في بوكيت- تجنب الرحلات اللي على السبيد بوت(القارب السريع)اذا كانو عيالك صغار .

• كاسر محلات حجز الرحلات قد ما تقدر بلطافة الا الفانتازي لأن سعرها ثابت عند الجميع ولاحظ ان الرحلات مجانية للأطفال دون الخامسة.
• خذ للعيال ثياب صيفية وملابس تنفع للشواطئ والبرك مثل النعل الربل ،الفوط ، وغيرها.
• في الرحلات البحرية مثل جيمس بوند خل ام العيال تجهز شنطة حجمها متوسط وحطو فيها اللازم وخلها شنطة وحدة للجميع وليس كل فرد شنطة لأن الرحلات هذه تحتاج الخفة .
• في الرحلات اللي تستهلك يوم كامل خل ام العيال تحط بعض الخفايف لليهال مع العلم ان وجبة الغداء والمشروبات تكون ضمن المبلغ اللي دفعتوه لكن تعرف طحنة اليهال.
• لا تنسى البندول اخوي .

الله يسعدك

اولا : أحجز الطران الداخلي من بلدك بأضافة 3 ساعات من وصولك مطار بنكوك و الافضل الطيران التايلندي
ثانيا : فوكت فندق الميلينيوم و الهولدي ان
ثالثا : بنكوك فندق بايوك اسكاي و أماري واترجيت
و أخذ معاك الدولار الاميركي أفضل من العملات الاخري و ما يقارب العشرة الاف بات تايلندي لمصروفات الطريق
رحلة موفقة اتمناها لكم "

بوكت : هوليدي انن
بانكوك : بيوكي سكاي

بارك الله فيكم على هذي الافادات الممتازة
ولو تدلوني على اماكن السيرك والحيوانات واماكن التسوق
الجيدة اكون شاكر لكم جدا

تونا جايين من بوكيت وسكنا بمتجع بوروساري جدا روعة غرفة وفيها جاكوزي رايقة جدا وسعرها ممتاز 4700 لليلة
موقعة مقابل مباشرة لفندق الهوليد ان وجميع الاسواق والمطاعم العربية ما تحتاج الى تكاسي ولا تفوت مطعم القاهرة
وبالنسبة لحجز الرحلات انصحك تحجز عن طريق كشك اسمه بوم مجاور لمطعم الشرق اسعارها جدا ممتازه
ونصحية لرحلة بي بي ايلاند تتاكد من السفينة اللي بتحجز عليها اذا كانت كبيره والركاب يزيد عددهم 100 لا تروح عليها
لان الرحلة اللي طلعت عليها اكثر من 200 وكانت اسوأ رحلة طلعتها لان العدد كبير جدا *

خذ معك واقي الشمس حنا مع الواقي وقلبنا سمر فكيف بدونه
ولاتفوت رحلة الفنتاسي خياليه
واذا عندك طفل صغير يفضل ان تلبس الطفل اسواره او اي شي يدل على هويته
اسمه وارقام التليفونات احتياط
وفي الرحلات الطويله خذ معكم خفايف وفطاير لأن الرحله طويله واكلهم سيء ومو مضمون انه حلال
هذا الي اذكره للحين
وموفق ان شاءلله

السيرك _____ تقدر تاخذ اليهال للفانتزي فهو عرض مبهر للاطفال والكبار في بوكيت
وكذلك بامكانك حجز رحلات سفاري فهي رحلات حلوة للاطفال لأنهم راح يشوفون الحيوانات ويركبون الفيل(بوكيت)
وهناك سفاري بانكوك وهو ممتع جدا للاطفال بس ترى الدنيا حر يعني لبسهم صيفي خفيف هناك

الهوليد ان و بس
اخوك ابو شذى

مشكورين يا اخوان ماقصرتوا
على الافادة وآسف على الرد المتأخر
يا اخوان احتاج بديل لفندق الهوليدي ان بوكيت
لانه مافيه سويت
واكرر شكري للجميع