طبعا اسئلتك كثيرة واجوبتها موجودة ان شاء الله بس ممكن طلب انت من وين السعودية؟
اذا السعودية بفيدك بالاجرات للشنغن وغيرها

الاجواء حلوه مثل وقت زواجي رحت شهر 5 باريس ربيع ووناسه
تحتاج فيزا الشنغن تاخذ كل المتطلبات من السفاره عباره عن استماره وتمليها مع كل الاروقا الثانيه والرسوم تاخذ حوالي 10 ايام
الفلوس حوالي من 400 الى 600 ريال سعودي باليوم شامل تنقلات بالتاكسي ومطاعم وقهاوي
اعطيك فكره سريعه مكدونالد مثلا الوجبه ب 7 يورو اما المطعم الايطالي اللي بالشانز ياخذ 55 يورو لشخصين فحسب المكان بالنسبه للمترو ارخص من التكاسي
الفيزا عاده عليها 20 الف ريال ممكن تطلع ماستر بعد وانصحك تدفع التذاكر والفندق قبل تسافر عشان مايبقى لك الا مصارفكم اليوميه
تقدر تشوف تقريري عن باريس عشان تعرف معدل الصرف اليومي بصووره اوضح وتاخذ فكره بعد عن احلا الاماكن هناك الله يتمم عليكم بالخير انشالله

أم سيف76
ههه وش أسوي ,, لا تلوميني يا اما سيف ,, كان ودي اخذ كل المعلومات منكم قبل ما اروح ,,
انا من السعودية من المنطقة الشرقية ,,
والله لا يهينك ومشكورة

عنود الرفاع
يا ويلي عليك وعلى شرحك المبسط وعلى سرعة الرد ,,
والله يعافيك يا رب ,,, لكن ما قلت لي كم يكفي اودي معاي فلوس من غير الفيزاا ,, لمدة 10 ايام ,,
والله يعافيك يا رب

1. لفة في الباص الاحمر وهو بالقرب من قوس النصر القريب من الفندق




3. اليوم الثاني


4. راح تفطرون بالفندق ان شاء الله


5. وهذا مطعم بلانيت هولويد قدام دزني روعه اكله وخاصة اللزانيا والفاهيتا


6. وهذا مدخل البارك

مبروك اخوي مقدما وبالنسبة انك من الشرقية مثلي فبصراحه خطوات الشنقن علينا صعبه وخاصه اهل الدوامات لانه يسوي موعد معا السفارة بالرياض معناها يغيب يوم من العمل وبعد اسبوع او اسبوعين يواعدونه لابد ان يغيب عن العمل يوم ثاني فاحنا نريح نفسنا ونعطي اوراقنا لمكتب والمكاتب نوعين نوع اذا حجزت منه التذاكر والسكر طلع لك الفيزا ب650 ريال معا التامين ونوع اذا جبت له التذاكر والسكن وكشف حساب لك لاخر 6 شهور معا توفر مالا يقل عن 25 الف ريال في رصيدك وصورة من بطاقتك وبطاقة المدام او كرت العائلة صور طبعا وصورتين شخصيتين لكل شخص يعملها لك ب950 ريال لمدة سنه او 750 للفترة السفر فقط يعني اسبوعين تقريبا
والجو الي بتروح فيه راع وحلو يعتبر ربيعي اهم شي بالليل تثقلون عليكم باللبس
لو حاب اعملك برنامج بسيط اشرايك بتنسق اول ثلاث ايام اذا اعجبك بكمل لك الباقي
ومن ناحية المصروف افضل بما انكم عرسان تحط في بالك 250 يورو واليورو اليوم على حسب بنك الراجحي 5.5 ريال ليش؟
لان لو قلنا بتتغدا وتتعشا بمطعم معقول وحلو اليوم ب120 يورو ودخولكم لبعض الاماكن الاثرية ومعالم باريس على الاقل اثنينكم مايزيد عن 30 يورو تنقلاتكم اما المترو وانا ما احبه داخل باريس لانك ماتشوف شي والعشر تذاكر تقريبا ب12 يورو او بالباص الاحمر وهو المحبب لي اليوم الى يومين بين 24 يورو الى 32 يورو للشخص ومفتوح اما التاكسي داخل باريس بين 15 يورو و20 يورو للاتجاه الواحد التقهوي ب20 يورو شراء اشياء تذكارية ب20 يورو اذا حبيت تكشخ وتاكل بالفوكيت او العجمي يبيلك 100 يورو يعني بتزيد ميزانية الاكل السوبرماركت يبيله حق ماي وغيرة ممكن تكون ميزانيتك 200 يورو بس دايم المعرس اشوي يبين انه بخير ولا افراط ولا تفريط
نجي للترتيب المقترح بعدها نمخمخ على الفنادق واسعار التذاكر :)
اليوم الأول

