أويه محد يبي يساعد ....هع
مب مشكلة بحاول اللي اقدر عليه..ترا عندنا يابانية من الاهل..بس للاسف هي من منطقة ريفية..بس بحاول اخذ عنها اللي اقدر عليه..
ما توقعت محد يرد ...مشكورين..
كنت ناوية انزل عقب السفر صور وتقرير بس هونت عقب جي..

السلام عليكم..
سفرتنا على نص مايو ان شاء الله..يعني لازم نحجز هالشهر الفنادق..
صراحنا ضايعين ما ندري نحجز على اي فندق..على الرغم اني قريت معظم مواضيع اليابان وخاصة مواضيع QJQ
مليون مرة امر صوبها بس فلحنا بفندق واحد اللي هو الهيلتون اللي في منطقة شينجوكو..
بس انا بسبب ظروفي لان عندي بنوتة ياهلة بتكمل سنة على السفر ابا احجز على فندقين في طوكيو يعني راح نبات في منطقيتين.. الاولى شينجوكو والثانية الله اعلم ..
احنا حجزنا على طيران الامارات لليابان لمدة 10 ايام مع ترانزين لتايلند..
تقسيم السفرة كالتالي :
اسبوع في طوكيو. ( 4 ايام في شينجوكو و 3 ايام في ( ما ندري وين)
و3 ايام في اوساكا..
اخوي اذا انت فطوكيو مو لازم تجلس باكثر من فندق خصوصا انها 7 ايام فممكن تجلس فشنجكو والقطارات تاخذك فدقايق وين ماتبي
1-نبا تنصحونا بفندق حلو ومجربينه لمنطقة ثانية في طوكيو..تكون حيوية وسياحية..وقريبة من مطاعم اسلامية؟
بالنسبه انا جربة الهلتون وجربة KIO PLAZA وافضل الثاني بمراحل لاكن الهلتون لاتطوفه حزه الاكل عندهم اكل ماذقت مثله بالعالم طبعا اكل بحري فمو لازم يكون مطاعم اسلاميه ويستغلونك عشان المسمى الحمدلله كل ما اخرج من البحر حلال عليك بالاكلات البحريه خصوصا انها طازجه والذ بكثير من لحوم البقر والدجاج عندهم
2- ابا اماكن السبوبرماركت الاسلامي والبقالاات الاسلامية للحالات الطارئة اذا ما حصلنا اكل زين و لان عندي ياهلة وماقدر اشيل كل شي وياي مالها يعني بشيل اغراض شوي والباجي من اليابان باخذلها من اكل ومعلبات وسوالف يهال؟
اخوي مافي سوبرماركت اسلامي خش اي سوبر ماركت واشتر خبز واشتر جبن والحمدلله الدين يسر اذا ماستطعت تعرف المكونات وهل يدخل فيها دهن خنزير ولا لا امش عالعرف خبرت خبز بدهن خنزير ؟
4- رحلة طبيعية حلوة تستحق الزيارة ؟ انا شفت تقرير QJQ عن رحلة هاكوني وطوكيو بس عدد ساعات الرحلة وايد طويل تدرون عن نونو ماقدر اتحمل وياها كل هالساعات من اللف والحواطة..
من منطقة شنجكو تقدر تطلع لمنطقة جبل فوجي بساعه ونص وانت رايح اوساكا ممكن تزور المتاحف والحدائق العامه الي فيها وبرضو شنجكو فيها حديقتين وحده زرتها وسجلتها بتقريري والثانيه اكبر من الي زرتها بمراحل لاكن لم يسعفني الوقت
5- شو من الاماكن الكشخة والحلوة في طوكيو؟..انا هذا اللي دونته في مذكراتي:-
kiddyland
disneyland=disneysea
ghibli museum
sony building
toyota mega web
shibuya 109 mall
anpaman museum في يوكوهاما بس جريبة المدينة من طوكيو..
akihabara حق الالكترونيات
ما شاءالله الي دونته يحتاج ايام وحلو انك تحدد المهم وتزوره مثل دزني للعلم ترا يوم مايكفيها تقدر تطلع وترجع اليوم الثاني اذا تذكرتك لاكثر من يوم
6_ شو المولات الحلوة والكشخة في طوكيو ..والشوارع الحلوة خاصة كافيات وسوالف يلسة؟
شيبويا - جينزا - شنجكو كلها فيها مولات وكفيات حلوه وزي هالئسئله اخوي تقدر تسئل قسم المعلومات في الفندق الي بتسكن فيه لانهم اهل البلد واعرف ونصائحهم مفيده انا لو اعرف وين اروح لازم اسئلهم ممكن عندهم تخفيض للزوار مثل لما رحت الاكويريم وممكن عندهم معلومات عن الافلام الي تعرض بالسنما وشغلات مثل كذا
7_ محلات اطفال خصوصا حق الفساتين خاصة فساتين كيمونو ابا؟
منطقة هراجكو قريبه جدا من شنجكو بتحصل محل بزار يبيع كل الشغلات التقليديه واسعاره حلوه جدا اذا وصلت هناك بتعرف المحل من شكله تقليدي وممكن تسئل الانفورميشن تبع الفندق مثل ماذكرت بالنقطه السابقه
8_معبد حلو؟ ..مابا عود نمشي فيه وايد لان شالين ياهلة بتعبني على كثر المشي..
منت بحاجه اخوي تزور معابد انت فطوكيو فيه اماكن احلا وتستاهل اكثر من انك تدخل معبد لديانه غير الاسلام
9-حديقة حلوة ومعروفة؟
راجع النقطه تبع السؤال الرابع
0-شاطئ حلو ومعروف؟
انا مازرت شواطئ لاكن ممكن تسئل هناك موظفين الفندق وبيعطونك خرايط وكل شي تحتاجه عشان توصل
وبعد نبا الاماكن الحلوة في اوساكا؟ طبعا يونيفرسال استيديو في القائمة..
اوساكا اكويريم -المتحف الوطني للفنون - Nishinomaru Garden - http://travel.yahoo.com/p-travelguide-2763582-umeda_sky_building_osaka-i;_ylt=Anx18CBUugN85ZFo0X1qXl5LFWoL
مدري شقولك سويت بحث طلع لي فوق الخمسين مكان يستحق الزيارة الموضوع لك بالاخير وزي ماقلت اهم شي يونفيرسل ستديو
اسمحولي عاد لاني هذربت وايد..
^_^ ومشكورين ..
تحياتي لك

