عليكم السلام ..
تروحون وترجعون بالسلامة عزيزي ..
في لبنان تقريبا وين ما تكون وراك وراك السهرات والاغاني والطقطقة ..
لكن في الجبل اقل من بيروت ..
عموما انا انصح بالجبل اذا كنت لا تريد السهرات والزحمه ..
وانصح بمنطقة اسمها حمّانا .. هادئة وجوها روعه .. وروقان ولا احلى ..
وفيه فندق اسمه قصر الوادي .. اعتقد سعر الليلة للغرفة 120 دولار مع الفطور ..
وبينها وبين بيروت ساعه تقريبا بالسيارة وطول المدة بسبب الزحمة وليس طول الطريق ..
وبينها وبين بحمدون وعاليه عشر دقائق الى ربع ساعه مشوار بالسيارة ..
اي استفسارات اخرى انا حاضر
وبالتوفيق عزيزي

جزاك الله خير
طيب وشلون عالمواصلات ؟؟؟ وين احصل ارقام سيارات بسايقها ؟؟
وتشكر

عندك جميع شركات السيارات الموجودة في موضوع مستقل
توفر السائق مع السياراة تقريبا اقل سيارة بحوالي 60 دولار مع السائق
وبالتوفيق لك

اعتذر للادراة
اخوي بندرينو وين موجود الموضوع المستقل؟؟؟ (خبرتي التكنولوجية موقوية)
اخوي انا ابي رقم السواقين اللي مع سيارة ايجار يومي
وبالنسبة لفندقك شلون احجزه

اذا وصلت المطار تفاهم معاهم .. وكاسرهم لين تكسر راسهم .. لو ما حصلت ارقام وعناوين يعني ..
لكن لا تستسلم كاسرهم ..
انا طالع مع الاهل من المطار الى الجبل منطقة او قرية حمانا .. ب 50 دولار .. ولما وصلنا هناك شفنا سعودين وكويتيين
سولفنا معهم وسألت بكم جيتو الى هنا .. الي يقول 100 و 120 .. وناس ب 80 .. على قد ما تتعب نفسك بتوفر فلووس ..
انا لما قلت لهم 50 بعضهم ما صدق وفكرني اكذب ..
الزبدة في الموضوع فاصلهم في الاسعاار قد ما تقدر

اخوي بندرينو ... وين صاير هالموضوع المستقل ؟؟ خبرتي بالمنتدى مو قوية
اخوي سومي .. ليش اخترت لي حمانا ؟؟ ممكن تفصل شوي

تفضل الرابط ولو بحثت كان وجدته
بعدين ياريت جميع الاعضاء قبل مايكتب اي استفسار يبحث عن الاجابة
https://artravelers.com/p/re/263618

بوعلي القرطبي
حياك اخوي .. انت مثل ما ذكرت انكم عائلة محافظة ولا تبحثون عن السهرات وما الى ذلك ..
وحمانا بلدة هادئة .. وتخلو تقريبا من السهرات والحفلات .. وجوها حلو هالوقت .. ابرد من بيروت ..
ايضا فهي مناسبة للاسترخاء والاستمتاع بالطبيعه والاجواء ..
وقريبة ايضا من بلداات الجبل الاخرى مثل بحمدون وعاليه وزحلة ونبع الصبا ونبع مرشد والكثير من الاماكن الطبيعية
والسياحية البعيده عن صخب بيروت .. وقريب منها بلدة اسمها فالوغا .. ودايما يكون فيها مهرجانات واسواق وفعاليات ..
وازيد على ذلك ندرة الخليجيين فيها مقارنة ببيروت وبحمدون وعاليه ..
اي استفسارات اخرى عزيزي انا حاضر وبالخدمه

السكن ببيروت افضل شيء مبدئيا بعدين لما تستقر اجر سياره ولا سياره بسواق وغير جو في المناطق المنطقه الي تعجبك اسكن فيه بس ابدا ماا ارجح عليا ولا بحمدون لان الخليجين فيها مثل الرز زز ..
وفعلا في مناطق جبليه حلوه جدا..
السياره لاتشيل هم كلمني على موضوعي((( خدمه مجانيه ))) وانا اساعدك بحكم اقامتي بلبنان..
واذا احتجت شي كلمني على موضوعي