السلام عليكم
لو سمحتو اخواني وخواتي ياليت تساعدوني بتخطيط سفره الصيف هالسنه
عيلتي مكونه مني انا وزوجي وعيالي 4 الاعمار 10 سنين و 10 سنين و 6 سنين و 5 اشهر
ممخططين نروح لباريس اخر اسبوع في شهر 6
وبنظل فيها لين 30-6 يعني 9 ايام 8 ليالي
سويت بحثي عن الطيران لقيت ان الميدل ايست اللبناني اقصر مسافه قلت نسافر من الكويت لين بيروت نبيت ليله مع اليهال ومن باجر نطير علي باريس
لان ماقدر ترانزيت مع ياهل صغيره ام 5 شهور ولاقدر رحله طويله حيل 8 ساعات بالقطريه او الاماراتيه لان الكل فيه ترانزيت ساعتين !
شرايكم؟
بالنسبه لباريس
وين تنصحوني ننزل؟ في فنادق سويتات 2 كونكتد رومز او غرفه نوم معزوله عن الصاله تنصحوني فيها
وين افضل شارع نسكن فيه ويكون حيوي وحلو
هل تنصحونا بتاجير سياره للعلم زوجي متعلم يسوق بره جم مره سافرنا اوربا وكنا نسوق فيها
في شركه معينه تنصحوني فيها؟
اماكن او جدول لفتره سفرتنا؟ طبعا الاولوليه لدزني بناتي يتحلمون فيها
الحين الجزء الثاني من السفره
الخطه ان نروح زلمسي
بحت لقيت ان اقرب مطار لها اهو ميونخ
ودورت بالطيران لقيت الايرفرانس يودي بسعر زين ومسافه ساعه ونص ودايركت فلايت من باريس
وهم اللوفتانزا بس اغلا
شرايكم؟ايهو افضل
وقلت لزوجي ناجر سياره من مطار ميونخ ونروح زلمسي
شرايكم؟ احتاج خبرتكم اقعد بيومنخ يومين وزلمسي 4؟
والا اخليهم كلهم زلمسي؟شرايكم وين اسكن وشنو جدول
وونرد عقبها باريس ليله ونرجع الكويت
خبرتكم معاي وهمتكم يا اهل الهمه