1. ثم الرجوع الى بانكوك 3 ايام في اماري وترجريت


2. فيكون المجموع 14 يوم

السلام وعليكم ورحمة الله وبركاته
تحية طيبه لهذا المنتدى المتميز ولاعضائه المميزين
ارجوكم ساعدوني .... تراني محتار ومتشتت وابغي اسافر وانا مرتاح البال
لما طرحنا فكره السفر لقضاء شهر العسل انا والمدام... كنا محتارين بين تايلند وبين ماليزيا والكل يقول لنا روحوا ماليزيا لاسباب كثيره اهمها:
الامن والمعامله والاكل والنظافه وتقدير المسلمين.
لكن بصراحه ومع اعجابي بماليزيا الا ان الناس طاحت فيها بزياده والكل يروحها وودي بمكان حلو ومو الكل يروحه وعبر تصفحي لهذا المنتدى اعجبتني تايلند كثير وخصوصا فوكت فقررنا نروح تايلند( وش رايكم )
طبعا السفر راح يكون في 7 سبتمبر
جدول الرحلة المخطط له
الدمام ابوظبي بانكوك 3 ايام والسكن في فندق الماجستك جراند
ثم الذهاب الى شنغماي 3 ايام والسكن في الشيراتون( وش رايكم بالرويال برنسس)
ثم فوكت 5ايام
يومين في الهوليدي ان ويومين بالكروان بلازا ويوم ب الرويال الميريديان

ثم الرجوع الى بانكوك 3 ايام في اماري وترجريت

فيكون المجموع 14 يوم

اذا في اي اقتراح من الاخوان من ناحية الجدول المخطط له او اي نصيحه خصوصا اني ماعرف شي بتايلند وهذي اول مره اروح وياريت تعطوني برنامج متكامل لهذي الرحله من برامج واماكن تستاهل اروحها خصوصا لانها لشهر العسلوا اريد اتفشل مع المدام...
وفيه بعض الاستفسارات
س1: هل الفنادق اللي اخترناها جيده من ناحيه النظافه والادب والهدوء والموقع
من ناحية الفيزا...
س2: شنو الافضل ... افيز الان او بالمطار يوم السفر؟ وماهي الاوراق المطلوبه وكم بياخذون على الفيزه؟
والصرف ....
س3: هل اخذ معي دولار او ريال؟
س4: كيف استخدام الفيزا هناك .... هل اغلب الاماكن يقبلون الفيزا؟
بالنسبه لطيران الاتحاد
س5: هل خدماته مناسبه ....؟
ونقطه مهمه جدا واتوقع انها الاهم
س6:
هل الانثى العربيه بلباسها المحتشم تلفت الانتباه
اي بمعنى اخر هل هم يحترمون حجاب المسلمين؟
س7: اسماء بعض المكاتب السياحيه في كل منطقه؟
ادري بغثكم معي بس شسوي انتو طيبين ومتاكد انكم ماراح تقصرون معي خصوصا واني جديد بينكم وياريت تعبرون واحد منكم اذا مب اخوكم
وياريت تفيدوني بسرعه لاني مابعد ااكد الحجز ومحتاج للوقت فلا تبخلو علي
ولكم مني جزيل الشكر.