وعليكم السلام ورحمة الله وبركاته ...
حيّاك ربي يا غالي ...
والحمد لله على السلامة
أشكر لك بجد تقريرك الخفيف وملاحظاتك القيّمة ...
وفعلا الغلاء موجود هذه السنة واللي قبلها ...
لكن ترى السبب الرئيسي في رأيي...
يعود إلى سعر صرف الريال المتدنّي أمام الرنقت ...
والثاني إلى إرتفاع وتقلّب أسعار البترول خلال الفترة الماضية ...
حلوة هذي
" وبالنسبه للرومانسية اللي يبي رومانسية
أكيد فيها رومانسية
يكفيك ريحة .......... ومناظر الفحم المختلط مع الرمال
وبعض القراطيس "
سويس قاردن زي ما تفضلّت جميل ..
وأكيد ولإنه جديد ... راح يكون بعض المطبات الصناعية ....
" شكلك مكوّش على السطح ... مآخذ راحتك فيه بقوة
"
أكون شاكر لك لو عطيتنا أي صور أو على الإقل إسم الفندق كامل بالإنجليزي في الكاميرون ...
يهمّني هالموضوع كثير .. وخصوصا فكرته الجميلة .. وأسعاره الحلوة ...
أجل سيلان
ترى وأنا أخوك ...
فكرت أزورها في شهر 5 الماضي ...
سويت لي بكج 4 - 5 نجوم فنادق ...
طلع المجموع مع التذاكر ... فوق 11 ألف ريال سعودي !
من غير التسوق والمصروفات اليومية !!!
بينما في ماليزيا وع الخطوط السيلانية ...
البكج لشخصين راح يكلّف علي في أواخر شهر 9 ، 10 ، 11 ...
أقل من 7000 ريال سعودي شامل االفنادق والطيران الدولي فقط ...
يعني ... عندنا وعندهم خير
موفق وربي يستر عليك وأشكر لك روحك المرحة وتقريرك الممتع ...
في أمان الله

أهم شيء إنك انبسطت مع القرود
.. الفلوس تروح وتجي
وفندق كاميرون هذا إش ورطك فيه ؟!!! من اللي نصحك به ؟!!

بالنسبة لفندق سويس غاردن صراحة سكنت في شقة غرفتين و شقة غرفة الفندق جميل و يستأهل المبلغ اللي اندفع فيه بالنسبة لغيره يعيبه عدم وجود غسالة في الشقة عكس البارك رويال ريسيدنس وجود غسالة و نشافة طبعا هالشي مهم جداً للي مثلي لعائلة 9 اشخاص .
بالنسبة للغلاء هالشي واضح جداً للكل مو بس إخوانا اهل ريال الحرمين الشريفين .
الله يجملنا بالطاعة.*

الستانس
واي واي
الله يستر
حجزت لقريبي فيه ، المفروض يوصل اليوم للفندق ذا بس متاخر
دقيت عليهم وقلت ترى الرجال متاخر، مدري كأني حسيت انهم طفشانين مدري قرفانين !!
بشرني: وش عيوبه

بالنسبة حق فندق هوليدي فيلا ...
الفندق لا بأس به ...
وليس بهذا السوء
أكيد ما نغفل تجربة أخونا الحبيب ..
ع العموم ...
هذا تقرير عنه ...
تفضلي إقرأي وخبرينا رأيك ...
https://artravelers.com/p/re/543226
موفقين

