الظاهر يا جماعة مافى احد يعلق الجرس ؟؟؟
وينكم ؟؟؟؟؟؟؟؟؟؟؟؟؟

نصيحتي لك تتمشى في المنتدى وفي هالقسم بالذات وسجل اسماء الاماكن كلها مشتاقه لك
اقصد سجل الاماكن اللي تعجبك وادخل من موضوع الى موضوع ترى اكثر المواضيع كامله مكمله وراح تروح لندن كانك رايحها من قبل

ان شاء الله ساعه وراجعلك
وراح اقولك بكل شي

مرحبا اخووي
مادري من وين ابتدي لان موضوعك غريب
اول شي هي اسمها المملكة المتحدة
وثاني شي انا مستغرب دام لغتك ضعيفه وماتعرف حد وماسافرت ولا مره بحياتك اشلون يات على بالك لندن بذات
الحين الي ابي اسالك هو هل حجزت فندق ولا لا وكم ميزانيتك علشان انعرف لان لندن نار
ولندن فيها اماكن وايد وحلووة بس الصراحه الجنة من دون ناس ماتنداس يعني لو بتروح بروحك وماتعرف حد هناك راح تزهق واتملل لاني ياني هشعور من قبل افضل اتشيك على اي حد اتعرفه علشان تستانسون مع بعظ او تغير الوجه اذا امكن وموضوع التذكره اتخيله سهل انك ترجعها واتقولهم غيرت الوجه
واذا انت ملزم بقولك
لندن فيها
حديقة الهايد بارك و شارع اوكسفورد و البكدلي وهم من اهم الشوارع في لندن
وبنسبه لسوق والماركات عندك شارع اسلون استريت و اسلون اسكوير
وعندك طبعا هرودز و هارفي نكلز وسلفرج وهو في اوكسوفر استريت وهم اسماء لمجمعات على التصميم القديم ومن اشهر الاسواق في العالم
وعندك طبعا لندن اي او عيون لندن وهي عبارة عن دولاب كبير تقدر اتشوف من خلاله لندن كلها
وعندك البق بن وهي اشهر معالم لندن
وعند متحف الشمع (مدام توسو)
وعندك المتحف البريطاني وعندك متحف اللوحات الدولي
وعندك شارع العرب وهو اسمه اجوان روود وكل محلات عربيه ومقاهي ومطاعم وشيش ويبعد 3 دقايق مشي من شارع اوكسفورد
وعندك الحي الصيني او الشاينا تاون
هاي نبضه عن بعظ الاماكن هناك وطبعا شيك على القسم بتحصل مواضيع اكثر عنهم مع الصور
وانا اتمنى لك كل خير بس راجع نفسك وحساباتك قبل لا اتسافر واحسب احساب كل شي هناك علشان ماتتوهق و افضل اتروح وانت اتعرف حد هناك ولا تعتمد على التعارف على الناس لان بتضل العلاقة محدوده
وفي لندن عرب وايد من كل الدول واكيد سعودين وخليجين
وهي بارده وايد احسب احسابك على لبس ثقيل ومضله بعد للمطر
وبنسبه للمطار هو ماهو معقد وايد يعني عادي بس حاول تتعلم بعظ الكلمات قبل لا اتروح وتقرا اكثر عنها
علشان تستانس
واذا عندك اي سؤال انا موجود وعلى فكره انا مسافر هناك يوم الاثنين عندي دراسة وراح اكون موجود شهر ديسمبر واذ في استفسار بحاول اساعدك انا او اعضاء المنتدى او المشرفين عليه محد راح يقصر
واذا انت ملزم على السفر المنتدى مفتوح تقدر اتشيك على دول ثانيه حلوو وبتونسك واقل تعقيدا وكلافه
واذا تبي رايي بقولك مصر او لبنان او ماليزيا لانهم اقل كلافه من لندن واسهل تعاملان وبدون فيزا
وطبعا بيدك القرار
تحياتي لك

حبيبي اولا اسمها المملكة المتحدة
ثانيا : بالنسبة للغلة لاتشيل هم
ثالثا: لو تاخذلك لفة على التقارير المصورة وساحة لندن سوف تجد مرادك
وتحياتي لك

لاتثق بأحد وخاصة العرب مع احترامي الشديد
واقول لك نصيحه وحده
اسأل
اسأل
اسأل
وابحث في النت

ياشباب
اتمنى من الله ثم من عنده خبره يفيدني
انا باروح ان شاء الله ل Eastborn بعد 5/1/2009م اشلون فترة الشتاء هناك لأن اشوف معظم المواضيع تتكلم عن الصيف وفيه معهدين محتار بينهم ابي مميزات وعيوب كل معهد:
1) معهد St Giles
2) معهد GEOS-LTS

عفوا
المعهد الثاني اسمة (GEOS-LTC) ما هو ب (GEOS-LTS)

مشكوررين شباب واخص بالشكر الاخ انثر لك عطر
وفى الحقيقة انا حاجز السكن اوكيه وفى واحد بيروح معى لكنه ميح فى اللغة وهو زي اول مرة يساافر !!
والسفرة جات تحشيشة يعني كذه لندن وفى الشتا !!!
وانا والله دورت فى الاقسام وشفت الشباب بعد ماقصروا ويعطيكم العافية على الاماكن الحلووة وانشالله راح نزورها
واستسفاري عن اللغة شكلكم متفقين ان مافيه مشكلة؟
يعنى ممكن اى واحد لو يطقطق شوى يمشى حاله ؟
ولا لازم نلتحق بكورس مكثف؟؟
واشكركم كلكم
الاخ انثر لك عطر
لو صار ماصار اقدر اخذ رقمك اخوى ولا فى مشكلة؟