أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ارجوو مساعدتي ب جدول شهر عسل لي تايلند
مع العلم اني انوي الذهاب ل بكت وشنق ماي وبانكوك للتسوق
وارجوو من الاخوه افادتي عن المده التي تكفي كل مدينه
وافادتي عن حاله الطقس في اجازه عيد الفطر المبارك
وشكراا
مرحبا يا اخوي (الجمله)
بنسبة لشهر العسل اسبوعين كفايه وتقسم هل 15 يوم على النحو التالي شنج ماي 5 ايام وبوكت 7ايام و3ايام بانكوك
واذا حاب اتضيف اماكن ثانية فعليك بجزيرة( كوساموي )
واما بنسبه للجو الحين بيكون الجو معتدل ممطر في بعض الايام
واذا حاب انك تعمل جدول كامل ويشمل من (ا) الي (ي) راسلني وسنتعاون في ايجاد الانسب ان شاء الله
راعيه بانكوك مشكور علي التواصل ويعطيك العافيه
روح غناتي تسلم والله ومن طيبك ومن حظي والله
لكن ودي اسأل عن الذهاب ل لنكاوي عن طريق بكت ب البحر اذا عندك معلومات تكفي افدني
سلام عليكم اخوي انا شهر 9 كنت في تايلاند شهر العسل نصيحه له لا تروح بوكيت روح ساموي احلا مليون مره وكلها اجانب ولا تشوف ولا عربي واحد هذا الحلو فيها وتحس انك مسافر انا رحت قعدت اسبوع بس وايد اسبوع خلك فيها 5 ايام واسكن في فندق سالا حده عجيب فلل خاصه وحمام سباحه خاص ونظيف جدا واللي يشتغلون فيه وايد سمحين وانا اول كويتي اسكن فيه على كلام مديرهم وبعدين روح بانكوك واسكن في انتر كونتيناتال لا اماري ولا شارع العرب هذا الفندق مقابل مجمع زين وسنترال بس تعبر الشارع وبانكوك اقعد فيها 4 ايام كافي وبرجعتك حق ديرتك روح دبي واقعد فيها يومين بال ميناء السلام اما للمصاريف بالجزيره 300 ديناركويتي غير السكن اما في بانكوك لا اخذ معاك مبلغ زين يعني 3000 دولار والفيزا خلها سبير لانه المره تمشي وتخم بالسوق غير السكن واخذ زوجتك في مجمع زين في محل اسمه تانجو وايد راقي وغالي نصيحه لك لما يعطونك الفاتوره على شان tax خل الاشياء اللي شاريهم مع بعض على شان بالمطار لازم يشوفونهم على شان يعطونك فلوس الضريبة مو تحط الجناط بالكاونتر وترجع حق الضريبة ترى ما يردون لك ولا فلس اذا بتركب التك تك لاتركب مع اللي لابسين عادي في سواق لابسين مثل بالطو ازرق وعليه شعار تك تك اركب مع هذول ارخص لانه اللي لابسين عادي حرامية يضربونك بالسعر فوق 100 بات و 200 بات اما اللي لابسين بالطو هذول ارخص 20 او 30 بات يوصلونك بالنسبة للتاكسي اركب اللي مع عداد واشرط العداد اما في ساموي مافيه عدادات بين 250 و200 لانه سالا بعيد عن السوق اما للرحلات الحلو اخذها من الفندق اضمن وامان وسجل اسامي الاسواق في بانكوك ام بي كي زين وسنترال سن لوم نايت بازار هذول احسن شي لاتروح باتبونج ترى السوق بنص الدعارة ورحله سعيده اخوي ولاتنسى تروح شانغماي سمعت انها وايد حلوه وفيها شلالات و زهور
مبروك ان شاء الله وعقبال ما تفرح بالاولاد :x1:
اخوي احجز على بزنس كلاس لا تغلط نفسي انا حجزت على السياحيه وتحسفت وغيرت حجزي بالرده على البزنس راحه نفسية وتنام وانت مرتاح وتحس انك مسافر وبلغ المكتب انه يقول للفنادق هونيمونر بالفاوشر على شان الكيك والورود واتعب على الفنادق ودور احسن شي على شان تستانس اختار نفسي سالا وانتركونتيناتال وادعي لي . سالا الليلة 116 دينار بالوقت الحالي اعتقد عنوان الفندق http://www.r24.org/thailand-ticket.de/samui/salasamui/pictures/ اسم الغرفه Bedroom Pool Villa Suite 1
مرحبا يا اخوي (الجملة )
بنسبة لجزيرة (لنكاوي) ماعندي اي فكرة عن هذي الجزيرة ولكن بامكانك ان تشوف موقعها علي هذي الخريطة وهي على ما اعتقد قريبة من ج بوكت
وبنسبه للرحلات البحرية من جزيرة الي جزيرة اخري ممتعة جدا عليك انك تسال في ج بوكت عن كيفية الوصول الي تلك الجزيرة سواي عن طريق الطائرة او الباخرة.(واسعار الرحلات البحرية رخيصة جدا).
واسمحلنا على القصور
http://www.bugbog.com/maps/asia/thailand_beaches_map.html
ياشباب انا راح اسأل سؤال اضافي واتمنى الاجابة الكافية
بالعربي كم تكلف السفره الى بانكوك لمدة 15 يوم
اذا كانت السفرة الى بوكيت،،ساموي،،شنغماي،،،،،،،،شاملة التسوق انواع الفلة
من غير تذاكر السفر....
اخوكم ..المزمجر
بوكت 4-5 ايام
شنغماي 5 ايام
وبانكوك 5 ايام
خلها اسبوعين اوكيه ..
الجو زين بس احر عن 7 8 .. يعني 27 -32 درجة الحرارة وممطره احيانا
اي استفسار انا حاضرة ......