1. ولكن يكفي اني جربته عشان انقل التجربه >>>>>>يواسي نفسه


2. مرحب تراحيب المطر emanway.com

هلا بحبيبي ماجد الفهد
الصدق اني انصدمت من جزيرة القرود واللي قاهرني بعض العرسان متبطحين على هالشاطئ
كن بهم خبر احلى جو آخذ لي احلى قارب يفر فيني البحر فر ويوقفني بمكان مافيه إلا انا واهلي
وافلها احلى فله وانا في جزيرة القرود ابي احس بجو شي فله عجزت مافيه اي شي يوسع الصدر
قمت الاحق قرود وسرطانات وعاد هالحين من يقول انها جزيره!!!!! ابد عشان السيارات ما توصلها قالو جزيره
وفرو دراهمكم ووقتكم احسن لكم
الفندق اسمه يا طويل العمر The Bala's Holiday Chalet
ولاكن لا تتوقع منه الكثير هو اربع نجوم بس ما اقيمه بنجمتين
احلى مافيه طريقته والجو وفيه غرف جديده جايه زي المدرجات
تقدر تاخذها بس ترقالها بدرج ولو بغيت تروح لأقرب مطعم يبي لك
تمشي من 10 -15 دقيقه واحلى مافي هالفندق انه يرجعك من اي مكان في المدينه
ببلاش تدق عليه ويجي وبالنسبه للنامس حدث ولا حرج وجب معك بخاخاتك وعدتك وتفتك منه ان شاء الله
وبالنسبه للصور ودي اخدمك فيها ولكن ماعندي له شي حالياً
بشوف الكامرات ان لقيت شي ابشر به وان ما لقيت فالعذر والسموحه
بالنسبه لسيلان ان شاء الله فيه خطه بعد رمضان ان ظبطت معي رحت لها فيه
شركات تزبط لك بكج ارخص من اني احجز بنفسي من بوكنج وغيرها وتاخذ بحدود
0آلاف مع التنقلات والباقي عليك وكلها فيها فطور
اجل لو تدري كم صرفنا في ماليزيا 14 يوم ل4 اشخاص بإقتصاد معقول 32 الف ريال بدون التذاكر
شف كم دافع وحرمت نفسي ازور اماكن والخ.... لو اني في سريلانكا ولا اندنوسيا
بأصرف هالصرفيه اكيد لا
بهالقيمه اروح لدول اوربيه بغير حسبه التذاكر لو على الأقل يجيني منها اقول رحت لكذا ولا كذا
نورت الموضوع يا عسل
اهلا بأخوي المغادرون 2007 انت لك متعه خاصه كل صفحة تزورها تزودها حلا :)
إيه والله الفلوس تروح وتجي بس الوقت ان راح ما جا
بالنسبه للفندق توه جديد في بوكنق وقلت اجربه وترا للسعر دور في اختياره
لو اني داري بيكون بمستوى اقل زدت الفلوس وخذت باحسن منه بفرق بسيط

