اهلين وسهلين اخوي
خذ بطاقه الراجحي فقط..وتقدر تصرف من المغرب..؟؟؟
والرز والفطورات مافيه مشكله حملها معك بشنطه ..؟؟
من ناحيه الجمارك ماعليك منهم وخليك واثق من نفسك وراح يطلب منك فلوس بس سوى نفسك ماتفهم..يبي يقولك نبغى هديه قل انت المفروض تعطيني طقه بالوجه ماعليك منه..؟؟؟؟
ولي طلب بس ياريت تجيب لنا صور من كآزآ
وخاصه شآطي عين الديب..
ورحله ممتعه بالتوفيق اخوي

سقها بس
رحلة موفقه....
من ناحيه النقود.... الافضل للشخص ان يكون معه نصف ميزانيته كاش او جزء من تكاليف رحلته... وما يعتمد على البطاقات ... ما تدري تفقد بطاقتك او تصادرها الماكينه... او تلغى موقتا من بنكك لامور امنيه ... احيانا تصير...
انا بالعاده احتفظ بالكاش واستخدم البطاقه.. وما استخدم الكاش الى للمده المتبقيه الي يغطيها الكاش...
الكاش بالبدايه يبقى ضمان...
من ناحيه الرز... وليه تغلب نفسك...سوبرماركت المرجان عندهم

اخوي النصائح هية كتالي :-
تكون ساكن في فندق امن من ناحية الشرطة
تكون في قلب العاصمة
الفلوس يستحسن تصرفها في بلادك
تاخذ معاك بطاقة فيزا كارت وتحط فيها مبلغ احطياط
لا تجلس مع ناس انت ما تعرفهم
والله يحفظك

حائلي
الف شكر على النصائح
وابشر بالصور ما طلبت شي ياغالي
تحياتي الحاره

sahran
يعطيك العافيه وما قصرت وفعلا كلامك منطفي وفي محله
انا راح اسوي هالحركه لأني احسها اضمن
تحياتي

العاشوري
يسلمو على النصائح الثمينه لكن بالنسبه للفندق
انا ما ارتاح فيه حجزت لي شقه عن طريق معارفي
مكان جيد وإنا راح اعطي رقم صاحبة الشقه لأي
أحد يريد شقه لكن بعد ما اجرب الشقه
وبالنسبه للفيزا كارت اعتقد بطاقة صراف الراجحي
تغنى عنها مثل ما قالوا الأخوان
اما اجلس مع ناس ما اعرفهم اكيد لا توصي حريص
انا حريص جدا من هالناحيه
تحياتي لك

1. فانتبة تعتمد على البطاقة أعتماد كلي .

مثل ما قال الأخ sahran لا تعتمد على بطاقة الصراف
لأنه حصل معي موقف في مصر ما راح انساه
كان معي بطاقة الأهلي ولما دخلتها في مكاينة الصرف ودخلت الرقم السري رفضت تعطيني خيارات السحب
وحاولت مرة ثانية فانسحبت البطاقة وراجعت البنك اليوم الثاني وأعطوني البطاقة ولا قدرت استخدمها مرة ثانية

فانتبة تعتمد على البطاقة أعتماد كلي .

وأفضل شي أنك تصرف من المغرب لأن سعر الصرف عندهم أحسن من سعر الصرف في السعودية بكثير وأول ما تصل المطار وتخلص من تختيم الجواز والشنط راح تحصل مكتب البنك الشعبي أصرف منه 1000 ريال والباقي من محلات الصرافة المنتشرة داخل المدينة
ثاني شي انتبه من النصابين اللي يقولون عندنا مسابقة وفيه أسئلة إذا جاوبت عليها نعطيك جائزة إقامة في فندق خمسة نجوم في أغادير أو مراكش
لأنهم في الحقيقة نصابين لأنك لو سايرتهم وجاوبت على الأسئلة راح يودونك النادي حقهم ويدفعونك أكثر من 2000 درهم وترى تحصلهم في كورنيش عين الذئاب بكثرة وحصلت معي شخصياً ولكن خارجت نفسي بدون ما أدفع ولا درهم لأن نفس الحركة حصلت لي في الأردن والتحديد في مكة مول وتهربت منهم ولكن في المغرب متطورين في النصب شوي حتى من ضمن نصبهم يسألون كم خسرت في سفرتك وكم باقي معك فلوس والأماكن السياحية اللي رحت لها والفنادق اللي سكنت فيها بعدين ما يختارون إلا بنات علشان يضبط النصب لأن ربعنا عندما يشوفون الجنس الناعم يفغر الواحد ويطلع ما في جيبه فانتبه منهم جداً وأول ما يحاولون يقولون عندنا مسابقة أعتذر منهم ولا تعطيهم أي مجال .
والحاجة الأهم والأهم والأهم
فلوس الشقة لا تعطيهم إلا قبل ما تطلع وإذا لزم الأمر فدفع لهم كل يوم بيومه
لأن البعض لم تعطيه الفلوس كاش يبدأ يطفشك ويطلع لك بحركات ما تتوقعها
وكذلك انتبه لجواز السفر وحاول يكون معك صورة منه
واتمنى لك سفراً سعيداً وعوداً حميداً

يعطيك العافيه وما قصرت

رجال الامن في المطارات ماعليك الا انك تكون رسمي ولا تضحك ولا تبتسم ولاتفتح مجال
لو كان معك اكثر من 200 سيقاره فهي تعتبر مخالفه (كرز دخان = 200 سيقاره) وبالتالي مالك الا تعطي التفتيش
بالنسبه للتفتيش كان معنا شنط كثير وفيها اغراض كثير وماحبيناه يحوس ويخرب تنسيق الشنط فعطيناه مبلغ علشان مايلمس اغراضنا
لكن لو ماهمك حوسة الشنطه ومامعك شي يخوف لاتعطيه وخله يفتش
خذ معك الكاش واصرفه في مطار كازا الى دراهم وريح بالك والسعر بمطار كازا افضل من صرافين السعوديه
لكن عند المغادره بيقولون لك اكبر مبلغ تطلع من المغرب فيه 2000 درهم فحاول ترجعهم سعودي او ماتعلمهم ان معك دراهم كثير
البطاقات استعملهم في صرافة بنك الوفاء لانه هو الافضل مع البطاقات الخارجيه