أخوي صقر الفيافي
ج1- أنصحكم بشقق أستون مارينا أو شقق بوري كازبلانكا
ج2- هالرابط راح يفيدك بالاماكن السياحية بالعاصمة جاكرتا
أفضل الأماكن السياحية في جاكرتا+(خرائط متحركة) https://artravelers.com/p/re/373654
ج3- أنصحكم بمجمع فلل يانسن وهي تقع خلف مطعم كنتاكي
وبالنسبه للمزارات السياحية بالجبل بنشاك كثيرة ومنها :-
1- حديقة تشيبوداس
2- حديقة الزهور
3- تامان سفاري
4- بحيرة الليدو
5- مصنع الشاي
6- مسجد التعاون
7- بحيرة فينسيا داخل مجمع ( كوتا بونقا )
ج4- المبلغ اللي ذكرته ومجموعه 6000 ريال لعدد ثلاث أشخاص
ولمدة 8 ايام فعلية لن يكفيكم والمبلغ الكافي لكم راح يكون 8000 ريال
يعني قطة كل شخص من غير قيمة التذكرة الدولية للطيران راح تكون
0ريال ،،
وبالتوفيق أن شاء الله تعالى ...‏

أبن السعودية
ما شاء الله اجابات وافيه كعادتكم اخي ابن السعودية ..
و بعد اذنك حابه اضيف اضافه بسيطة ..
مطعم يقدم كبسة ممتازه :
مطعم الجزيره - مطعم الباشا ..
كلهم بشارع رادين صالح جاكرتا ..
بالنسبه ل اللغه ,, لا تشيل هم ابداً كثير يتكلمون عربي ..
بالنسبه للمواد الغذائية في اندونيسيا ,, و اللي يحبها العرب ,, قد تصل 3 اضعاف ..
ممكن تاخذونها معاكم من السعودية .. خاصة اذا بتسكنون في فيلا في الجبل ..
رحلة موفقه ان شاء الله ..
و اي استفسارات اخرى - يسعدنا الرد ..
.
.
.

ام عزيز7
أضافة مميزة كتميزك أختي أم عبدالعزيز ،،

أولا تروح وترجع بالسلامه
ثانيا
حتى أهل الأندومي ثقافتهم برتغاليه ومثل ما تبي يجون معاك لا تشيل هم
اللغه اللي لازم تكون عارفها ثقافة الإبتسامه ابتسم وكل أمورك تمشي
ثالثا
ابحر بالمنتدى تقريبا كل استفساراتك راح تلاقيها يالغلا
بالنسبه للمطاعم الجزيره مطعم نظيف ورائع وبجانبه مقهى لا يفوتك
الباشا عنده إسبا غيتي لا تنسى
حياة الليل بجاكرتا أقترح أن تسأل عنها شخص تعرفه سافر للأندومي
وجها لوجه لتسأل بحريتك ويجيبك بحريته
طبعا الأخوان والأخت أم عزيز بالأعلى جاوبوا ووفوا وكفوا
ميزانيتكم مثل ما قالت لك أم عزيز زودوها لل8000 ان شاء الله تكفي
بس حط في بالك هالميزانيه أكل ومصاريف من سكن ومواصلات وخلافه
أي شيء شخصي يتم وضع ميزانيه له مستقله ولا تنسون أخذ مبلغ إحتياط للطواريء
خياراتك للسكن متعدده ويوجد مواضيع بالمنتدى تنفرد بخياراتك السكنيه
تروحون وترجعون بالسلامه والقلب وياكم

إضافه بسيطه
بناء على ميزانيتكم أقترح للسكن
فندق أكاسيا بشارع رادان صالح في وصولكم لأندونيسيا
ميزة الفندق قريب من مطعم الجزيره ومطعم الباشا وقريب للأماكن اللي تبون تروحونها بالليل
عند المغادره
أنصحكم بالأستون مارينا
ميزتها قريبه من سوق مانقا دوا الرائع والرخيص لشراء الهدايا
ومن المنتزه المائي(الأنشول) وعالم فانتازيا
وأسعارها معقوله جدا بالنسبه لميزانيتكم بشرط أن يتم حجزها من مكاتب كاها المنتشره بكل مكان
أعطيك مثال
استأجرت من الفندق مباشرة بدون ما أحجز من مكتب كاها ثلاث غرف بمبلغ 2000000 اثنين مليون روبيه
عن طريق مكتب كاهانفس الشقه بمبلغ 750000 سبعمائة وخمسون الف روبيه(((لاحظ الفرق)))
مكاتب كاها يوجد بالمطار فرعين
ويوجد بمطعم الجزيره فرع وبكل شارع بجاكرتا بتلاقي
بالتوفيق

