1. اسعد الله اوقاتكم بكل خير.

السلام عليكم

اسعد الله اوقاتكم بكل خير.

المشكله انه انا ودي اشارك بموضوع في المنتدى بس مشكلتي مافيه أسلوب لكن بعلمكم بسوالفي في مصر مع الشباب (اسلوب عجوز) .
حجزنا من المكتب على الاربعاء الساعه 3 ورحنا للمطار انا والربع ودخلنا المطار وختمنا والله يوم ركبنا الطياره وجلسنا وأدور الجواز مالقيته:112: عمى وين راح له هالجواز المهم قعدت أدوره والربع يدورون شوي والركاب كلهم يدورون معي شوي والمضيفين كلهم يدورون معي والله ويجي كابتن الطياره بكبره خ قال تراك أخرتنا وجزاهم الله خير أخروا الرحله عشاني نص ساعه اخر شئ قال لي الكابتن لو سمحت أنزل يوم بلعت ريقي حرام ماخذ اجازه واخر شئ انزل طيب وجوازي انا متأكد ياكبتن انه في الطياره قال انزل يعني انزل المهم قلت للشباب روحوا والله وتجي المراجل والله مانسافر الا انت معنا انت الدليله حقنا المهم نزلنا من الطياره وحنا ساكتين كل واحد مبرطم مايكلم الثاني وحنا في الصاله تلاقطنا انا والربع كلن يقول انت خربت علينا الرحله والثاني يقول اصلا انا ماهتويت الروحه (ايه هين ) على مين تلعبها .
قلت ياشباب والله يمكنها خيره لنا بس المهم الجواز رحنا للجوازات وقلت لهم عن السالفه وكتبو لي محضر ورجعنا قلت ياشباب بصراحه انا ماني راجع للبيت وش اقول لاهلي ضاع جوازي (والله الورع)
اخذنا شقه وقعدنا نفكر وش نسوي بصراحه مافيه حلول .
بكره اكمل لكم وش سوى ذيبان وطلع للقاهره مع ربعه