هلا والله أخوي.
جنيف ..تخليها لليوم الاول..وزيارة البحيرة وجزيرة القوراب والحديقة الانجليزية ..والتمشي في المنطقة القديمة.
.
اليوم الثاني لزيارة لوزان ومونترو
وبإمكانك زيارة مصنع الشوكولاتة نستله من مدينة مونترو.
((بإمكانك الوصول الى مونترو عن طريق الباخرة))
اليوم الثالث لزيارة أنسي الفرنسي...وتلفريك دو ساليف..وخوانق جورجس دو فير.
لمزيد من الاستزادة ..الرجاء مراجعة هذا الرابط
https://artravelers.com/p/re/51030 ----
بالنسبة للسيارة ..فيها متعة وخصوصية ..لكن ايامك قليلة في جنيف.
وباريس ابدا ما تحتاج سيارة.
والموضوع راجع لك اخوي.

ما عندي شي ازيده على كلام ميدو من ناحية مخطط واقتراحات
بالنسبة لباريس ،، هذا موضوع قد يخدمك ببعض البيانات والاماكن السياحية بباريس
ويوجد خرائط توضح لك المعالم السياحية كاملة
https://artravelers.com/p/re/506232
انصحك تستاجر سيارة في سويسرا لانها هي المتعة الحقيقية فيها
باريس يغطيها المترو والباصات ولا تفكر تسوق فيها سيارة ابدا

الاخوان ميدو & لورد
يعطيكم العافيه والف شكر على الاهتمام ،،،،،،
اعجبني مخططك اخي ميدو وانشالله راح امشي عليه
بس عندي كم استفسار بخصوص المصروفات هل يكون معي كاش وكم او استخدم الفيزا وبطاقات الصراف العاديه تمشي هناك
وبالنسبه اخي اللورد للسياره اذا استئجرت هل سهل استخدامها يعني نظامهم كيف ادل المواقع

الله يعافيك وييسرلك رحلتك..
>> ممكن انبرش..
كمصروف لكم جميعا ..تقريبا 250 فرنك سويسري في اليوم...ممكن تزيد وممكن تنقص.
و200 يورو تقريبا في فرنسا.
يعني 700 فرنك سويسري + 1000 يورو...لطول الرحلة ..مجرد اقتراح .
ولازم يكون معاك كاش ..بالاضافة الى بطاقة الفيزا المحفورة الارقام والاحرف وعشان ايجار السيارة طبعا.
وايضا الرخصة الدولية >> هذه انا عارف ما راح يأيدها أخوي اللورد ههه لأنه ما عمره طلبوها اياه من هيرتز...لكن سيكست يطلبوها.
وبطاقة الصراف برضو تمشي باذن الله ..اهم شي يكون جهاز الصراف عليه علامة من علامات بطاقة الصراف اللي عندك.
نجي للنقطة المهمة:
وحدة من ثنيتن ..يا تاخذ السيارة ومعاها نظام الملاحة ..وراح يكون سعرها غالي شوي.
او تاخذ جهاز الملاحة القارمن من هنا معاك..وتكون مخزن عليه كل الاحداثيات للاماكن اللي بتروحها.
الملف اللي في المرفقات راح يساعدك كثير.
وما دام راح تاخذ سيارة ...ارشح لك السككن في ديفون الفرنسية .
على فكرة ..استئجار السيارة من المطار في القسم الفرنسي أرخص بكثير من الجانب السويسري..وما تحتاجه سوى استكر الخطوط السويسرية تشتريه ب 40 فرنك من اي مكتب للبريد في المطار او يمكن شراءه عند النقطة الحدودية.
هذه مواضيع لعضو مميز في البوابة ..مميز جدا جدا جدا https://artravelers.com/p/re/662292
واي استفسار اخر او شيء غير واضح ..نحن حاضرين أخوي..ما يردك الا كيبوردك.
وبالتوفيق

الله يجزاك خير الجزاء اخي ميدو
واسأل الله ان يتقبل منك صيامك وقيامك ويجعلك من عتقائه من النار
استفدت من نصايحك كثير ،، وقدامي اسبوع ع السفر واكيد اني احتاج بعض الاستفسارات اذا طرت علي
واولها كيف الجو بالوقت هذا

زي الطائف ..مافي فرق ..>> ههه..أمزح.
الجو روعة ..وهطول المطر يزيد الجو حلاوة ..ولابد من اخذ احتياط سويترات او جكيتات خفيفة اذا برد الجو شويتين ..او كانت رحلة لكم في احدى القمم.
وبالنسبة للاستفسارات ..مدري وش اقولك والله...انما هو ...لا تخلي شي في نفسك أبدا ..حتى وانت هناك ممكن تسأل والشباب ما راح يقصرون معك.
ورحلة سعيدة أخوي.

ماتقصر اخ ميدو ..
وبالنسبه للسياره كنسلت الموضوع ..عشان كذا حاب اعرف منك كيف حركة تنقالتي بالضبط على حسب المخطط اللي اعطيتني
يعني مثلا اول يوم كيف اروح للنافوره والبحيره والحديقه وجزيره القوارب (والجزيره هل هي بعيده )
ثاني يوم راح اروح لمونترو بالباخره من وين احجز بعدين كيف اروح لمصنع الكاكاو بعدين لوزان الله يعافيك ابي تفاصيل اكثر بالنسبه للحجوزات ووسائل النقل
والاوقات اللي تناسب المكان ..

يعني مثلا اول يوم كيف اروح للنافوره والبحيره والحديقه وجزيره القوارب (والجزيره هل هي بعيده )
هذه كلها جنب بعض..تطربقها كلها في نص يوم .
اني يوم راح اروح لمونترو بالباخره من وين احجز
تحجز من شركة اسمها CGN
اضغط على الرابط
https://artravelers.com
كيف اروح لمصنع الكاكاو بعدين لوزان الله يعافيك ابي تفاصيل اكثر بالنسبه للحجوزات ووسائل النقل
تحجز تذكرة قطار من مونترو الى قرية بروك Broc Fabriqueومن المحطة الى المصنع بالباص.
وممكن تحجزها كلها مرة وحدة من شباك التذاكر.
واذا عندك السويس باس ما تحتاج حجز.
مواعيد المصنع من 10 صباحا الى الساعة 18:00
وقيمة التذكرة 10 يورو والصغار مجانا.
هذا الموقع مفيد
http://www.aboaziz.net/blog/?p=22
ولوزان بعدها بالقطار من مونترو--
وبالتوفيق

الله يعطيك العافيه .. بس بالنسبه لرحلة اليوم الثالث ماقلت لي كيف اروح لها
يعني اخذ باص عمومي من جنيف الى تلفريك دوساليف وبعدين اذا خلصت هل احصل باص يوديني الى انسي وبعدين خوانق ؟؟
وبالنسبة لتذكره الباخره ابي احجزها من هناك وين موقع الحجز ؟
والسموحه منك تعبتك معاي .