لفة في الباص الاحمر وهو بالقرب من قوس النصر القريب من الفندق

وافضل الباص لزيارة الاماكن التاريخية افضل من المترو لانه يكون على الهواء وليس مثل المترو بالاندر غراوند
التذكرة لمدة يومين او ثلاثة بحدود 24 الى 30 يورو للفترة التي تختارها وتقص التذاكر من السائق نفسة ويجب الاحتفاض بالفاتورة حتى تنتهي الفترة والتاكد من التاريخ الموجود على الفاتورة وانها صالحة لعدد الايام المطلوبة وفاتورة الباص الاحمر تختلف عن فاتورة الباص الاخضر او الاصفر كل باص تابع لشركة مختلفة والشانز يمر فيه جميع الشركات بس انت اختار الي تبي الباص الاحمر قليل التوقف الباص الاصفر او الاخضر وو التابع لشركة

فلو ركبت بالباص المكشوف والي راح يبدأ من الشانز
ويستمر تقريبا ساعتين وربع عشان تاخذون فكرة مبدئية عن المعالم وتقررون اليوم الثاني وين ترحون

Champs-Elysees الشانزليزيه
Arc de Triomphe قوس النصر
Concorde كونكورد
Madeleine مادلين
Opera الأوبرا
Louvre Museum متحف اللوفر
Cite, Saint Louis الاستشهاد ، وسانت لويس
Notre-Dame نوتردام
Seine River نهر السين
Orsay Museum Orsay متحف
Invalides
Eiffel Tower برج ايفل
Trocadero
وارجع من حيث بديت وتعشى في مطعم رايق مثل الفوكيت او حتى العجمي عشا بالعجمي لشخصين عبارة عن حمص وتبولة ومتبل وصحنين مشوي و2 بيبسي ب 110 يورو=550 ريال

الفوكيت الافرج بين 70 الى 100 يورو على حسب عدد الطلبات

بعدها تمشى لحد ساحة الكونكورد وانت راجع مر هاجن داز واخذ لك فاندو الشوكلاته بالايسكريم
">http://artravelers.com/media/" >
">http://artravelers.com/media/" >
بصراحه مادري بكم لان ناخذ اشكال كثيرة بس هذا احلاهم
وخلصنا من اليوم الاول عسى موزحمة عليك البرنامج :)

اليوم الثاني

راح تفطرون بالفندق ان شاء الله

وراح تكونون حاطين في بالكم مشوار لمعلم من المعالم الي شفتوها او اشرايك تركب الباص الاحمر وتنزل عند ساحة مادلين او عند الغلاري لافيات وتركب الباص الي بعده عشان يوديك عند هضبة مونمارت اسمها بالانجليزي Sacré Cœur
شوفها بالمخطط للباص

