرة وارد الصين لأنها أرخص في الصناعة ...
بالتوفيق لك ..
==>> اخوك جبران الصغير

كردت
طيب اخوي كردت من وين في الكويت بالضبط او من دبي ؟ ادري طولتها عليك
انتظر ردك
وجزاك الله خير

جبران الصغير
اهلا اخوي جبران الصغير
بالفعل انت صادق صارت لأخت زوجي شرت فستان بحوالي ال5000 الاف وحلفت لها الحرمة انه مافي منه اثنين وشرت الفستان وبعد شهر وشوية رجعت جات للحرمة في بيتها ولقت نفسه بالضبط ولما تجادلت معاها قالت سامحوني هذا خطأ وانا ماراح ابيعه لأحد بعطيه لبنت اختي

الاخت يسر...بقولج تجربتي في هالموضوع
قبل سنتين تقريباً
اقترحت علي اختي بما انها ما خلت كشكول بالبيت ولا دفتر ولا ورقه إلا وراسمة عليها تصاميم.
اني افتح لها مشغل وتنفذ تصاميمها وتعرضها في المحل..
طبعا علي مستوى العائله والاقارب وزميلاتها بالعمل.. مصممه تنافس ايلي صعب
ولما سمعت اقتراحي
قالت علي ايدك..( ما صدقت علي الله)وكان في وقتها مجرد اقتراح غير قابل للنتفيذ من قبلي كلامxكلام
كل يوم تحن علي شنو سويت وشنو ما سويت ..
وانا اقولها انطري لما رخصه المشغل تطلع. ( وهقت نفسي) ويا شين حنتكم
من كثر حنتها حنيت عليها
بعد فتره قالت لي ان الخياط اللى يخيطون عنده رفايجها يقول اللى يفتح لي محل ويجيب لي خياطين اعطيه 500 د.ك شهريا بصراحه ما صدقت..ملابس الحريم تطلع هالمبلغ!!
المهم اتصلت عليه .. وهل فعلاٍ كلامه صحيح ولا لا!!
الزبده انها طلعت 300 دينار وانا مالي شغل بشي لا ايجار ولا غيره
اتفقناا
ودرونا محل وحصلناه في مجمع جديد وضبطناه ديكورات وباترينه..ألخ
وبداء الهندي يعمل بعد استخراج له الرخصه وتحويل اقامة فلبينيات 2 علي اقامة المشغل..
وفي نفس الوقت اختي قامت تعرض شغلها بالمشغل بعد ما ينفذونه الخياطات
اثناء ما كنت اعمل ديكورات للمحل.. كنت جايب مقاول معرفه وهو هندي يسوي لي الديكورات للمحل
اقترح علي اجيب خام من الهند!!
وخياطات اجورهم رخيصه.. وان شاء الله بعد رمضان رايح للهند معاه
يقولي راس مالك 600 دينار تقريبا 2000 دولار ...والوزن لا تحاتي اوزع البضاعه علي الهنود
عاد انا بالسوالف هذي انا ما اعرف ابداً وصعبه تروح اختي معاي للهند..
بالنسبه لموضوع الصين..
وانك تجيبين فساتين جاهزه..غلط لان المقاسات راح تتعدل في بلادك
الافضل انج تجيبين المواد من الصين اذا كانت ممتاز كالخام او غيره
وتنفذينها في بلادك حسب المقاسات المطلوبه
والمشكله ان فيه ناس انتي تتعبين وهم يسرقون افكارك
ك بدايه
1- ابحثي عن خياطه
2- اشتري المواد
3- المكاين
4- نفذي تصاميمك..بالبيت
وحتي لو خسرتي لا سمح الله ما راح تكون خساره كبيره
اجار الخياطه+ المكاين( وتقدرين تبيعينها ) المكان بالبيت بدون ايجار.. المواد
واذا رزقك الله ومشي شغلك..
افتحي محل.. توسعي في العمل بدال الخياطه خياطتين وهكذا...
ولا تنسين ان الدعايه والاعلان= 60% من تجاح اي مشروع
دائماً عند بدايه اي مشروع احسبي 6 اشهر ان راح تدفعين من جيبك حتي لا تتفاجئي

انا اقترح عليكي تنفذي بالصين وتعتمدين بالقياسات على القياسات المعتمده لدينا بالسوق الخليجي من 8 وحتى قياس 18 انا اعرف محل بجده كبير يتعامل مع احد هذه المصانع يجيب الموديل من لبنان ويصنع مثله 100 حبه على افرعه بالمملكه ما يكلفه الفستان 100 ريال ويبيعه باضعاف الثمن وانا عن نفسي اشوفه يستاهل وارخص من المحلات الثانيه وذوق وقياس مضبوط ، الصينين ما يفصلون لج الا المواصفات الي انتي تبينها وفي مصانع ما تآخذ الا با 100 حبه للسمبل الواحد
وبالتوفيق

adilalroh
اهلا اخوي
عاد انت وعدت اختك وهي لازم تحن علشان الوعد يتنفذ ولو ماحنت ماراح يتنفذ
يعطيك العافية اخوية
فكرتك قريبة من فكرتي لكن انا زيادتي ان زوجي اساسا ناوي يفتح محل بحول الله وحاط عينه عليه لمشروع كان برآسه لكن بدل المشروع بمشروع نسائي بعد ماقتنع من كلام اخواته وكلامي انه هالمشروع يمشي اكثر وطبعا قلت له اخوي ايش قال بالضبط بحكم ان زوجي ايضا راح الصين لكن وجهته ماكانت ابدا لفساتين واقتنع وهو مع اخوي اننا نجيب من الصين لكن انا معاهم وضدهم في نفس الوقت ودي اجيب من الصين وفي نفس الوقت ماعتمد عليها كليا لكن مثل ماقلت اجيب خياطة واصمم واعتمد على ذوقي الشخصي
لان الصين العالم كلهم يجيبوا من الصين وعندنا محلات كثيرة فيها صيني (فساتين) فاذا جبت من هناك راح يكون مثله كثير هنا او على الاقل شبيه له صح؟؟ وبحاول اقنع زوجي بهالفكرة لكنه مصمم على رأيه لكن بنحن عليه انا واخواته
يعطيك الف عافية اخوي