ابـن الرياض
16-01-2022 - 07:54 pm
السلام عليكم ورحمة الله وبركاته
اولا مبروك لمشرفنا العزيز ابو عزيز على الاشراف وتستاهلها يابو عزيز
ابشرك قصيت تذاكر على الخطوط السويسرية ذهاب 1 اغسطس العودة 18 اغسطس ان شاء الله كيف مواعيدهم ؟ والرحلات معهم؟ انا رايح على الدرجة السياحية وهل عندهم اكل حلال؟ بالطائرة ؟
كيف مطار زيوريخ ؟ ومعاملتهم انا معي تأشيرتين الاولى شنجن ايطالية متعددة والثانية بريطانية متعددة كلها سياحة؟ وش رايك ؟ ادخل عادي ؟ وهل يسألوني عن شيء؟ وكيف معاملتهم؟
وابي فندق حليو ويكون غرفه كبيرة وليست صغيرة وانا بجلس لي 3 ايام في زيوريخ وبعدها بطلع انترلاكن بالقطار وجنيف وباريس ولندن ومن لندن برجع بطيارة وبعدها اركب طيارة اخرى بمطار زيوريخ عائدا الى الرياض هل صالة الطيران نفس الشي؟ يعني ؟ انزل من بوابة جايه من لندن واروح لبوابة رحلة الرياض؟
وهل عندك فكره الخطوط السويرية تطلع من اي مطار واي صالة في لندن؟
وحبيت اعرف اذا بغيت احجز قطارات وش انسب شيء احجز من الانترنت واطبع التذكرة؟ واروح لهم والا احجز من هناك والا احجز من مكتب سياحي ؟
بالنهاية ياليت تعطيني موقع مضمون لحجز الفنادق والشقق في سويسرا
وحبيت اعرف لو بغيت استأجر سيارة ؟ وش احسن من هنا او من هناك ؟ وش الارخص؟ وكيف اطلع لشلالات الراين وهايدي من زيوريخ؟
واذا رحت جنيف ومسكت الطريق اللي بين جنيف ولوزان امر على سينيال ديبوجيه ابي اروح لاشياء جديدة من المخارج اللي بنفس الطريق دلني على مخارج حلوه فيها مدن حلوه ولو صار فيها فنادق كان احسن ؟
ووش رايك الوقت اللي بجي فيه هو وقت الكرنفال؟
وشريحة الجوال من وين احصل عليها واحسن شركة؟
ارجو اني ماثقلت عليك ؟ انتظر ردك
الله يبارك فيك أخوي
ابشرك قصيت تذاكر على الخطوط السويسرية ذهاب 1 اغسطس العودة 18 اغسطس ان شاء الله كيف مواعيدهم ؟ والرحلات معهم؟ انا رايح على الدرجة السياحية وهل عندهم اكل حلال؟ بالطائرة ؟
غالبا الكيترينق من عندنا والأكل حلال لكن هذا لايمنع ان تتصل فيهم في الرياض تعطيهم رقم الحجز وتطلب الأكل اللي تشتهيه (سمك/باستا.....)
كيف مطار زيوريخ ؟ ومعاملتهم انا معي تأشيرتين الاولى شنجن ايطالية متعددة والثانية بريطانية متعددة كلها سياحة؟ وش رايك ؟ ادخل عادي ؟ وهل يسألوني عن شيء؟ وكيف معاملتهم؟
أهم شيء في مطار زيورخ هو الستار بكس ...
لا امزح اهم شيء اول ماتوصل تدوج مع الخلق الى الجوازات
اهم شيء في سويسرا انك تلقي التحية مع ابتسامة تشق الوجه
والله ضروري جدا لأنها تعتبر إهانة كبيرة جدا اذا دخلت محل تجاري وخاصة الصغيرة منها او دخلت على مكتب او اي كشك القي تحيتك
بنجور الى الساعة 2 او 3 الظهر
ومن بعدها بنسوار الى آخر الليل
شغلات بسيطة مثل ما تحط السبابة على جبينك (إهانة)
في الجزء الألماني داخل المطعم لا تلوح بيدك للجرسون
ممكن تناديه Herr Ober اذا كان راجل
و Fräulein اذا كانت انثى
بعض الأحيان يقدمون لك خبز شوي ناشف من الخارج طري من الداخ اهم شيء لا تستخدم السكين لتقطيعه
اذا الملح والفلفل غير موجودين على الطاولة اللي انت جالس عليها ارجوك ما تتطلبها (اهانة للشيف)
وشغلات كثيرة راح تشوفها وممكن تمر عليك وماتحس فيها
اهم شيء القاء التحية في الدخلة والخرجة تقول (تانكن او ميغسي او قرادسي على حسب موقعك في سويسرا)
اول ماتوصل الجوازات مهم تنتظر على الخط اللي في الأرض واذا مافي يكون هناك مسافة بينكم وبدون تردد صبح عليه وعطه
1-الجوازات
2-تذاكر السفر (اذا ماعليها حجز العودة عطه البرنت)
وابي فندق حليو ويكون غرفه كبيرة وليست صغيرة وانا بجلس لي 3 ايام في زيوريخ وبعدها بطلع انترلاكن بالقطار وجنيف وباريس ولندن ومن لندن برجع بطيارة وبعدها اركب طيارة اخرى بمطار زيوريخ عائدا الى الرياض
zurich sofitel
هل صالة الطيران نفس الشي؟ يعني ؟ انزل من بوابة جايه من لندن واروح لبوابة رحلة الرياض؟
اكيد لا
اول ماتنزل تحدد رقم رحلتك من شاشة الرحلات المغادرة
وتأكد من أن تسال موظف مطار لندن (((وين استلم عفشي؟؟؟؟)))
وهل عندك فكره الخطوط السويسرية تطلع من اي مطار واي صالة في لندن؟
لا والله
لازم تتأكد اول اي مطار (3 مطارات في لندن)
بعدين اي صالة؟؟؟
وهذه المعلومات ما تشغل بالك فيها لأن شركة الطيران هي المفروض توفرها لك
وممكن تسألهم اذا اتصلت فيهم
وحبيت اعرف اذا بغيت احجز قطارات وش انسب شيء احجز من الانترنت واطبع التذكرة؟ واروح لهم والا احجز من هناك والا احجز من مكتب سياحي ؟
مافيها كلام النت ارخص وأريح لك
بالنهاية ياليت تعطيني موقع مضمون لحجز الفنادق والشقق في سويسرا
تفضل الموقع المعتمد من العرب المسافرون
https://artravelers.com
وهناك مواقع كثير اخرى افضلها
http://www.expedia.com
وحبيت اعرف لو بغيت استأجر سيارة ؟ وش احسن من هنا او من هناك ؟ وش الارخص؟
تأجير السيارة من أحد المواقع اللي سألت عليها فوق وممكن تقارن السعر بسعر شركة التأجير في الرياض لأنهم يعملون حجوزات دولية لكن النت دائما ارخص
وكيف اطلع لشلالات الراين وهايدي من زيوريخ؟
شلالات الراين (في اقصى شمال سويسرا) وبالتحديد في مدينة Schloss Laufen
أو
Neuhausen am Rheinfall
القريبة جدا من Schaffhausen
وتبعد بحدود 55كم او 45 دقيقة
بالنسبة لشلالات الري Rhine falls اللي موجودة بالقرب من شافهاوزين chaffhausen افضل واسهل طريقة هو الذهاب الى المحطة الموسمية (ابريل الى اكتوبر) شلوس لوفين Schloss Laufen
هناك قطار كل ساعة من محطة شافهاوزن ومن محطة وينترثر Winterthur الى لوفين
او من شافهاوزن نفسها تاخذ الباص رقم 1 او 6 الى قرية نيوهاوزن زينتروم Neuhausen Zentrum الشلالات راح تكون على بعد 5 دقائق مشي
أهم شيء لا تروح من شافهاوزن لمحطة قرية نيوهاوزن زينتروم لأن محطة القرية بعيدة عن الشلالات
اذا وصلت هناك لابد من زيارة قلعة وحصن مونوت ودير آلير هايليجين المجاور للشلالات
الرحلة مدتها ساعة تقريبا بالقطارهايدي لاند تبعد ساعة من زيورخ (شرق زيورخ)
وتقع في المنطقة الشرقية من سويسرا وبالتحديد في قرية Maienfeld
والمسافة بينهم بحدود 101 كم
واذا رحعت جنيف ومسكت الطريق اللي بين جنيف ولوزان امر على سينيال ديبوجيه ابي اروح لاشياء جديدة من المخارج اللي بنفس الطريق دلني على مخارج حلوه فيها مدن حلوه ولو صار فيها فنادق كان احسن ؟
احلى شيء بصراحة مخرج Divonne قريتي المفضلة
واكيد راح تعجبك اذا شف تقريري عنهون الشقق الفندقية اللي فيها
ووش رايك الوقت اللي بجي فيه هو وقت الكرنفال؟
حاول تبعد ابعد شيء عن المدينة
وشريحة الجوال من وين احصل عليها واحسن شركة؟
شرائح الجوال كثيرة وفي رأيي ان السويس كوم هي من أفضل الشركات (وليس ارخصها) حيث اورانج السويسرية هي الأرخص
وتمتاز انها يمكن الإحتفاظ بالرقم مدى الحياة
وتجدونها في سوق البلاكسيرت او حتى المانور الي في سوق الشافان المجاور لديفون او ايا من فروع الإنترديسكاونت والموجود في المطارات
الشريحة ومعاها 80 فرنك مكالمات ب 120 فرنك
وممكن تحصلها في احد فروع محل الإليكترونيات والأجهزة المشهور (إنتر ديسكاونت) ب 99.99
وهذا المحل موجود في كل انحاء جنيف بما فيها البلاكسيرت وسوق سيني المجاور لديفون عند مخرج نيون
وممكن تختار الرقم ويتطلب منك الموظف رؤية جواز السفر
أهم يء ثبت الشريح علىالبثايدوي لشان تمن ما تحل لى شبكة اخرى ويروح عليك الرصيد في ثواني