1. زبدة الموضوع اني افكر كيف تكون الرحله مرضيه لجميع الاطراف ؟؟


2. الشباب صراحه ما ادري وش طلباتهم بس اللي يعرف شي مناسب لهم يفيدني ..

السلام عليكم ورحمة الله وبركاته
كيفكم وكيف الصيف معاكم .. اولا : انا توني اشترك وما اشتركت اللا ابي مساعده .. مع انكم كفيتوا ووفيتوا ماشاء الله
حصلت معلومات كثيره من جهود الأعضا‍‍ء وتقاريرهم اللي تفتح النفس ..
انا سفرتي إن شا‍ء الله راح تكون عا‍ئليه بمعنى الكلمه فيها المتزوجين والشباب والمراهقين والصغار بنات وعيال
وعددنا تسعه ماشاء الله ..

زبدة الموضوع اني افكر كيف تكون الرحله مرضيه لجميع الاطراف ؟؟

بالنسبه ل‍أبوي : هو انسان عقاري ويبي يتفرج على التطورات العقاريه في البلد لكنه بعد يبي مكان استجمام وراحه من الشغل في ديرتنا يعني لو فيه اماكن استجمام سبا وغيره بس يكون مكان محترم يا ليت تفيدوني
بالنسبه لأمي واحنا يا البنات ما يحتاج عارفين كل الاسواق الموجوده من روحاتنا السابقه وايضا من تقاريركم بس سؤالنا عن الاسواق المتخصصه بفاستين السهره ؟ قريت في كم موضوع عن سوق اسمه البستان هل هو كويس وهل فيه غيره ؟؟ وطبعا نبي اسعار معقوله ..
والسؤال الثاني بالنسبه لنا يا الحريم هل السباحه في الشواطئ و مدن الالعاب الما‍ئيه بلبس المحجبات عادي لأن بنكون ان شاء الله في اتلانتس و اكيد رايحين لاكوافنتشر او الوايلد وادي وشواطئ الجميرا بصفه عامه !!

الشباب صراحه ما ادري وش طلباتهم بس اللي يعرف شي مناسب لهم يفيدني ..

والاطفال اكيد بنوديهم مدينة مدهش بس نبي اماكن تسليه ثانية غير اللي موجوده بالمولات انا سمعت عن مدينة الطفل هل هو مكان جديد وممتع الذهاب له ؟؟
وبالنسبه لي انا وهذا اهم طلب ( لول انانيه ) انا احب الفن والرسم والتصوير بليز اللي عنده اي خبر عن معارض فنيه موجده انا بكون في دبي اخر 10 ايام قبل رمضان ومره يهمني الموضوع اللي ما يعرف يعطيني رقم مختصين او يسأل خويه الي جنبه ..
وآسفه على الإطاله بس يا ليت تساعدوني بسرعه .. و راح اكون شاكره ومقدره وما جيت هنا اللي عارفه ان جهودكم جباره في هالمجال