السلام عليكم ورحمة الله وبركاته ..
اول مشاركه لي في المنتدى الرائع واللي استفدت منه الكثير ... من تقارير الرحلات للاعضاء وايضا المواضيع اللي يطرحها اخونا ابوعزيز جزاه الله كل كل خير ...
بعرض لكم برنامج رحلتي واتمنى استفيد منكم واقتراحاتكم وتعديلاتكم في كل شي سواء حجز الفنادق ، برنامج الرحله ، الميزانيه وكل شي ..
رحلتي ان شاء الله بتكون من تاريخ 11 اغسطس الى تاريخ 27 اغسطس .. اجمالا 17 يوم !!
الرحله : طيران لوفثانزا الالمانيه ..الرياض - فرانكفورت - جنيف
والعوده : ميونخ - فرانكفورت - الرياض
قيمه التذكره كانت 10200 ذهاب وعوده لشخصين .. ولكن بسبب انه حدث تغيير في موعد الرحله كانت الى 30 اغسطس قدمناها الى 27 اغسطس >>> سبب التقديم في الموعد هو خوفنا ان الميزانيه ما تكفي
بعد التعديل في الموعد دفعنا زياده 2400 وهالزياده شامله الجزاء حق التغيير وهو تقريبا ب 600 ريال بالاضافه انا كانت دايركت الرحله وغيرناها لكونكت وكان لها قيمه برضو بس ما اتذكر ..
هذا بخصوص الرحله ومسارها ..
الوصول الاول حيكون في جنيف وبنجلس فيها ثلاث ايام .. الفنادق المختاره هم فندقين الاول : Hotel bernina geneva
والثاني : Best westren hotel strasbourg
فكرنا في bristol بس حقيقة غالي شوي حوالي 4000 وشي .. وانا افضل اني اصرف اي مبلغ زايد في التسوق )
#* مرحله جنيف الاسئله كالتالي :
1- ايش رايكم بالفنادق واذا فيه اقتراحات لفنادق بحدود 2000 ريال لليلتين ؟
2- ايش الاماكن والاسواق اللي تنصحون فيها مع مراعاة المده القصيره؟
#* الهدف من جنيف هو التسوق بالنسبه لنا !
نقطه الزياره الثانيه : انترلاكن .. وبنجلس فيها حدود 4-5 ايام
الفنادق المختاره هم .. الفندق الاول : Seiler au lac
الفندق الثاني : hotel kreuz
للاسف حجزنا في goledy swiss ولكن لمشكله في الفيزا انلغى الحجز ولما انحلت المشكله ورجعنا بنحجز مالقينا حجز فيه :'( .. اغلب الفنادق بشكل عام في انترلاكن محجوزه للاسف ..
الاماكن المقرر زيارتها ان شاء الله ( بعد الاطلاع علئ مدونه اخونا ابو عزيز ) .
هي : 1- توب او يورب
2- اوشن سي :*N 46.49725, E 7.68227
البحيره الزرقاء blausee في ferienregion Lotschberg احداثياتهاN*46° 32 01.8” E007° 40 01.6
3- Heimwehfluh+ قرية فرينديلفالد
N 46.62351
E 008.0466
#* مرحلة انترلاكن الاسئله كالتالي :
1- ايش رايكم في الفنادق واذا عندكم اي اقتراحات لفنادق اخرى متوفره ؟
2- الاماكن المراد زيارتها ايش رايكم فيها والشي الثاني باقي لنا يوم او يومين ايش تنصحونا نزور فيها ؟
3- قمة فيرست ايش رايكم فيها ؟!
نقطه الوصول الثالثه : زيورخ وراح نجلس فيها ثلاث ايام ..
الفنادق المختاره : الفندق الاول : Central plaza
الفندق الثاني : سانت جوزيف
.. نفكر في سانت جوزيف اكثر عشان فارق السعر بينها وبين سنترال بلازا تقريبا الفرق 1700 ريال ..
الاماكن المراد زيارتها هي :
شلالات الراين
رحله في البوت في البحيره
مصنع الشوكلت
بلاد هايدي
#* مرحلة زيورخ الاسئله كالتالي :
1- ايش رايكم في الفنادق ؟ وهل تويدوني في قرار سانت جوزيف ؟ واللي سنترال بلازا يستاهل فارق السعر ؟
2- ايش الاماكن اللي تقترحون اننا نزورها في زيوخ ؟ وهل فيه اسواق ؟
نقطه الوصول الرابعه : زيلامسي وبنجلس فيها 5 ايام ..
تقريبا هو فندق واحد اللي اختارناه بحسب المتوفر وهو : Seevilla freiberg وتقريبا حوالي 6400 ريال لاربع ليالي ..
حجزنا في القراند بس بسبب مشكله الفيزا انلغئ الحجز للاسف ..
الاماكن المراد زيارتها :
حقيقة لايوجد للاسف .. على ما انا متحمسه لزيلامسي والسفره كلها عشانها على كثر ما انا ضايعه ما ادري وين اروح فيها ...
#* مرحلة زيلامسي :
1- ايش الاماكن اللي تقترحون علينا نزورها في زيلامسي لمده خمس ايام ؟!
نقطه الوصول الاخيره : ميونخ بنجلس اربع ايام ..
الفنادق المقترحه : الفندق الاول : Le Meridien munich
الفندق الثاني : Best westren atrium hotel
الفندق الثالث : Eurostars book hotel
الفندق الرابع : Villa am schlosspark
والرغبه في الثلاث الاخيره وذلك لنفس السبب فارق السعر ..
الامااكن المراد زيارتها :
نفس زيلامسي لايوجد !!!!!
#* الهدف من ميونخ التسوق
اقتراحات للاماكن والاسواق فيها !!
ميزانيه الرحله من غير سعر التذاكر و سعر الفنادق (اذا اختارنا الاسعار المتوسطه زي اللي حددتها ) راح تكون حوالي 35000 ريال !!
هل الميزانيه كافيه للتسوق والاكل والرحلات للاماكن ...
وسيلة المواصلات بنستاجر سياره الاستلام في جنيف والتسليم في ميونخ ..
قد يكون موضوع جدا طويل بس حاولت اوضح كل شي عشان حتى تكون الصوره واضحه لكم وتكون اقتراحاتكم مفيده وفي محلها ...
شكرا جزيلا ..