Haboba
30-09-2022 - 01:04 pm
السلام عليكم
في البدايه احب اشكر جميع القائمين علي نجاح هذا المنتدي الرائع وبالاخص قسم السفر الي سويسرا
من صغري وانا احلم بالسفر الي سويسرا والحمد لله راح اروح عن قريب
تم الحجز تاريخ 16 جون 2010 لمده اسبوعين الدمام - الرياض- جنيف- الرياض - الدمام سعر التذكره 2300 ريال سعودي
واحنا ثلاثه اشخاص انا والماما والبابا (محسوبتكم دلوعه الماما والبابا)
وبعد القراءة المكثفه لتقارير الاخوه و الاخوات وخاصه الرائع ابوعزيز قررت الذهاب الي:
جنيف
lausanne
interlaken
lugano
حبيت اسالكم ايش رايكم باختياري ؟؟؟ وكيف ارتب رحلتي يعني بعد جنيف وين اروح اول؟
هل المناطق هذي حلوه الي الكبار في السن ؟...... آنا احب الوناسه والمغامره بس الوالد والوالدة الله يخليهم يحبو الهدوء
اخاف اظلمهم باختياري ( هم تاركيني انا اخطط الي الرحله. الله يخليهم يبوني اكون مبسوطه وبس )
احنا راح تكون تنقلاتنا بالقطار والباص هل تنصحون اشتري Swiss Saver Pass ؟ وكم راح تكلفني لمده اسبوعين؟ ومن وين اقدر اشتريها؟
وثانيا الله يوفقكم ...
المخخط مثل مانتي مرتبته بكلامكك
والسويس باس من اي محطة قطار
خوذيها من المحطه اللي في المطار