- جوجنهايم أبوظبي
- شو رأيكم بهالصورة؟ !
السلام عليكم ورحمة الله وبركاته
أخواني في أخبار حلوة من أبوظبي !!!
الصراحة من كثر المشاريع الحلوة اللي بدت فمدينتي ما في داعي انكم تسافرون أي مكان ثاني في العالم ههه
حبيت اليوم أخبركم عن أخبار بعض المشاريع العملاقة اللي بتفتح ان شاء الله في الثلاث سنوات القادمة
ومن أهم وأكبر المتاحف اللي راح تفتح
المتحفين العالميين الغنيين عن التعريف..
اللوفر أبوظبي وجوجنهايم أبوظبي.
اللوفر أبوظبي
اظن كل أخواني اللي زارو باريس مروا على هالمتحف وتعرفون مدى روعته، والكم الهائل من القطع الأثرية النادرة اللي يحتويها.
مع نهاية 2015 تقدرون تستانسون بزيارة هالمتحف عندنا هني فأبوظبي فجزيرة السعديات
https://artravelers.com/p/re/903981،">
https://artravelers.com/p/re/903981، كمتحف عالمي بس لأول مرة فالوطن العربي .
صراحة يوم قريت عن هالمتحف وشفت http://louvreabudhabi.ae/ar/about/Pages/a-universal-museum.aspxانبهرت بالعمران والضخامة والكم الهائل من القطع الثراثية والتاريخية اللي بيضمها هالمتحف.
فهو مشروع هائل بتكلفة مقدارها 83 مليون يورو، تم تصميمه من قبل المهندس المعماري الفرنسي جون نوفيل الشهير. ويكون إن شاء الله أول خطوة لمتاحف أخرى عالمية يتم افتتاحها فأبوظبي .
ومن اللي قريته بعد ان المتحف بيكون بين الرمل والبحر في جزيرة السعديات
https://artravelers.com/p/re/903981،">
https://artravelers.com/p/re/903981، وتصميمه مستوحى من العمارة الإسلامية في المنطقة مثل الجوامع والمدارس وغيرها، والقبة اللي فيه قطرها يصل ل متر وفكرتها مستوحاه من سعف النخيل اللي يدخل قدر كافي من الضوء وبنفس الوقت يوفر ظل للزائرين خلال النهار، وفالليل تقدرون تستانسون بسماء أبوظبي والنجوم اللي تبين من السقف.
ومن داخل المتحف، استعان المصمم بالأساليب الإسلامية في استخدام المصابيح المتحركة للإنارة الداخلية وهي لعبة الاستخدام الذكي للضوء في الهندسة.
والصورة دليل على انه بيكون مشروع روعة ولا شرايكم ؟
المعروضات الحلوة اللي بيقدمها تقدرون تتعرفون عليها بالتفصيل من هني http://louvreabudhabi.ae/ar/collection/Pages/collections.aspx.
أو تشترون كتاب نشأة متحف من منارة السعديات، ومتحف اللوفر
اللي يعطيكم معلومات تفصيلية عن المتحف بشكل عام والمعروضات وتاريخ كل قطعة ومعلومات كثيرة بعد.
وإذا تحبون تتعرفون وين وصلوا في بناء هالمشروع الضخم والمعروضات اللي يحتويها تقدورون تقرأون عنه في موقع متحف اللوفر أبوظبي http://louvreabudhabi.ae/ar/building/Pages/development.aspx
جوجنهايم أبوظبي
جوجنهايم أبوظبي بعد من المتاحف الروعة اللي متوقع افتتاحها في جزيرة السعديات
https://artravelers.com/p/re/903981 في سنة ويكون من المباني العصرية اللي تجمع الفن المعاصر والحديث.
تم تصميمه من قبل المصصم المبدع فرانك جيري، اللي وصف هالتصميم بإنه "فوضى متعمدة، ومتحركة نحو الصفاء" لهالسبب تلاقون التصميم عصري وغريب لكن بنفس الوقت ملفت للعين ومبهر جدا.
شكل المتحف مستوحى من أبراج الرياح "البراجيل" المعروفة في المنطقة، اللي توفر التهوية والظل للساحات الخارجية للمتحف بطريقة تحاكي التراث والمعاصرة.
وبيضم المتحف ان شاء الله مجموعة من الأعمال الفنية، والمعارض، والمطبوعات المتخصصة، والبرامج التعليمية، والمحاضرات، وحلقات النقاش، والندوات، وحفلات الموسيقى، والعروض الراقصة والمسرحية، والسينمائية. ويكون محفز للمنح الدراسية في المجالات المتنوعة .
بمعنى انه صمم ليكون جامع لكل الفعاليات والمعارض الفنية المعاصرة
شو رأيكم بهالصورة؟ !
والمتحف يعتمد إعتماد كامل على الأشكال المخروطية والدمج بين الزجاج والأشكال الخشبية اللي تزين الجدران، واللي يدخل فيها الزائر من أحد المخاريط للساحة الرئيسية اللي تجمع كل الأقسام ببعضها، ويوفر هذا مساحة كبيرة جدا لعرض الأعمال الفنية، بالإضافة للمخاريط اللي تشكل بعد مساحات للعرض.
وهذا يجعل المساحة أكثر من ، متر مكعب للعرض. شي رهيب!
وتصميم العرض يكون على أربع مستويات تربطها جسور زجاجية. بهالطريقة تقدرون تشوفون كل المعروضات بطريقة سلسة .
تقدرون تتخيلون جمال ؟
إذا تحبون تتعرفون أكثر على هالمتحف الرائع تقدرون تزورون الصفحة هني http://www.saadiyat.ae/ar/cultural/guggenheim-abu-dhabi1.html.
وان شاء الله أخواني استمر بمشاركتكم بالفعاليات والمشاريع المستقبلية اللي بيتم افتتاحها بأبوظبي عشان تكونون اول اللي يعرف عنها
وان شاء الله يكون موضوعي عجبكم
والسلام عليكم ورحمة الله وبركاته
ان شاء الله لما يفتحوا اكون اول الزائرين
مشكور أخوي على هالموضوع المميز