روان.
03-09-2022 - 10:24 pm
السلام عليكم
اولا ابي اشكر القائمين على المنتدى على جهودهم الرائعة
ثانيا عندي جم سؤال ياريت تساعدوني
سفرتنا تقريبا 12 يوم انا وزوجي
ومن خلال قرائتي للمنتدى حسيت ان بورصة ما تسوة نروحلها فقررت ان نسكن باستطنبول ونروحلها بالعبارة من الصبح الى الليل ..
اولا : شرايكم بفكرة عدم السكن في بورصة وتخصيص يوم واحد فقط نروحلها ونرد بليل بالعبارة ؟ جم سعر العبارة للشخص ؟
ثانيا :زوجي ما يبي يروح الا منطقتين فقط ، استطنبول اوكي بس احترت بالمنطقة الثانية هل ابانت او انطاليا ؟ بغيت اعرف ايهي احلي ؟ بالنسبة لابانت 4 ساعات بالسيارة اما انطاليا فما عندي فكرة شلون نروح لها وجم المسافة بينها وبين استنطنبول ؟
ثالثا : ناوية اسكن باسطنبول 10 ايام فهل الايام وايد ولا عادي مع العلم ان يوم مخصص حق بورصة ؟ ويومين حق ابانت او انطاليا ، ابي اعرف الفنادق الزينة هناك بالنسبة لانطاليا ما عندي فكرة
اما ابانت فقريت ان ابانت بلاس احسن شي وبالنسبة لاسطنبول The Marmara Pera Hotel ولا ريس بارك موجودين بتقسيم واهمة احسن واقرب شي هل هالكلام صحيح ؟
رابعا : فهمت منكم ان الباصات ارخص للتنقل ، وين نحصل الباصات والمترو ؟
خامسا : شارع الاستقلال بالتركي شنو اسمة ؟
وشكرا مقدما
شارع الإستقلال إسمه بالتركي إستكلال جادة نفس الإسم بالعربي ، بورصة حلوة تروحون بالعبارة من محطة يني كابي بإسطنبول وتصعدون على التلفريك حق جبل بورصة وتتغدون في المطاعم اللي فوق تشوون بنفسكم أفضل تغيير عن الروتين العادي . بورصة يبلها أكثر من يوم في أشياء كثيرة ممكن تسونها . أفضل أبانت منطقة باردة ويومين كثير عليها. التنقل بالمترو والقطار وسط إسطنبول أفضل وأرخص منتشرة محطة القطارات والمترو وفي واحد في بداية شارع تقسيم.