وهذا مسار الباص
وتستمر ساعه وربع طبعا فيه نقطة التقاء تقد تبدل الباصات عشان تلف اكبر قدر ممكن في باريس
Department stores المتاجر
(Printemps, Galeries Lafayette) (Printemps ، لافاييت Galeries)
Saint-Lazare Train Station سان لازار محطة قطار
The Moulin Rouge cabaret مولان روج كاباريه
Sacre-Coeur Basilica Sacré - Cœur كاتدرائية
Place du Tertre مكان دو Tertre
Gare du Nord (Train Station) غاري دو نور (محطة القطار)
Gare de l’Est (Train Station) غاري دي l' مؤسسة (محطة القطار)
Republique الجمهورية
Saint-Martin Canal سانت مارتن القناة
Hotel du Nord فندق دو نور
Grevin Museum (wax museum) Grevin متحف (متحف الشمع)
Opera Garnier أوبرا غارنييه
Cafe de la Paix مقهى دي والسلام
Place Vendome مكان Vendome
Place de la Madeleine ساحة مادلين
طيب الحين انتو وصلتو لاعلى منطقة في باريس تقدر تشوف باريس منها

طيب كيف الصعود الى اعلى اما تسون رياضة وتركبون هالعشرالاف ادرجة :)
او تاخذون المصعد بالجهة الثانية الي هو الكيبل كار ب6 يورو تقريبا
وتركبون وتصورون باريس من فوق
وتتفرجون عليها

بعدها تنزل وراح يكون حولينك حي الرسامين اذا بخاطركم تتقهون او انكم تركبون باصكم مرة ثانية
وتكمل مشوارك وخله يرجعك لمحطة ماندلين وبدل الباص وارجع على الشانز
او انك تكمل بالباص مال الشانز لين Invalides وتبدل الباص وتركب الباص الثالث الي يفرجك على معالم غير
( طبعا كله هذا بال 120 ريال الي دفعتها امس ) :)

وهذا مسارة
Pantheon البانتيون
Luxembourg Gardens حدائق لوكسمبورج
Sorbonne University جامعة السوربون
Paris Observatory مرصد باريس
Rue Daguerre شارع Daguerre
The Catacombs فإن سراديب الموتى
Fondation Cartier for Contemporary Art مؤسسة كارتييه للفن المعاصر
Montparnasse Tower برج Montparnasse
Invalides
Maillol Museum متحف Maillol
Saint Germain-des-Pres سان جرمان - ديس - عرض
Cluny National Museum Cluny المتحف الوطني
او انك ما تنزل من Invalides وتكمل لين سانت لويس وتبدل على المسار الرابع

Cite, Saint-Louis أذكر ، في سانت لويس
Flower Market سوق الزهور
Hotel de Ville فندق دي فيل
Arab World Institute معهد العالم العربي
Opera Bastille أوبرا الباستيل
Lyon Station محطة ليون
Jardin des Plantes Jardín ديس Plantes
Nature History Museum الطبيعة ومتحف التاريخ
Austerlitz Station محطة Austerlitz
Francois Mitterand National Library فرنسوا ميتران والمكتبة الوطنية
Bercy Parc بارك بيرسي
Bercy Omnisport بيرسي Omnisport
Cour Saint-Emillion محكمة سان Emillion
Le Marais لو ماريه
Picasso Museum متحف بيكاسو
Place des Vosges قصر Vosges
Pompidou Center – Museum of Modern Art مركز بومبيدو -- متحف الفن الحديث
يعني الحين عندك 3 خيارات اما انك بعد المنمارت والرسامين ترجع الى الشانز والفندق وتريح لحد قريب المغرب او انك تكمل مشوارك بالباص الاحمر وتختار احد المسارين
او انك بدل ماتروح الشانز تروح لحد برج ايفل وتركب للطابق الثالث ب12 يورو واذا نزلت تاخذ رحلة بحرية اذا تبيها معا عشا ب95 يورو = 450 تقريبا للشخص او ب11 يورو بس ياخذ فيك لفه وافضل برج ايفل ورحلة بنهر السين تكون على المغربية

او تعكسها رحلة بحرية بعدها برج ايفل
وعلى اساسه اما انك تتعشى بالرحلة البحرية او انك تروح احد مطاعم الشانز مثل المطعم الهندي او مطعم نورا
اليوم الثالث

