- والعودة راح تكون الساعه 9 بالليل
- المخطط / الين الحين مافي شي واضح لكن تقريبا كالتالي :
السلام عليكم ورحمة الله وبركاته
تحياتي للجميع
اول شي باركولي زواجي ان شاء الله بعد ثلاثة اسابيع
فتخيل كيف راح تكون مشغول ومحيوس من كثر ما انت جالس تأثث وترتب الحجوزات وتعزم وتجهز للسفر وتشتري سيارة
وتشتري ملابس وحجوزات الصاله والمطعم والذبايح ..... الخ
لالالالا واخرتها تنسى مفتاح غرفة الفندق فسيارة اخوك ههه
الله يستر بس
ماعلينا خلونا في المهم
تراني نخيتكم تجاوبون على اسئلتي وتساعدوني في هالسفره وعقبال عند العزابيه
بصراحه من كثر ما لفيت في هالمنتدى ( ماشاء الله تبارك الله ) ومن كثر المعلومات الي فيه بديت اضيع وماني عارف كيف اضبط جدولي
انا مسافر على تركيا ان شاء الله يوم 22 مايو والعوده راح تكون يوم 29 مايو
الهدف / شهر عسل مصغر بسبب ضروف العمل
شركة الطيران / الخطوط التركيه قصيت التذاكر بسعر 4000 ريال تقريبا لشخصين الوصول الى تركيا الساعه 8 بالليل
والعودة راح تكون الساعه 9 بالليل
المخطط / الين الحين مافي شي واضح لكن تقريبا كالتالي :
تم الحجز في فندق
https://www.booking.com/hotel/tr/the-home-suites-spa-istanbul.en-us.html?aid=1300939 الايام 22 - 23 - 24
ثم السفر عن طرق الخطوط التركيه ايضا الى مدينة TRABZON وقد تم الحجز في فندق http://www.novotel.com/gb/home/index.shtml
الايام 25 - 26 - 27 - 28 - 29
العودة من مدينة TRABZON بالطائره الى ISTANBUL والعودة في نفس اليوم الى السعودية
الأسئله /
1: ماهي افضل الاماكن للزياره في اسطنبول مع اني ساكن في Old City Sultanahmet وبالقرب من الاماكن السياحيه المشهور , لكن كيف سيكون الترتيب ولمن الافضليه ؟
2: هل ازور بورصه لمدة يوم واحد مثلا يوم 24 بحكم اني راح اوصل يوم 22 متأخر والجوله السياحيه باسطنبول يوم 23
وماهي افضل طريقه للوصول اليها وماهي الوجهات المفضله للزياره في بورصه ؟
3: بالنسبة لمدينة TRABZON ماهي افضل الطرق لزيارة الاماكن المشهوره والجميله ؟ وكذلك الاماكن القريبه الممكن زيارتها بالسياره مثل اوزنجول وغيرها ؟
4: وجدت في موقع http://www..com/ امكانية استئجار سياره واستلامها في مطار TRABZON , هل هناك فائدة من استئجار السياره او انضم الرحلات عن طريق الفندق , مع اني لم اسال الفندق بعد !؟ وماهي امكانية الحصول على سياره مزودة بنظام GPS لأن الموقع لم يوضح ذلك ؟
5: ماهي المستلزمات التي سأحتاج اليها في تركيا بالاضافه الى اللاب توب والكمرا والملابس ؟
6: ماهي المطاعم والمقاهي التي ينصح بزيارتها في جميع المدن المذكوره ؟
7: رحلتي من TRABZON راح توصل الساعه 12 الظهر تقريبا ورحلة العودة الساعه 9 بالليل ماهي افضل طريقه لاستغلات الوقت المتبقي بحكم انه مازال لدي تقريبا 5 - 6 ساعات ؟
8: الرحله هدفها الاستجمام وكذلك فهي شهر عسل يعني راح تكون الجولات وقت النهار فقط لعدة اسباب منها وحسب ما سمعت من بعض الاخوان ان الخروج ليلا غير محبذ بسبب قلة الامان في بعض الاماكن !!؟
للمعلوميه : حجز الفنادق تم بصفه شخصيه وعن طريق الموقع الرسمي للفنادق وبالاتصال بهم وذلك بحكم التعليقات المذكوره عنها في BOOKING.COM و HOTELS.COM .
الاهتمامات : لايوجد اهتمامات محدده ولكن زياره بلد جديد والتعرف على ثقافته بالاضافه الى الاستمتاع بالمناظر الطبيعيه.
الوعود : ان شاء الله سيتم رفع تقرير مفصل بالصور عن هالسفره والايجابيات والسلبيات .
تحياتي لكم جميعا
الله يتمم لك على خير ويرزقك الذرية الصالحة ..
..
ماشاء الله مرتب جدولك بطريقة جميلة .
بالنسبة لاسطنبول المنتدى مليان برامج وأماكن نزهات ورحلات وجولات بحرية تقدر تختار منها الي تبغاه .
وبالنسبة لطرابزون .. افضل شي تستأجر سيارة بنفسك وتستمتع بسياقتها وسط الخضرة وجداول الماء .. والشمال التركي خريطته سهله .. والأفضل ماتغامر بالصعود لأماكن مرتفعه جدا اذا كانت السيارة المستأجرة صغيرة خصوصا وانتم عائلة . واعتقد ان القارمن لايعمل في منطقة اوزنجول والمناطق القريبة منها .
بالنسبة لمستلزمات الرحلة .. لاتنسى البوصلة لمعرفة اتجاه القبلة .. وبعض الكتيبات الدعوية , وسجادة الصلاة والمصحف , وبعض الأدوية ( حبوب دوار البحر , بنادول , ادوية المعدة والغثيان ) لأن المعدة تتعب من الأكل هناك احياناً بسبب المطاعم المختلفة .. نظارة شمسية , قاموس تركي بالجوال أو كتيب فيه كلمات تركية مترجمة لأنهم لايتكلمون العربية ولا الانجليزية .. وبصراحة الأمور التي يحتاج لها السائح كثيرة والمواضيع التي تخص هذا كثيرة ايضا في المنتديات .. الأفضل أن تقوم بالاطلاع عليها .
وأتمنى أن يجيبك الخبراء على اسئلتك بالتفصيل .