1. ميزانيتي للفنادق الليله 40 دينار

السلام عليكم
اشكر كل القائمين علي هذا المنتدي الرائع واللي خدمني بكل سفراتي
واشكر الاخوان اللي ساعدوني بسفراتي السابقه
والان اول مره
شرق اسيا
تايلند
اول مره اسافر لدول شرق اسيا واللي مخوفني هو ان مافيه لغه نعتمدها بالتفاهم مع الاغلبيه غير بالاشاره
لكن الحمدلله تيسرت امورنا
وقصينا تذاكرنا علي طيران القطريه وبسعر حلو جدا والحمدلله 125دينار كويتي لشخص الواحد
الاشخاص انا وزوجي فقط
الرحله راح تكون اخر الشهر هذا
الهدف من السفر
سياحه وفحص بالامريكي وتسوق كبير
الاماكن :
لازلنا مترددين فيها بس قلت لزوجي بنزل موضوع لاخوانا وخواتنا في المنتدي الغالي وواجهة كل مسافر عربي
منتدي العرب المسافرون
مثل ماقلت الاماكن ماحددنها لحد الان
المدة 12 يوم
الميزانيه من غير تذاكر وفنادق:
1500دينار كويتي يعني تقريبا 5400دولار
الاماكن وانتم رتبوا لها علي حسب الهدف للي قلته سياحه فحوصات وتسوق كبير
بانكوك بوكيت شنغماي
الطيران الداخلي زوجي من النوع الكسول واللي يمل بسرعه خاصه الانتظار يكرهه
ومو مقتنع بالطيران الداخلي ويقول نحجزه من الكويت ولا من هناك؟واذا من هناك متي نحجزه ؟ وهل فيه رحلات شغاله علي مدار اليوم؟ واذا نبي نريح اول ليله في بانكوك متي نحجز الطيران ؟
وبالنسبه لمطار بوكيت هل فيه رحلات دايركت لشنغماي ولا لازم نروح لبانكوك ومن بانكوك نروح لشنغماي؟؟؟؟
اذا لازم من مطار بانكوك لشنغماي الغوا رحلة شنغماي لان مثل ماقلت لكم زوجي مايحب المغامره والحركه الكثيره
اول ليله في بانكوك نبي فندق قريب من المطار ويكون نظيف جدا جدا جدا ياعني مانبي الغرفه والحمام اكرمكم الله تكون فيها ريحه

ميزانيتي للفنادق الليله 40 دينار

بالنسبه للمستشفي الامريكي شلون طريقته بحجز مواعيد له مواعيد ولا نروح له من صبح ونبلش فحوصات علي طول وكم يوم ونخلص من المستشفي علما ان الحمدلله مانشتكي من شي مجرد فحوصات ...وهل المستشفي الامريكي شغال كل ايام الاسبوع حتي لو صدف جمعه وسبت واحد ولا يعطلون
عندي اسئله كثيره ,,, وربي يجزاه خير اللي يجاوبنا ويمسك في يدنا بسفرنا هذا ويساعدنا ويسهل علينا السفره ويخلينا نستانس فيها وتعجبنا ونرجع لها مئات المرات
لان اللي يروح وهو دال وعارف كل شي مو نفس اللي رايح وهو خايف ورحلته كلها خوف من المجهول
ويتبع باقي الاسئله بعد ماتساعدوني بالاسئله السابقه ,,,,,اختبار مو موضوع