ولكن يكفي اني جربته عشان انقل التجربه >>>>>>يواسي نفسه

مرحب تراحيب المطر emanway.com

بالنسبة لفندق سويس غاردن صراحة سكنت في شقة غرفتين و شقة غرفة الفندق جميل و يستأهل المبلغ اللي اندفع فيه بالنسبة لغيره يعيبه عدم وجود غسالة في الشقة عكس البارك رويال ريسيدنس وجود غسالة و نشافة طبعا هالشي مهم جداً للي مثلي لعائلة 9 اشخاص .
بالنسبة للغلاء هالشي واضح جداً للكل مو بس إخوانا اهل ريال الحرمين الشريفين .
الله يجملنا بالطاعة.*
ذكرتي بشي في خاطري حنا يالسعوديين من بد غيرنا ننشر الهدوم على الشبابيك :)
طول الرحله كل ماشفت عماره القى فيها هدوم منشره على الشبابيك وعلطول اقول لأهلي هذولا من الجماعه ههه
ولكن لنا الحق غسلت يمكن من6-8 قطع في سويس قاردن ولخونا بذاك السعر 110 رقنت لو ادري اني بدفع
هالسعر شريت بدل جديده لأني شاريهن على 10
sallwa
لاتفهميني غلط الفندق حلو ومسابحة حلوه مرافقه حلوه ونظيف وكل شي زيثن يكفيك الجاكوزي اللي لاهوب حار ولا بارد :)
مدري وشوله منظر
بس مايرتقي في فخامته او صيانته او من هذا القبيل انه يكون 4 نجوم ونص
انا قاهرني هالنص قبل الأربعه
ولا كشاطئ ومرافق ولا احلى منه
انا اتكلم عن الخدمات
يعني عادي تقعد في الرسبشن وتصف طابور
ويسحبون عليك
ولا تبي احد يشيل شناطك
تلقى حمامات فيها تهريب
او مفتاحهم اللي كبر حذوه حصان
الناس هالحين بكروت وهذولا مفاتيح
ولا كراسي البلاستيك حاطينها عند البلكونه
اللي ياليتهم ماحطوها كل شوي اتعكرف فيها لونهم حاطين خشب على الأقل الواحد
يقول شكلها حو انا اقصد يا اختي ادفع فرق بسيط والقى افضل من الفندق بمراحل
الفندق هذا يذكرني بفنادق في عام 98 2000 بهذا الحدود
يعني انا دافع 2500 ريال لثلاث ايام لعرفتين ابغى مقابل مناسب لهذي القيمه
وهذا حق من حقوقي
ولا لو ادري انهي هي خدماته خذت 3 نجوم بدون تردد وبيكون بنفس المستوى
واكيد اقل زحمه يعني راحه اكثر
نسيت اضيف
اللي يبغى يروح لبيننق بالباخره تراها متعبه جدا
ولكن اركب قدام ولا تفكر تركب ورا زيي
وصلت لبيننق وراسي يفر فر لدرجه اني يوم رقيت للفندق مدري اي دور فندق نازا
احسب العماره تتأرجح يمن ويسار وقعدت على هالحاله ثلاث او اربع ايام
احرص تركب قدام مهوب لازم شباك اذا بغيت البحر ارق على سطح القارب وتفرج بيديك ورجليك
بس حط سدادات اذن
مادام اننا جبنا طاري نازا ورا الفندق فيه مجمع كشكات كله صينيين يبيعون اكلاتهم
رح وتفرج بس لا تفكر وتجرب تاكل منهم زيي (باب ما جاء في التوفير)
لأنهم يبيعون حلزونات ومدري وش اهم شي ان اكل البحر حلال ولا لاء يا اخوان
وعلى الطاري ترا هالمجمع ما فيه حلال ابد مافيه إلا كشكين هنود اقصى اليسار في الزاويه
يبيعون ستاي وهي اسياخ دجاج مشوي بالسكر مدري وش طريقته معه فول سوداني
المهم الستاي او الساتي انا احبه بس مالقيت من يظبطها عشان كذا باقولكم اكلهم بايخ
ولكن كلنا وشبعنا ولله الحمد بحدود 30 رقنت
واللي يبي ياكل بحري فيه كشكات نظيفين بس انا ما استسغت يطبخ حلزون على نفس الصاج يطبخ سمك وع
في بيننق لا تفكر تزور مزرعة البهار لأن كل اللي بتشوفه شجر نابت مافيه بهار ولا شي واذا جيت تطلع
قامو يبيعونك ويخربطون عليك الدعوه زرف بزرف
بالنسبه للسوق الصيني يا متسوقات
ترى كل المحلات يقولون درجه اولى وهم خراطين
تبي الدرجه الأولى مافيه إلا محل واحد في السوق الصيني
تجي مصنوعه في كوريا واسعارهم غاليه بس تستاهل شناطهم
قالو لنا ب110 وخذناها ب600 وشنطه ثانيه خذناها ب500
وماخلانا نتهور ونشتريها إلا لما جبنا الدرجه الأولى من المحلات
وقارناها معها ثم شرينا وحده وقارنتها مع الأصلي مافيه فرق
وبعدين خذت الشنط ورحت لواحد اشتري منه دايم واخبر عنده شنط على 600 صيني
وقلت له شف إذا جبت لي زي ذي انا اعطيك قيمتها قال هذي ماتلقاها في ماليزيا إلا في ذاك المحل
فأيقنت انها ممتازه
وبالنسبه للسعات ترا إلى ب400 تراه ب50 وبيقولك باعطيكيها براس مالها ب150 ولا هالكلام
قله ابيها بخمسين ولا خلها عندك وهذا وجهي ان ماناداك لأنهم يشترونها بالكيلو
وبالتوفيق للجميع

1. أول حاجة اقولك هية انه شاطيء القرود شاطي طويل و مقسم لعدة اقسام


2. كل قسم خاص بمكتب سياحي يعمل رحلة بحرية الى هاذا الشاطيء


3. ملاحظاتي :

الحمدلله على السلامة
معليش اخوي انا اخالفك في موضوع شاطيء القرود
انا حاليا في ماليزيا
و رحت شاطيء القرود مع زوجي و انبسطنا فوق ما تتخيل ( و ترى انا زوجي مش اي شي يعجبنا)

