السلام عليكم ورحمة الله وبركاته ..
وصبحكم - مساكم الله بالخير كل واحد ووقته ..
اعزائي ياحلوين ماراح اطول عليكم ..
انا عندي كذا سؤال وابي اجابه عليها ..
انا ان شاء الله قررت اطلع لتركيا وبالذات اسطنبول .. للعلم وقت السفره يوم 15 سبتمبر انا وزوجتي فقط لاغير ولمده يا 8 ليالي او 9 ليالي بالكثير ..
الاسئله هي ..
1 - كيف الوضع الامني في اسطنبول كلكم عارفين الاوضاع .. هل هي عاديه الروحه لها ولا لا .. ؟
2 - الجو في اسطنبول شهر سبتمبر هل بيكون حار او بارد بالعربي الملابس اللي اخذها صيفي ولاشتوي .. ؟
3 - وش المدن او المناطق القريبه الى اسطنبول يعني اخصص لها يوم اطلع الصباح وارجع مثلا المغرب بالسياره .. ؟ واذا كان فيه مناطق ريفيه يفضل ذكرها .. واذا ماقدرت اروح بالسياره وبروح بالعباره من وين اقص التذاكر وبكم سعرها ؟
4 - بخصوص الفيزا اول ما اوصل للمطار هل فيه ورقه اعبيها بالطياره ولا اعبيها بالمطار ؟ وانا سمعت ان الفيزا للشخص الواحد 20 دولار بالضبط ؟
5 - ابي تعطوني كم احط ميزانيه لكل يوم هل 1000 ريال تكفي لكل يوم ولا 500 ريال انا ماعرف الديره يااخوان ولا عندي اي خبر فيها والسفره مفاجئه وقلت والله مايخيبون ظني شباب المسافرون العرب بيسنعوني .. !
6 - اخر سؤال والحمدلله .. مهوب سؤال .. طلب ابي فندقين ممتازين يكون اعلى حد لهم بالليله الوحده 700 ريال ( لاتنسون اني رايح بوقت مهوب موسم سياحه يعني الناس بتكون تدرس وتشتغل ) سواء يكون خمس نجوم ولا اربعه بس اهم شي يكونون بالجزء الاوربي من اسطنبول مابي الجزء الاسيوي ويكونون موقعهم قريب من الخدمات مثل المطاعم بقالات .. !
ملاحظه : ادري الكثير بيقول ليه ماتسافر لكذا مدينه .. انا سويت هالحركه في ماليزيا وتحسفت كثير لانها متعبه جدا ومابي اخرب سفرتي واكررها ..
اخواني اسف كل الاسف على الاطاله والله اني منحرج منكم لكن ارجوكم جاوبوني .. والله اني احتاج المساعده ..
والف شكر لكم