ان شاء الله خبراء الجزر يفيدونك اخوي

هلا بك اخوي فهد
الميزانية ممتازة
وممكن اقترح عليك تقسيم مدة الاقامة بين منتجعين
في الشرق
Le Touessrok Resort
bellmare
Beau Rivage
في الغرب
Sugar Beach
The Oberoi
Dinarobin
البرنامج سهل امره باذن الله بمجرد حجز الفنادق ارسله لك
وممكن تعمل حجوزاتك من الن من اي مكتب سياحي او من الامارات للعطلات
بالتوفيق

الله يوفقكم
أنا سكنت بالهيلتون بالغرب وبلمار بالشرق وصراحه كلهم ممتازين ولو أننا حسينا بأمان أكثر بالهيلتون وتعاملهم كان أرقى وغرفهم أكمل.
الحقيقه مثل ماقال أبو عزيز جزاه الله ألف خير كل فندق له جوه الخاص.
ميزانيتك ممتازه ولو أنك ماراح تحتاجها كلها لمروسش بس يمكن للتسوق بدبي تحتاجها.
نصيحه خاصه لاتطلع من الفندق لأني ماشفت الأماكن اللي بالجزيره تسوى العنوه (مصاريف مالها داعي). شوارعهم ضيقه وسواقتهم ولفاتهم سريعه تجيب لك وجع راس وتتحسف على طلعتك.
خل تعاملك كله مع الفندق ولا تتعامل مع الناس اللي برا خصوصا بالرحلات المنظمه لأنهم أضمن لحجوزاتك لو ألغيت الرحله بسبب الأحوال الجويه اللي تتغير بسرعه.
كل الفنادق الخمس نجوم عندهم عروض بحريه مجانيه ممتازه للعائله أسئل عنها.

kazoze
الله يعطيك العافيه على مرورك

aboaziz
هلا بك والله يابو عزيز
الحمد الله تم الحجز على موريشيوس .. الوصول ان شاء الله في 23 يوليو والمغادره الى دبي في 3 اغسطس
ياليت تعطيني برنامج سياحي حلو بحكم خبرتك خلال مدة الاقامه .. معليش بنتعبك معنا .. والله لايهينك

amr salem
الله يعطيك العافيه اخوي على مرورك
انا حجزت في فندق الانتر مدة 5 ايام وفي فندق موفنبيك مدة 5 ايام
وبالنسبة للطلعات انا ماراح اطلع الا ببرنامج سياحي مسبق . واحد من الاصدقاء نصحني بالتعامل مع شخص
اسمه (مختار) يقول انه هو المنسق السياحي وتعامله اكثر من ممتاز

الله يوفقكم.
كاسرهم بلأسعار تراهم يلينون بسرعه ويوم عرفت حالتهم دريت أن بدال الواحد ألف بس كنت متأخر وتحسفت يوم دريت أن التاكسي يوم كامل ب 40 يورو وكنت أدفع 70 يورو.
الغواصه أكبر نصبه لأنها تكلف 3750 روبيه (458 ريال) للشخص الواحد غير تكلفة التاكسي 45 يورو (230 ريال) وماتشوف أكثر من اللي بحوض الأسماك العادي اللي يباع بلأسواق. نصيحه خذ عدة غطس خفيفه (Snorkeling Equipment) من الفندق وأستعملها على شاطئ الفندق راح تشوف العجب العجاب من حيوانات البحر وببلاش.
مأدري وش الفرق بالقيمه لكن لو أروح مره ثانيه ماراح أخذ فندق بفطور وعشاء لأننا أضطرينا ناكل بوقتهم وحنا بعض الأحيان مالنا نفس وودنا ناكل بوقت متأخر. الصراحه الأكل بمزاجك له طعم خاص بها الجزيره لأن جوها يعطي لكل وجبه طعمها في أماكن مختلفه.