أول حاجة اقولك هية انه شاطيء القرود شاطي طويل و مقسم لعدة اقسام

كل قسم خاص بمكتب سياحي يعمل رحلة بحرية الى هاذا الشاطيء

نحن حجزنا رحلتنا البحرية لهاذا الشاطي مع مكتب اسمه ( السفر السعيد للرحلات البحرية ) و هو يحتل الجزء الأيسر من الشاطيء( و هو احلى شي)..عرفنا هاذا المكتب بالصدفة من احد التكاسي.. و اتفقنا معاهم ب 250 رينجت مع المواصلا من و الى الفندق مع الصيد و وجبة الغداء.. و تكون مدة الرحلة كلها 5 او 6 ساعات .. قالو لنا اوك
اخذتنا سيارتهم عالموعد و كانت سيارة فخمة و نضيفة جدا.. ثم ركبنا القارب و استمتعنا بالصيد جدا جدا و قعدنا نصيد ساعتين كاملة بناء على رغبتنا في الاستمرار .. و طلعنا انا وزوجي مع بعض 18 سمكة.. ثم اتجهنا لشاطيء القرود ..
فعلا هو شاطيء بسيط.. الصراحة بشكل عام نظيف.. لكن مش مية مية.. في الاخير الواحد عارف نفسه انه رايح لشاطيء مش منتزه او كوفي شوب... اول ما وصلنا قال لنا الرجال بعد 15 دقيقة الغداء .. قلنا اوك.. دخلنا انا و زوجي داخل الغابة .. لقينا طريق ممهد ( في اقصى اليسار من الشاطيء) و قعدنا نتمشى امكن ثلث ساعة و استمتعنا بالجو و الطبيعة..و رجعنا لقينا غدانا راح لغيرنا لاننا تأخرنا ههه.. قلنا له اوك ننتظر من جديد( اهم شي رحابة الصدر) و رحنا ركبنا دباب رباعي ( حق البر) و هاذا الدباب غير موجود في الاقسام الاخرى من شاطيء القرود اللي فيها مكاتب رحلات بحرية..عشان كدة انصصحكم بالمكتب اللي رحنا معاه.. و الحلو انهم ممهدين طرق يمشي فيها الدباب و ركبت انا و زوجي مرة هو يسوق و مرة انا اسوق و آآآآآآآآآخر و ناسة... مرة انبسطنا رغم انه الجو حار...و بعدها اتغدينا البحريات المشوية .. و بالاصح هي تعتبر وجبة خفيفة او سناك على قولهم.. كانت مدة الرحلة كلها تقريبا 5 ساعات.. 8 الصبح اخدنا من الفندق و الساعة وحدة الظهر رجعنا الى الفندق.. ناوين انا وزوجي نزورها ان شاء الله في السفرات القادمة... لانه بجد بجد انبسطنا فيها...

ملاحظاتي :

شفت كثير عرب كانوا في شاطيء القرود .... و عرفت السبب وراء ذم هاذي الرحلة و انها لم تعجب الكثير من الناس.. حسب ما قرأت في هاذا المنتدى قبل سفري .. تلاقي عائلة دافعة 250 او 300 رينجت و يجوا يتسمروا عالكراسي كل واحد مو طايق نفسه و لا طايق شي.. يا دوب يوصلوا و يبدأوا ينتظروا انتهاء شوي الغداء بكل مل و يتغدوا و يقولوا للسواق يلا رجعنا... طيب ليش كدة؟
يعني ينتظروا احد يشيلهم فوق ظهره و يقولهم تعالوا اتسلوا تعالوا انبسطوا!!
و هااذا كلامي مش على عائلة وحدة و لا اتنين امكن بلا مبالغة 7 أو 8 عوائل ما عدا عائلة وحدة ركبوا دباب البر و كانوا متقرفين من الاكل و ما اكلوا و مشيوا على طول... طيب يعني مثلا راح يتوقعوا بوفيه على شاطيء القرود؟؟؟
(( كل واحد لو يبغى ينبسط راح ينبسط... حتى لو في جزيرة الثيران ههه))
و الحمد لله على سلامتك.. و تتعوض المرة القادمة

ورد جدة
حلو كلامك ...
والأحلى طبعا ... مستر ... ثور أفندي
عسى ربي يخليه لأهله
أشكرك بجد على كلامك وسردك لتجربته القيّمة ...
وبارك الله فيكم جميعا

ترا الدعوة نفسيآت ,,
كل وآاحد و طريقة انبساطه و رحآبة صدره ..