الباشا والجزيرة افضل مطاعم الكبسه في جاكرتا

ما شاء الله الاخوان كفو ووفوا والله يعطيهم العافيه
الاحظ انكم ما تبغوا تظيعوا ولا ساعه من وقتكم هناك والدليل ان اول يوم من وصولك تبون تستفيدون من الليل ولكن عندى شغله بسيطه ... حط فى بالك ترا مده سفركم بالطائره 9 ساعات تقريبا اذا ما كان فيها توقف وراح توصلون منهكين جدا ... وفى السالفه كبسه ... حلنى عاد ...
هدوا شوى انتم الحين ماخذتكم الحماسه ... انا اشوف انكم اول ماتوصلون وتحجزون الفندف تاخذون جوله سريعه حواليه وبعدها تروحوا تتعشوا وبعدها نوم .. عشان ثانى يوو تطلعوا الجبل وانتم مرتاحين كويس ...
ليل جاكرتا كئيب قياسا بنهارها ولا يوجود الا اسواق ومقاهى !!

يامسافر تكفى تاخذوني وربي اني خبره ههه اقسم بلله اجلس عاقل ههه يا مسافر أول ماتوصل لايوقفك غير الجبل هاذي اول مره لك اسمع هاذي نصائحي لك ال أساسيات هاذي لا زم تاخذها وراح تتذكرني بحكم انو اول مره تسافر زيي انا وخويي الي تعرفت عليه فطياره الله ير حم والديه كانت رحلت العمر كأن القدر جمعنى المهم لا اكثر عليك اول شي دوى اسهال 2 حبوب فيفى دول 3 كريم حساسيه 4 عندهم حشرات كأنها اول مره تشوف بشر , والمعلابات ضروري جبن ومربى والذي منه تخيل جبنت كرفت الصغيره ب 17$ريال 5 مضاد حيوي 6 خافض للحراره ههه رحلتي كانت 25يوم وخويي 30 يوم 20 يوم قضيناها الله يعزكم مابين اسهال ههه وطريشه ههه عيشتهم الله يعز النعمه ماتنوكل اللهم كنتاكي بس بعد ايش عرفنى كنتاكي ههه بعد مابيتنى فل فله ماطلعنى من الحمام للصاله اه يابطني وزني نقص 5 كيلو يعني مابقي غير الفنيله وبعدين لو بتموت لا تروح مستشفياتهم . والله يا ابن عمي لا رحت هناك تنهبل من الاجوأ لا كن والله طعم المأ راح تفقد لذته مو زي الي عندنى / والأمن معدوم لأحد يقول اني موسوس وربي طول الرحله فلجبل ماشفت عسكري غير واحد وبلغلط كمان والجبل فليل لا تطلع على رجولك ترى في وحش ههه مرور مافيه غير القرده تأشرلك فلخط يمين يسار من شان $ مساكين الله يغنيهم والفلل مسكونه ههه
والله العضيم انو انا وخويي فليل شردنى ههه ههه من الفله غير رجعنى السواق بغاى يصمخنى انا والدغف الي معاي يقولي شاف جني ويحلف مدري والله عنه الي خلاني اشرد الصرخه ههه أخوي مسافر الله يسهلك وأنشألله تفلونها ومايسيرلكم الي صار لي وترجعون بسلا مه شكله راح ورجع وانا اهلوس

تراي مغير الحساب لأني ضيعت الرقم السري حق النك الأول
ههه الذنب ذنب اللي مسوي صيانة المفروض يأخرونها شوي لانهم يدرون اني انسى بسرعة
مشكورين اخواني على هالتفاعل وعندي كمان شوية أسئلة عن مواعيد بعض الألعاب
بالنسبة للعبة الحرب اللي في جاكرتا متى يبدأون ومتى يقفلون ؟؟؟ واش هي طريقتها بالضبط؟؟
السفاري هل فيها مطاعم لانو سمعت انو يبغى لها يوم كامل لحالها ؟؟ ومو معقول نجلس يوم بدون اكل
هل ستكفينا اربعة أيام لزيارة الأماكن اللي ذكرها اخوي ابن السعودية ؟؟؟
وهل هناك اماكن قريبة من بعض يمكن نزورها في يوم واحد
لأني مااتوقع انو ممكن اروح البحيرة واجلس يوم كامل عندها
بعدين اخوي ابن السعودية ترى الرابط اللي حطيته ماصار يشتغل بعد الصيانة مع اني كنت معتمد عليه كثير والله
بتجيني ارقام ولما اضغط على الرقم بتطلع صفحة حمرا لتحميل الابتسامات
والله يعطيكم الف عافية اخواني واخواتي اللي شرفتوني وافدتوني بشكل كبير جدا
ولاتحرموني طلتكم واذا عندكم اماكن تعرفونها حلوة أو العاب او اي شي لاتحرموني منها