Tokyo_Lover
والله اختي هالموضوع راجع لك احنا حسب مانقدر بنساعد لو ماكتبتي لنا تقرير
رحلة موفقة

سوري على ردي الاخير...اسولف عشان احصل رد لول...
بالنسبة لنا بنحجز على الهيلتون في طوكيو ويمكن فندق جراسيري في جينزا وعلى السويس اوتيل في اوساكا..
وان شاء الله سفرتنا تكون مريحة ^_^
مشكور على المعلومات القيمة ..

الله يوفقكم ويحفظكم وين ماكنتم
تحياتي لكم

مشكور وايد اخوي على النصيحة وحجزنا على فندق كيو بلازا هوتيل ..^_^ لمدة اسبوع..
والفندق له وايد مميزات..
جريب من الستيشن وجريب من مطاعم عربية وهندية..
واوساكا على السويس اوتيل..
والله ولي التوفيق وان شاء الله نتوفق في سفرتنا..^_^

تبي نصيحتي غير وجهتك احسن اليابان بلد واحد يحب القيمز والمتاحف لاتملك مقومات السياحة

_معبد حلو؟ ..مابا عود نمشي فيه وايد لان شالين ياهلة بتعبني على كثر المشي..
اختي في اليابان التكاسي غاليه جداً
لذا استعمال القطارات هو الحل
واذا استعملتي القطارات راح تظطرين تمشين
والمشي مو بس من محطة القطار الى الأماكن السياحية .. المشي داخل محطة القطار نفسها ((محطات القطار ضخمة وفيها سلالم وادوار تحت الأرض)) والمصاعد مو متوفرة كثيراً في المحاطات يعني لازم تصعدين الدرج في بعض الأحيان
باختصار المشي شيء اساسي بالرحلة
بعد نبا الاماكن الحلوة في اوساكا؟
التسوق في namba
زيارة قصر اوساكا والحديقة اللي حوالينه
نصيحة اسكني في فندق swissotel فندق رائع ((عن تجربة)) وفي وسط namba منطقة التسوق
والفندق يقع فوق محطة القطار ! يعني ما تحتاجين تمشين للمحطة
وفي وايد اماكن سياحية مثل tokyo tower و , harajuku و معبد asakusa
المشي ضروري وكثير في الأسواق ومحطات القطار وبين الأماكن السياحية وانا كان معاي طفل مثل حالتكم وتعبت حيل الصراحة...

الحمدلله حجزنا على السويس اوتيل..ورتبنا امورنا ومشكور عالنصايح..
بس خوفتني من سالفة المشي..شكلنا بنهلك انا وريلي والمشكلة الياهلة ماتحب العربانة..الله يعينا..
سفرنا هالاسبوع..الله يسهل علينا هالسفرة..خايفة وايد..لانه انجليزيتهم مش ولا بد..
وبعدين هالاسبوع شو الجو عندهم؟؟ لاني ماخذة صيفي لبنتي؟؟؟ يعني كت وقصير؟ مناسب او لا؟؟؟