طيب كيف تروح دزني
على اعتبار انك ساكن بالشانز
عندك مترو شارديغول اتوال Charles de Gaulle — Étoile الي جنب قوس النصر لانه هو الي فيه rer الخاص بالمناطق البعيدة عن باريس مثل فرساي ودزني والاوت ليت
وتاخذ تذكرة له تقريبا لشخصين ب12 يورو
وبعد 13 محطة توقف تقريبا راح توصل لمحطة دزني شيسي Marne La Vallée - Chessy
وبعدها راح تحصل اسهم عليها صور ميكي وتدلك للمخرج الي يطلعك على يورو دزني
وهنا تختار عند شباك التذاكر اما انك تاخذ لك تذكرة للبارك والاستديو او انك تاخذ لك تذكرة وحدة وتختار شنو تدخل بارك ولا استديو وهذي الاسعار من شهرين
">http://artravelers.com/media/" >
وهذا شكل بطاقاتهم الصيف والشتاء الي فات بسبب مرور 15 عام عليها

بصراحه من وجه نظري الشخصية يوم واحد ما يكفي لها
بس انا بحاول ادليك كم محل بالثنتين واهم افضل واجمل شي بدزني كلها معا انها كلها حلوة بس وقتك ما يساعد انا جلست 3 ايام

وهذا مطعم بلانيت هولويد قدام دزني روعه اكله وخاصة اللزانيا والفاهيتا

">http://artravelers.com/media/" >

وهذا مدخل البارك

">http://artravelers.com/media/" >
">http://artravelers.com/media/" >
وهذي الخارطة للبارك

فيها 3 اماكن حلوة
اول واحد اسمول ورد small world

والثاني ديسكفرلاند Discoveryland

الثالث باز Buzz Lightyear Laser Blast

وطبعا اذا بخاطركم تتغدون ومنها تحضرون عرض بالمسرح شوفو الورقة الي فيها البرنامج تجي معا الخارطة وخلو غداكم معا عرض المسرحية ومكانه جنب ديسكفري تقريبا
والعرض الرئيسي راح يكون بين الساعة 4 الى 5 العصر بتوقيت باريس يعني بين 6 الى 7 بتوقيت السعودية بالويكند بس العرض الررئيسي اما باقي الايام من غير عرض رئيسي
وهذا بخصوص البارك
اما الاستديو


">http://artravelers.com/media/" >

مدخل الاستديو مبنى رقم 1 يحتوي على محلات ومطعم ومحل اول ماتدخل على يدك اليسار فيه هندي مسلم متجنس فرنسي لان امة فرنسية ( قلت لك قصة حياته ) المهم يصورك ويدمج صورتك معا اي شخصية من شخصيات دزني للذكرى ويلبسك لبس او تكتفي بالقبعه الي مرسوم عليها مثلا دزني 2009 او اي شكل وتختار تبي معا ميكي او هاي اسكول ميزكل او هانامونتانا او ليلو ويستج او باز يطير او اي شخصية من شخصيات دزني المشهورة الصورة الكبيرة معا صورتين مقاس عادي و8 صور مقاس اصغر ب25 يورو
وانصحك تشتري صورك الي تنعرض على الشاشات بعد اي لعبه في البارك او الاستديو على الاقل اخذو لكم من لعبتين الوحدة معا برواز ( افريم رائع وفخم ) ب 20 يورو =100ريال
المهم اذا دخلت راح تحصل في وجهك لعبة خطرة بصراحه ما لعبتها لان مكتوب انتظر بالطابور ساعه ونص وهذا انا في الشتاء قلت مالها داعي
معا ان اصراخ الي يلعبون فيها يشجع على المغامرة بس قلت مو مشكله السفرة الجاية

وهذي لعبة ثانية حلوة the Rock 'n Roller

بس بصراحه الي عجبنا مرة عرض السيارات هذا لازم تشوف البرنامج وتتاكد الساعة كم يعرض

وهذا بعد حلو عبارة عن قطار كانه تور سياحي يوريك الخدع في الافلام وبعض الحركات الي يستخدمونها بالتصوير

