أهلآ أختي الكريمة ...
أسأل الله لكم التوفيق دومآ وأبدآ ..
وصولكم ( يوم الأربعاء ) ... أنصحكم بالذهاب مباشرة إلى ( جنتنغ ) وهي تبعد ساعة فقط ...
وتجلسون هناك ( الأربعاء والخميس ) وترجعون لكوالا يوم الجمعة ...
وفي أسبوع ( الدورة التدريبية ) تقتنصون يومين أو ثلاثة لزيارة بينانغ أو لنكاوي ... والمسافة بينهم كلهم 50 دقيقة طيران
وافي

عليكم السلام ورحمة الله وبركاته
بالنسبه لبينانق او لنكاوي يعتمد عليكم صعبه الواحد يحدد
إذا تبون التغيير وجزيره ريفيه وجميله وهادئه بعد المغرب مالكم إلا الفندق فلنكاوي افضل
اما لو تبون جزيره اكثر تطور من لنكاوي وفيها حركه ونشاطات بحريه
و سوق ليلي فبينانق انسب
وانا اشوف لنكاوي انسب عشان تغيرون شوي لأن بينانق قريبه نوعا ما من كوالالمبور
اقصد كعمائر و حركه و نشاط اما لنكاوي فمختلفه كليا فأشوف تجربون لنكاوي
وفندق ميليا موقعه حلو قريب جدا من التايم سكوير وقريب من شارع العرب موقع ممتاز
ومستواه حلو مو فخم بس نظيف ولو حبيتوا فنادق ممتازه فيه كثير بس يعتمد عليكم
عادي يكون بعيد شوي من فندق ميليا ففيه الويستن والماريوت
وفيه فندق جديد مو بعيد مره من فندق ميليا وهو فندق فيوراما فندق ممتاز
لو تاخذون غرفه كلوب الفندق جديد و فيه احد الأخوان جرب غرفه كلوب يمدحها كثيرا
موقعه مو قريب من شارع العرب بس ماهو بعيد من فندق ميليا ولا من التايم سكوير

مشكورين وافي وعزوز لو قررت اروح لنكاوي واناا ابوصل لكوالا انشالله الساعة 11 صباحا يوم الاربعاء وشلون احجز لنكاوي علطول يعني ولامسبق وبعدين وش رايكم بفندق رويال شولان وامبيانا معليش تحملوني شووي والجنتق شايلهاا من مخي لاني زرنهاا قبل كذاا

السلام عليكم
حلو وصولكم بدري الساعه 11 صباحا يعني ممكن تواصلون للنكاوي
صحيح إنه متعب ومرهق ولكن جدولكم يفرض عليكم هالشي
الأفضل تحجزون علي الساعه 2 الظهر لأنكم ماتظمنوا تأخر وصولكم
والأفضل تحجزوا من كوالالمبور إلي لنكاوي عن طريق الماليزيه لأنها تطير من نفس
المطار اللي بتصلون له إن شاء الله مايحتاج تروحون لمطار ثاني مثل آير آسيا ياخذ وقت
والأفضل تحجزون اللحين عن طريق النت لأنه ممكن تصلون هناك ماتحصلون رحلات
بس فيه خطوط ثانيه مثل آير آسيا والفاير فلاي بس متعبين عليكم شوي في مطارات ثانيه
ماهي بعيده بس الأفضل تطيرون من نفس المطار علي الماليزيه
بالنسبه لرويال شولان ممتاز و يستحق التجربه جديد وموقعه قريب من شارع العرب
ومن البافليون افضل مجمع ولكنه شوي بعيد من ميليا مشي حدود 15 دقيقه وبالتاكسي حدود 5 دقائق بدون زحمه
فندق أمبيانا موقعه قريب البرجين وهو فندق جيد وحلو وسعره ممتاز بس موقعه شوي
هادي لو تحبون قريب الأسواق والمطاعم والمراكز رويال شولان افضل وحتي ميليا افضل كموقع
مع ان موقع البرجين ممتاز وجميل و نظيف ولكن هدؤ شوي

بخصوص كوالا ارشح لكم السكن بنفس فندق الدوره
افضل واسهل لكم
والفندق ممتاز من حيث الموقع .. قريب جدا من مجمع تايمز سكوير اللي يستاهل الزياره اكثر من مره . والاطفال بينبسطون فيه ان شاء الله .
ملاحظه: الفندق مافي شطاف ..

كم تكلفة التذكره من كوالا الي لنكاوي علا الخطوط الماليزية

ودي الف العالم
هلا يالغالي ...
سعر التذكرة من كوالا إلى لنكاوي ( 180 رنقت ) للشخص الواحد علىالخطوط الماليزية ...
وعلى طيران air asia سعر التذكرة للشخص الواحد ( 120 رنقت ) ...
وافي