1. بسم الله الرحمن الرحيم :.

بسم الله الرحمن الرحيم :.

اروي لكم قصتي العجيبه عند زيارتي التي دامت اسبوع للقاهرة . فقد كنت سهران في الاستراحه للساعه 3 فجرا كما هي عادات العاطليين امثالي فصاحبكم خريج جامعي ولكن المهنه هي ( عواطلي مع مرتبة الشرف ) وكان سهران معي اثنين من نفس المهنه . ذهبوا الشباب اللي معي لينخمدوا أي يناموا في رواية ولم يذكرولي اي شي وفي نفس اليوم ظهرا وفي التحديد الساعه 1 ظهرا دق وفي رواية رن جوالي الدمعه الذي لايزال وسوف يزال معي حتى اتوظف رن هاذا الجوال اللعين لأرد عليه واذا على الخط صديقي صاحب التمسيكات أي الخمات أي يطلع لك بطلعات قال اين انت قلت له بمكتبي بالوزارة قال تنكت قلت لا سروالي ضيق يعني وين انا بالبيت فاتح قناة العربية واتمتع بخسارتي بالاسهم . قال خل عنك الاسهم واطلعلي طلعت له وانا متيقن انه فيه طامه قال اسمع : قلت الله يستر قال نريد ان نذهب لمصر فتحت باب السياره ابي انزل قال خلك ديموقراطي وهي في علم السياسة عكس الدكتاتورية , خلنا نناقش الموضوع حسيت اني بديت اقتنع قبل لايوقول شي لأني انا اساسي مليت من الجلسة وابي اسافر سفره مرستكة اي محبوكه اي حلوة .
واذا به يلف رأسي لفا . قلت مع من ذكر اعضاء السفره واذا هم انا ( اواكس ) وهو ابو ذويل و صاحب ثالث داج اي عواطلي . فريتها الا طلعت طفران قلت مااقدر خلوها اخر الاسبوع اقل شي ادبر مبلغ واذا هم بفزعة العرب يقولون مانبي منك الا ملابسك شارين اخوتك ( صراحه استحيت ) قلت اجلوها شوي قالوا الحين نبي نمشي طبعا حنا قريبين من حدود الاردن بالجوف ونروح للعقبه ونركب لنش وفي رواية يخت لنويبع . ياشباب عدلوا بدلوا قالو ماشين تكفى لاتخرب السفره اذا مارحت محنا رايحين طبعا انا بغيت اشوف نفسي لكن قلت ياولد استح اي اختشي الشباب شارينك ايضا تكفى في ثقافة العرب تعني الكثير فتكفى تهز الرجال وعند اهل نجد الرجاجيل . هنا جزمت وعزمت وتجهزت للسفره , ولكن هنا كان لابد من امرين :.
1- توفير مبلغ من المال خلال نصف ساعه ( الشباب قالوا على حسابنا بس الواحد لايكون وجهه مغسول
بمرق ) لابد يساهم ولو بالقليل وانا كما ذكرت عاواطلي لا وخسران بالاسهم بعد ( وابوي صعب اطلب
لاني ماخذ منه مبلغ مو سهل وراح بالاسهم . بس بعت بخساره الله يلعن الفلوس اللي ماتعز صاحبها .
2- أخذ موافقة الوالد والوالده ( صعبه الواحد يسافر وهم مو راضين ولا لا )
الحلقة 1 في المسلسل المكسيكي
الحلقة القادمه انشالله راح اذكر لكم تفاصيل الرحله واهم السلبيات والايجابيات
وتجربتي القصيره في المده الطويله في الفائده واتمنى الكل يستفيد منها
والله ودي اختصرها بحلقه وحده بس ابي الحق الاستديو الحق الصور اللي
وديتهن يحمضهن .
وترى اللي بقى حلقه وحده بس . لكن انشالله تكون دسمه بالتفاصيل .
باي . اواكس