و ينكم يا النشامي
نقول شويت شعر نتسلى ريثما نحصل الرودد
و لي وطن آليت آلا أبيعه و ألا أرى غيري له الدهر مالكا
عمرت به صرح الشباب منعما بصحبة قوم أصبحو في ظلالكا

1 -ماعدك مشكله خذ بطاقة الراجحي او اي بنك كله واحد انا بالنسبه لي كنت استعمل سامبا وكله واحد
2-المعهد خلك ذهين واتفق معه من هنا ولاتدفع له ولا ريال إذا وصلت عطهم على اسبوعين اسبوعين
عشان اذا ماجازلك المعهد يمديك تسحب عليه بس للمعلوميه قبل ما تسحب بإسبوعين لا زم تعطي العائله والمدرسه خبر لأنه من شروط العقد عندهم
3- ادامك قريت مقررات الثانوي كامله بتكون في (انترميديت او بري انتر ميديت ) والله اعلم لسانك بيمسك بعد اسبوعين وتختلف من واحد لثاني
4- راسلهم عن طريق الإيميل وبيجيك الرد على الإيميل واتفق معهم على كل شيء وحول لهم فلوس حق اسبوعين دراسه واسبوعين عند العائله
5-ما عندي خلفيه لكن اللي اعرفه كورس الجامعات لازم تحظر لإختبار Iles وتجيب فيه فوق النسبه اللي تطلبه منك جامعتهم
6- سؤال مكرر والعلم عند الله اسبوعين او اقل
7- هاملتون مش بطاله بس فيها عرب كثيير ميزت هاملتون انه قريبه من اوكلند ومن روتوروا وتابو
يعني كل جمعه وسبت وأحد دز عن طريق الباص بسعر تقريبا 40 دولار ذهاب وعوده
8-حبيبي العائله بحسب خبرتي انه من كل 10 طلاب 2 منهم بس يوفقون ويصير عندهم عائله مهيئه لطالب
أنا جربت عدة عوائل وما انصحك وأنت واختيارك لانه نا درا ما راح تشوفهم لأنك راح تكون اغلب الوقت طالع يا في المدرسه يا مع الشباب عرب أو اجانب حتى لو قلت انا بجلس عندهم وبقرقر صدقني ما راح تستفيد زي لو انك تكلم خويك أجنبي من المدرسه نصيحتي في أول اسبوعين خلك في العائله وعطهم نوت انك يمكن تطلع ثمن دور على سكن لحالك او مشترك اللي تبي المهم انه ارخص احسن اريح
كما هي العاده احب اذكر انك رايح تتعلم لغه لا تنسى هذا الشيء كثير من الشباب إذا راحو قالو اول اسبوع ما هي مشكله نمشي مع سعودين ثم شوي شوي إلا انك في آخر اسبوع

• انتبه من السكان العرب اللي هناك انا لن اظلمهم وأقول فيهم انهم يمكن يخدعونك لكن اقول لا تغلب عليك العاطفه وخلك حذر
• راح تلاقي عراقين كثيرين هناك وطبعا مثلهم مثل عيال بلدنا مو كلهم طيبين
• لا تطلع لحالك في انصاص الليالي حتى الشوارع الكبيره اذا ودك رح مع واحد يعني اطلعو ثنين
• دائما تذكر إذا قابلك سكران وسألك انت من البلد الفلاني جاوبه وقله انا من بلد غير اللي راح يقوله لك

مثلا قالك انت سعودي قله انا هندي

• لا تنسى الصلاة الصلاة
• دعواتك لي بالتوفيق وترجع بالسلامه

اخوي الدراسة بالسعودية قبل كل شي عشان ما تضيع وقت وتستفيد بشكل أسرع
ثانيا اذا تبي ترطن مثلهم يبيلك سنين ..... حنا الي نتعلمه يمشينا ونقدر نتناقش .. بس مرحه أننا نسمع كلام او نشوف فلم ونفهمه كله زي لغتنا يبيلك سنين هذي لغة مهب لعب

شكريا مستر قوجو و شكريا مستر شكثر أعاني
لكن سيد قوجو عندما ابدا امسك ورقة و قلم و ابد أكتب ممكن اكتب قدر ما ابغي ممكن اسوي جمل لك الاحساس اللي بدي اياه انطلاق اللسان و استعمال المفردات اللي في راسي و اعتقد انه لازم من الممارس
ولا و شرايك .........
تحياتي

أخواني هل 7 أسابيع كافية بالفعل و نكنسليها ولاني موظف و لا أقدر آخذ أكثر من كذا بعد كذا ممكن أطور نفسي في البيت هل هذه الأسابيع بتجعلني أمسك الخط السريع و لا زي عدمها
و مشكورين

اخوي خلك في الكلام الجد اللغة يبغلها وقت مو شهر وشهرين

أخي المدينة بارك الله فيك و الله اني من جدي و لكن يا أخي هذي شدة الاستعجال و انك صادق الشغلة يبغالها صبر وجد و الله يعين الجميع
و شاكر لمرورك الكريم

أبو فادي
عزيزي الكريم
لا أعتقد أن 7 أسابيع كافية لإتقان اللغة ... والتحدث ... ولا 7 أشهر ..
لكن 7 أسابيع تؤسس قاعدة الاستماع والتحدث جيدا ... وتكسر حواجز كثيرة بينك وبين التحدث وفهم المطلوب من المتحدث .
ولا بد من هذه القاعدة ..
لا تنظر إلى النتيجة السريعة ... فما يأتي سريعا يذهب سريعا ...
ولكن انظر إلى الأساس الجيد ..
كمثال ... أعرف شخصا مدرس لمادة التاريخ ... بمعنى ليس لتخصصه حاجة في دراسة اللغة .. بدأ يدرس من هنا وهناك ... وفي هذه العطلة شهر هنا ... وفي تلك العطلة شهر في دولة أخرى ... وهكذا ( تلطيش يعني ) وخلال 8 سنوات أتقن اللغة وكأنه شخص درسها دراسة تخصصية ....
غيره طبعا يفكر في أن يذهب سنة أو أكثر للخارج ... ولا زالت تلك السنة التي يفكر بها لم تتح له ....
ومضت على الاثنين فترة الثمان سنوات ... والنتيجة مختلفة لديهما ...
دمت بود ..
تحية .

أشكرك جزيل الشكر أخي مسافر متزن و كلامك في الصميم لا غبار عليه
و كما يقولون البداية طريق النجاح
أهم شيء الواحد يعزم و يتوكل على الله
فأول المشوار خطوة