السلام عليكم ورحمة الله وبركاته ..
اخواني أخواتي .. انا مسافرة إن شاء الله على نهاية نوفمبر أنا وزوجي للصين وتحديدا كوانزو ..
منها نتسوق ومنها سياحة ..
انا جمعت معلومات .. وأكثر شي من هذا المنتدى الرائع .. وعلى فكره! في معظم سفراتنا منتدى العرب المسافرون هو مرجعنا الأول .. فجزاكم الله خير وما قصرتوا ..
فمثل ما قلت لكم أنا جمعت معلومات .. بس مب عارفه كيف أرتب الرحلة ..
هذي أول مره يكلفني فيها زوجي بترتيب جدول الرحلة .....> فأبغي أطلع بجدول يبيض الوجه
مدة الرحلة من 28-11 إلى 5-12 يعني تقريبا اسبوع ..
الحين بخبركم شو الأماكن اللي فبالي .. وإذا عندكم أماكن ثانيه أحلى وأنسب لا تبخلون علي ..
أول شي أنا ابغي السوق .. وبالأخص انا سايره ادور فساتين سهرة .. عندي مشروع فساتين ..و الصراحه يمدحونها ويمدحون سعرها .. بس إلى الآن ما اعرف بالظبط شو أسم السوق أو مكانه !!
وقريت عن (مركز الجملة اللي في السرداب ) بس ما اعرف يبيع فساتين ؟؟!!
وماخذه فكره بشكل عام عن الشحن ..
ثانيا : أنا قريت عن عدة أماكن سياحية .. وعجبتني منهم :- النهر اللؤلؤي
- yuexiu park
- xiangjiang safari park
وفي مطعم اسمه (مطعم الدار ).... ما اعرف مطاعم ثانيه زينه !!!
ثالثاً : عن الفندق .. احنا حجزنا في فندق (شانغريلا) .. شخصيا مجربينه في أكثر من دولة وواايد ارتحنا له
بس ما اعرف وين مكانه بالظبط .. يعني هل هو قريب ولا بعيد من السوق والأماكن السياحية
هل لديهم مناطق فيها طبيعه حلوة .. غير الحدائق اللي ذكرتها .. او تلفريك مثلاً؟؟!!
وهل لديكم اقتراحات حق طلعات للي فخاطرهم يعيدون ذكريات شهر العسل + معاهم طفل صغير
والحين طلبي ورجاء منكم يا كراام .. اقتراحاتكم الحلوة .. لجدول رحله مميز .. لأن وقتنا قصيرهناك وما نبغي نظيع منه ولا دقيقه عالفاضي .. فالواحد يرتب اموره من قبل عشان ما يندم ويخسر وقت وجهد وفلوس عالفاضي
أرجوكم ثم أرجوكم اللي عنده أفكار حلوه لا يبخل علي فيها ..
بانتظار ردكم ورأيكم
وجزاكم الله الف خير
وتقدرو تنزلو وترجعو في نفس اليوم
وأي معلومات انا حاضر