همس الصمت
الراي يختلف من شخص لأخر ...
بنسبه لي ما أفضل السفر في شهر رمضان وأيام العيد لأي دولة في العالم وهذا رأي الأغلبية أكيد
و حلاة الصوم والعيد بين الأهل والأحبه

وش رأيكم؟؟ انت جرب شيء جديد وأن كنت لا أنصحك ..!
أحد جرب رمضان هناك؟؟ أنا جربت 10 أيام من رمضان وكنت أتحسر وأندم على كل دقيقة أضعتها في أندونيسيا .. يكفيك ان الأجواء ليست إيمانية !! بل ولا فرق بين الشهور لدى كثير منهم ..!!
وخصوصاً جاكرتا والجبل؟؟ الجبل ممكن أفضل لانه بارد وممتع للتفكر في أيات الله وقرائة القران .
كيف الإفطار هناك؟؟ وصلاة التراويح؟؟
الأفطار لازم تحجز طاولة -خصوصاً المطاعم اللي عليها الكلام والوجبات السريعة- تحجز قبل الفطور بساعة وأكثر وعساك تلاقي مكان !!
أو تسوي فطور في بيتك وهذا أفضل !!
بالنسبة لصلاة التراويح تمتلئ المساجد بالمصلين حتى تخرج عن جو الخشوع وتنشغل بالمزاحمة هذه غالب المساجد الكبرى !!
وش أحضر معي من السعودية؟؟
أحضر التمر التمر التمر ... ثم باقي العزبة لطبخ الكبسة وغيرها مما تحب ؟!
وهل أبو نواس وأميره تفتح إلى السحور هناك؟؟ الغالب يفتحون الى الساعة الواحدة مساء ولا أحد يفتح الى السحور غلا المطاعم العالمية التي تفتح من أصلها 24 ساعة ..!!
وش أفضل المساجد لصلاة التراويح؟؟
أفضل المساجد لصلاة التراويح بجاكرتا .. مسجد الأستقلال وهو كبير جداً جداً تكاد لا تصدق فخامته وجماله ..
وفي الجبل أي جامع وخصوصاً مسجد التعاون ..
وهل الأسواق والشوارع تسكر بالليل زي باقي الأيام؟
باقي النظام الحكومي والتجاري لا يفرق بين رمضان وغيره !!
أم أنها تزيد من و قتها إلى نصف الليل مثلنا؟؟
فجميع الأسواق تغلق الساعة التاسعة مساء !!
بعدين أيام العيد وش رأيكم ون نقضيها في الجبل أو زحمة؟؟؟
في الجبل ولكن الله يعينك على غلاء الفلل وخصوصاً أن أغلب الأندونيسيين يتواجدون بالجبل !!
وجاكرتا غالباً فاضية أيام العيد .. ويوجد مهرجانات جميلة وخصوصاً في موناس وأنشول ..
هذا ما هو رأيي الشخصي تجاه سؤالك..

يا ويلي عليك يا مستشارنا السياجي
شكراً من الأعماق
فعلاً لقد قطعت جهينه قول كل خطيب
ما خليت شئ بارك الله فيك
وأبروح إن شاء الله وأعمل بنصايحك الطيبه
يعني أبحجز طاولة قبل بساعة من الأذان إن شاء الله
وأبصلي في الإسقلال يمكن ألقى الشيخ /
عبد المولى الأركاني إلي يحسبونه الناس محمد عبده يصلي هناك .........
بس عندي استفسار بسيط طال عمرك ولا يهونون باقي الإخوان :
التمر !! التمر !! التمر !!
كيف آخذه معي
يعني ما فيه مشكلة بالمطار والتفتيش هناك؟؟؟
ما يتقعد لي الجمرك هناك
وتطيح عيونهم عليه؟؟؟
أخاف ياخذونه؟؟
المشكلة ودي أجيب كمية كبيرة فيه ناس وأصدقاء كثير موصين عليه
وودي أرضي الجميع
تعرف تمر من أرض الحرمين له مكانه في قلوبهم
خصوصاً لو كان معه ماء زمزم
فمدري وش الطريقة المناسبه لحمل أكبر كمية من التمور إلى هناك...؟؟؟

الله يكون ابعونك ويساعدك
بالتوفيق

مازلت يا شباب أنتظر المزيد
من خبراتكم و آرائكم !!!!!!!!!!
السفر قرّب.... وما بقي إلاّ أيام إن شاء الله ونكون هناك....
وينكم يا أهل الفزعات
ذكروني بما أحتاجه في مثل هذا الوقت

اتمنى لك رحله سعيده
علما ان جاكرتا لاتصلح فى رمضان وحتى فى الايام الاولى للعيد فمعظم المطاعم العربيه مغلقه حتى اليوم الرابع من شوال ولى تجربه وماعملنا حساب للعزبه فكانت معاناه

حقيقه سافرت قبل سنتين في رمضان والأسواق تقفل زي الأيام العاديه وكذلك المطاعم
لذا الجبل أفضل
تحياتي