eoon
13-12-2022 - 10:08 pm
السلام عليكم جميعا أعضاء كرام
هذي مشاركتي الأولى معكم واتمنى تكون خفيفة عليكم بما تحمل من طلبات
انا مسافر السبت ان شاءالله إلى دبي مع العائلة الكريمة (زوجتي وطفلين) وابي افادتكم المعهودة على النالي:
1. ابغى استأجر سيارة اتوماتيك بسعر مناسب مع امكانية توفير كرسي طفل (رضيع عمره شهرين بس!!)
2. اعتقد يلزمني عربية أطفال (خصوصا للطفل عمره شهرين بس) في تنقلاتي للسهولة وافكر اشتريها من دبي اذا وصلت. من وين ممكن اشتريها.
3. توصياتكم لأماكن يجب زيارتها وماتتفوت سواءا مطاعم او اسواق او اماكن أخرى
4. اي نصائح وتوصيات أخرى لاعدمناكم
اعذروني على طلباتي الكثيرة بس انا خبرتي زيرو في دبي
أشكر تجاوبكم مقدما
أخوكم
عيون
حاليا اسعار تأجير السيارات ارتفعت
الكورولا وصلت 120 درهم تقريبا
بعد ماكانت 90 درهم
عالعموم في مكاتب كثيرة في المطار .. واغلبهم نفس الاسعار
وبالنسبة لكرسي الأطفال .. اتوقع شهرين يعني مايقدر يقعد .. فماله داعي للكرسي
بس اذا انت مصمم .. بعض الشركات العالمية (مثل بدجت وهيرتز ويوروب كار) ممكن يوفرونلك كرسي بس له ايجار يومي
شوف مواقعهم في الانترنت .. وخذ ارقام مكاتب في مطار دبي واتصل فيهم وتفاهم معاهم .. احيانا اذا اتصلت فيهم مباشرة يعطونك اسعار افضل من الانترنت
2. اعتقد يلزمني عربية أطفال (خصوصا للطفل عمره شهرين بس) في تنقلاتي للسهولة وافكر اشتريها من دبي اذا وصلت. من وين ممكن اشتريها.
في اغلب المولات بتلاقي محلات لمستلزمات الأطفال .. اشهرهم baby shopبتلاقيه في مول الإمارات (هذا اللي متأكد منه)
3. توصياتكم لأماكن يجب زيارتها وماتتفوت سواءا مطاعم او اسواق او اماكن أخرى
4. اي نصائح وتوصيات أخرى لاعدمناكم
خذلك لفة على المنتدى وبتلاقي وايد اقتراحات واماكن
والله يوفقك