وبصراحه واجد اشياء حلوة في الاستديو مثل نيمو الي هو مبنى 5
وعرض شخصيات ميكي بالظلام وهم مولعين بالفسفوري رائع في مبني 3 يمينك اول ماتعدي المدخل الرئيسي
وفيه اشياء كثيرة الاستديو من حركات واكشن بس عيبه ان طوابيرة تتعب
اليوم الرابع
بعد يوم متعب وشاق في يورو دزني يبيلكم راحة وتشبعون نوم عشان تنسون تعب دزني ومشوارها
ومتى ما صحيتو لك خيارين اما انك تروح وتركب لحد قوس النصر فوق والدخول ب6 يورو تقريبا
/553px-Arc_Triomphe.jpg" >
واذا نزلتو روحو على الجهه المقابلة لشارع الشانز يعني الجهه الي فيها مطعم الفوكيت
هناك محل رائع شريت منه آله للنسبرسو والكابتشينو وتقدر تتقهوا فيه وتحلي :)

الخيار الثاني انك بعد ماتصحون تروحون لمتحف اللوفر وتتمشون فيه وتشوفون الموناليزا
والباص يوصل بس اما انك تجدد وتشتري كرت ثاني او تروح بالمترو او تمشي معا انه مسافه نص ساعه مشي بس ماراح توصل الا تعبان وبتلف بالمتحف وانت مستعجل عشان ترجع وترتاح
عشان كذا نسق لكرت الباص تكون كله موجود في باريس يعني مافيها فرساي او دزني
" >
وانصح رجوعكم للفندق مشي لان المنطقة الي جنب اللوفر فيها اماكن حلوة والطريق للشانز كله حلو اما اذا حسيت انك تعبت من اللوفر اركب الباص وارجع للشانز واتوقع و راح تكون الحديقة الي عند ساحة الكونكورد والمسلة المصرية على طريقكم
اتمنى اني ما ثقلت عليك

traveler-2111
م من 4500 الى 6000 لعشره ايام مصرووف جيب بدون شوبنق ولا هدايا

أم سيف76
واو ,, يسلمك ربي على مجهودك
بصرااحة مرره راائع واتمنى انك تكملينها ,, وودي أسألك هل مبلغ من 30 - 35 الف تكفي الرحلة بكاملها مع التذاكر والسكن والتنقلات ,, وإذا امكن من ضمن الجدول تخلين لي يومين او ثلاثة ل فيننا ,, إذا أمكن ,, ؟؟
وأشكرك على مجهودك الراائع وانتظر تكملتك

عنود الرفاع
اما ,,, اتمنى والله انو من 4500 إلى 6000الاف ريال سعودي تكفى ,, لاني انا حاط ميزانيه من 30-35الف ريال سعودي لكامل الرحلة مع الت>اكر + السكن
وبالنسبة للهدايا ماكو هدايا انا رايح شهر عسل

أنا أتوقع 35 ألف ريال بتكفيك بالراحة مدام مافيه هدايا بتكفي وزياده اذا كنت بتسكن في فندق 4 نجوم وخلي مصروفك اليومي 300 يورو يعني في العشره الأيام 3000 الاف يورو والسكن 200 يورر يكون في عشره أيام 2000 يورو والمواصلات ونثريات ثانيه حط في بالك في العشره الأيام 500 يورو يعني يطلع عليك الحسبه 5500 يورو يعني تقريبا 33000 الف ريال وأحجز التذاكر من ألحين عشان يعطونك المخفضه تصير التذكرتين حدود 2500 ريال وترى أنا حاطه الأسعار في العالي أنا متأكده بتكون أقل من كذا ..
أنا وزوجي سافرنا قبل فترة وكنا حاطين في روسنا يوميا 400 يورو بس من غير الفندق طلعت 200 يورو تكفينا بالراحه نرجع الفندق ونص الفلوس باقي معنا أنت أعزم وتوكل على الله وأحجز من ألحين باريس ماتتفوت وماراح تندم ...
:2iw9l::2iw9l::2iw9l::2iw9l::2iw9l::2iw9l: