نشر في مصر

مشترواتنا من مصر

كويتية تحب مصر

10-11-2022 - 04:36 pm

السلام عليكم
اخواني واخواتي
شلونكم وشخباركم
ان شاء الله تكونون على افضل حال
جتلي فكرة في بالي انه احط موضوع اعرض فيه مشترواتنا من مصر والصوغه بعد عشان تستفيدون واللي بمصر حالياا يتذكرون شنو يشترون
وهمن اللي زار مصر يذكرني بشغله شراهاا من مصر واستفاد منهاا
لان يمكن يكون طايفناا امور كثيرة ومانتبهنا عليهاا
بسم الله نبدأ
اغراض للمطبخ
طقم قدور ستانلس ستيل
طقم بوفيه من البورسلين اللي ينحط على النار
صواني للفرن من تيفال زهران أحجام متعدده
قوالب حفظ اطعمه
طبليه ألمونيوم
طقم تقديم للشاي كامل مع الصينيه
===============================
اغراض للبيت
شراشف للسراير ( ملايات)
لوحات قرأنيه عدد 2 تشتغل بالكهرباء
فوانيس أحجام متعدده
=====================
احذيه عزكم الله وجناط .. عدد كبير جداا
دراريع جلابيات
خام قطن مصري
فضيات
======================
حمام + بط + لب + حمص+ عصير فرغلي+ بسبوسه العبد+ مغات+ سحلب+ حلبة
====================
وللبنات بسألكم عن كريم اماندا و ماركه ايفا لشعر حلوة ولا لأ
لان سمعت شكثر يطلبونها من الكويت وخايبفه اجيبهم ويطلع مامنهم فايده؟؟
==============
وبسألكم عن ماركه تميما اللي بالتلفزيون
منتجاتهم مضمونه ولا لأ
وتحديداا حمام السونا بالبخار ؟؟ وعندهم تلفون كاشف رقم كبيير وشاشه عجيبه؟؟
جربتوهم؟؟
======================
ذكروناا شنو ناقصنا بعد

التعليقات (8)

خليجنا

10-11-2022 - 07:27 pm

انعميت يااختي وانا اقرأ في هالألوان
موضوع حلو ومفيد00للمتابعه

deplomasy

10-11-2022 - 08:28 pm

يعطيك العافية على الموضوع بارك الله فيك

خالد الحازمي

10-11-2022 - 09:29 pm

والله ما شاء الله عليك قضيتي وما قصرت ..
للأسف أنا ما لي في شغلات المشتريات ..
موفقة ع العموم ..

رسامة مصرية

10-11-2022 - 10:30 pm

موضوع حلو كثير للبنات العاشقات للشراء
وربنا يكون بعون رجالنا
بس قوليلى حبيبتى كويتية كيف أخذتم معكم عصير فرغلي ؟؟؟؟
وعن ماركة أيفا هى ماركة مصرية جميلة ومنتجاتها حلوة ومضمونة بس ما أعرف اماندا بصراحة
تحياتى
رسامة مصرية

عزوونة

10-11-2022 - 11:31 pm

الغالية نحن كنا في مصر والوالدة الله يخليها ما قصرت اشترت مواعين من مصر بالهبل من محل 6 اكتوبر اللي في المهندسين ..... واشترت شنطة فيها ملاعق اشكال والوان تقريبا فيها 86 قطعة من التوحيد والنور اللي في شهاب .... وخذنا جلابيات جدا راقيات من الكرداسة ........ والأحذية والنعالات أعزكم الله خذناهم من ملحق هيلتون رمسيس والمحلات اللي في شارع جامعة الدول ومن مختار وشعيشع طبعا مع الشنط وخذنا الحب من محمصات العروبة ....... والبسبوسة خذناها من محلات قويدر في وسط البلد وتقريبا هاي الأشياء اللي خذناها من أحب البلدان الى قلبي مصر

حرم بندر

11-11-2022 - 12:32 am

حلو فكرة الموضوع صراحه
لأني رايحه مصر بالعيد .. وشايله هم الهدايا ما أعرف وش أجيب هدايا من مصر ؟؟
يعطيك ربي ألف عافيه ومشكوره

المرام

11-11-2022 - 01:33 am

والله سبقتيني يا كويتيه
فكرت أصور الهدايا اللي امي و اختي جابوها لي من مصر
عشان الكل يستفيد
انصدمت لما قريت الموضوع
مشكوره حبيبتي على الموضوع الحلو
اللحين بأكتب لكم الاغراض و الهدايا اللي نشتريها ان رحنا مصر
و بعدين ان قدرت راح اصور لكم الاغراض
الاحذيه و الشنط ... أعزكم الله
الاقمشه النسائيه
الدراريع و بعض الملابس
ملايات و ديباجات السراير
فوط قطن مصري
براويز تشب ليتات ( تنور )
فسيخ
بكلويز ( طعمه أحلى من الكويت )
مش ( من انواع الجبن)
حلويات شرقيه
مداليات مفاتيح
أقلام كشخه
جدور و صواني
منجا .... نوع: فص ( حجمها صغير و طعمها روعه ) و أنواع ثانيه
و مرات عصير منجا.... في جركل صغير
و طبعا الحمام والبط و الوز
حب (لب) نوع: أبيض + خشب + أصفر
مغات
حلبه
لا أحد يضحك على الاغراض
رغم انه الكويت فيها كل خير
لكن بعض الاكل له طعم ثاني من مصر
و طبعا فيه اغراض متشابهه مع اختي كويتيه
و لو تذكرت شي ثاني راح أرجع أقولكم

Messi 19

11-11-2022 - 02:34 am

هاي
ممكن اعرف من وين احصل الآيات القرآنيه الي على كهربا؟؟؟؟؟؟؟؟؟؟؟؟؟؟؟ اول مره اسمع بها
وشنو اشتري حق بيتي الجديد من القاهره؟؟؟؟؟؟؟مع ذكر اسم المحل

مصر المسافرون العرب

مشترواتنا من مصر