سلام
والله اخوي يا بختك ويا حظك انك بتروح مشهد ...
روعة مشهد والله ..بتستانس من قلب والجو فضيع الحين فضيع
وتقدر تروح كوه سنكي ... وشانديز ....وباغ وحش ...وآب بازي=نفس جنة دلمون حديقة مائية ...
وتبي مطعم في مشهد اكلاته روعة تقدر تروح
بسرايه كريم=اولاد كريم....
ونصيحة مني !!!
لا تسافر مع طيران داخلي ههه صراحتا خطر
مافي امان انك توصل بالسلامة !!
العام رفيجي سافر في طيارة داخلي من قم الى مشهد !!
وفي نص الدرب !!
اختربت مكينة الطيارة !!
اظن انك تروح مع قطار احسن !!
وجم ساعة بتاخذ لك صراحتا ما اعرف يمكن 6 ساعات او اقل !!
ما اعرف حقيقتا
بس نصيحة لا تسافر بالطيران الداخلي ....
نسبة انك توصل بالسلامة طهران ضئيلة جدا
وتروح وترجع بالسلامة

طهران ماجربت رحتها بس مشهد وناسة فيها مجمعات وحدائق وراء البازار من جهة اليمين واليسار اذا مشيت سيدا

تسلمون يالغالين ما قصرتوا عالردود واتمنى اللي عنده خلفية اكثر يجاوبني
انا رايح ايران مرتين واعرف مشهد بس انا سؤالي عن الطريق من مشهد الى طهران ابي طريق امن وانا مفكر اجي بالقطار بس ابي اعرف كم ياخذ وقت

السلام عليكم..
انا سافرت قبل سنتين من طهران الى مشهد بالقطاار وكان سريع اسمه غزال وحجزت كبينه كامله تكفي 4 اشخااص وفيها سريرين للنووم ومريحه جداا..
وكانت الرحله تقريباا 1500 كيلو قطعناهاا ب12 سااعه بس كاان بطيئ بسبب الثلج واي استفسار عن القطار انا حااضر

تسلم اخوي احمد الكويت بس بصراحة ماني عارف هل انت تنصح بالقطار او كيف؟
لانه طويل 12 ساعة بصراحة متعبة جدا وما ادري هل القطار آمن جدا ومريح؟

نعم يخذ مثل ماذكر الأخ 12 ساعة ومن ناحية الراحة فهو جداً مريح خصوصاً لما تحجز لك كابينة بيكون فيها أسرّة وماراح تحس بالتعب أبد ..
وموفق في الرحلة ولاتنسانا من الدعاء ..

وقت الطيرات من طهران لمشهد ساعة إلى ساعة وربع والتذكرة على حدود ال 50000 ألف تومان يعني 20 دينار بحريني
وقت القطار يختلف
الغزال وهو عبارة عن كراسي فقط من دون كبائن ( مثل الباص ) من 8 إلا 9 ساعات وسعره 35000 تومان يعني 14 دينار بحريني
الدرجة الأولى وهو عبارة عن كبائن ويأخذ 12 ساعه وسعر الكرسي 20000 تومان والكابينه إذا 6 أشخاص تضربها بالسعر وإذا 4 هم تضربها بالسعر و20000 تساوي 8 دينار تقريبا
هناك قطار يأخذ 18 ساعه مثل مدة الباص لكنه ما يسوى
الطائرة
هناك في إيران عدة شركات للطيران إذا حاب تروح إستفسر عن نوعية الطيران أولا وعن حجمها ثاني
القطار السريع الغزال يخرج صباح كل يوم الساعه 6
قطار الكابينة يخرج ليليا الساعه 6 مساءا و8 مساءا
القطارات مميزة الخدمة ومرتبة والنوم داخلها ولا أحلى
لكن الطائرة أسرع
فرق أكيد الطائرة ساعه والقطار 12 ساعه
إذا سفرتك سريعه إسبوع وأقل أنصح بالطائرة
وإذا طويلة 10 أيام وفوق خذ قطار
عدد الأشخاص له دور أيضا
الكابينه تحمل 4 أشخاص وسعرها عبارة عن تذكرة ونصف من الطائرة يعني تكلفة الطائرة ستكون أغلى في هذه الحالة
تقدر تاخذ من الكابينة مقعد واحد أو إثنين لك الخيار يا كلها يا عدد لكن بتكون مشارك ويا الغير يعني شوف من بيكون وياك إذا ما خذيتها كامل
أتمنى لك التوفيق